കോവിഡ്​: പുതിയ രോഗികൾ 218

ദോഹ: ഖത്തറിൽ വെള്ളിയാഴ്​ച 218 പേർക്ക്​ കൂടി​ പുതുതായി കോവിഡ്​ സ്​ഥിരീകരിച്ചു​.ഇതിൽ 134 പേർക്ക്​ സമൂഹവ്യാപനത്തിലൂടെയാണ്​ രോഗബാധ. 84 പേർ വിദേശത്ത്​ നിന്ന്​ തിരിച്ചെത്തിയവരാണ്​. 146 പേരാണ്​​ ഇന്നലെ രോഗമുക്​തരായത്​. ​ഇന്നലെ പുതിയ മരണങ്ങളില്ല. നിലവിലുള്ള ആകെ രോഗികളുടെ എണ്ണം 2142 ആയി ഉയർന്നു. ഇന്നലെ 20562 പേർക്കാണ്​ പരിശോധന നടത്തിയത്​.

71 പേർ വിവിധ ആശുപത്രികളിലായി ചികിത്സയിലുണ്ട്​. ഇതിൽ എട്ടുപേരെ കഴിഞ്ഞ 24 മണിക്കൂറിനുള്ളിൽ ​പ്രവേശിപ്പിച്ചതാണ്​. 24 പേർ തീവ്രപരിചരണ വിഭാഗത്തിൽ കഴിയുന്നുണ്ട്​. ഇതിൽ രണ്ടുപേരെ ഇന്നലെ പ്രവേശിപ്പിച്ചതാണ്​. 24 മണിക്കൂറിനിടെ 21,736 ഡോസ്​ വാക്​സിൻ നൽകി.

ഇതുവരെ ആകെ 39.38 ലക്ഷം ഡോസ്​ വാക്​സിൻ നൽകിയതായി ആരോഗ്യ മന്ത്രാലയം അറിയിച്ചു.