keyboard_arrow_down
ദോഹ: കോവിഡ് 19 നിയന്ത്രിക്കാനും തരണം ചെയ്യാനും തക്ക സൗകര്യങ്ങളും ആരോഗ്യ സംവിധാനങ്ങളും ഖത്തറിനുണ്ടെന്ന് ഖത് തറിലെ ചൈനീസ് അംബാസഡര്‍ ഴോ ജിയാന്‍. ഏറ്റവും ദുര്‍ഘടമായ സമയത്തിലൂടെ കടന്നുപോയപ്പോള്‍ ചൈനക്ക് ഖത്തര്‍ നൽകിയ സഹ ായം തെൻറ രാജ്യം ഒരുകാലത്തും മറക്കില്ലെന്നും അംബാസഡര്‍ വാർത്താസമ്മേളനത്തിൽ പറഞ്ഞു.
ഇപ്പോള്‍ ഖത്തര്‍ കോവിഡ് 19 ഭീഷണി നേരിടുകയാണ്. ഈ സന്ദര്‍ഭത്തില്‍ ഖത്തറിലെ ജനങ്ങളോടൊപ്പം ചൈനക്കാര്‍ നിൽക്കും. ഏതുതരം സഹായത്തിനും തയ്യാറാണെന്നും അദ്ദേഹം പറഞ്ഞു. കോവിഡ് 19 നിയന്ത്രിക്കാനും ചികിത്സിക്കാനുമുള്ള ചൈനയുടെ അനുഭവവും കഴിവുകളും നിലവില്‍ ഖത്തറുമായി പങ്കുവെച്ചിട്ടുണ്ട്. അതിനിയും തുടരും.
വീഡിയോ കോണ്‍ഫറന്‍സ് വഴി സാങ്കേതിക പിന്തുണ നൽകാന്‍ ചൈനയിലെ ആരോഗ്യ രംഗത്തെ വിദഗ്ധര്‍ ശ്രമിക്കുന്നുണ്ട്. ആവശ്യമെങ്കില്‍ പരിശോധന കിറ്റുകള്‍ നൽകുമെന്നും അദ്ദേഹം വിശദീകരിച്ചു.
കോവിഡ് നിയന്ത്രിക്കാനും പ്രതിരോധിക്കാനുമുള്ള നടപടികളുമായി ചൈന കൈകോര്‍ക്കുന്നുണ്ട്. ബാങ്ക് ഓഫ് ചൈന, കൊമേഴ്സ്യല്‍ ബാങ്ക് ഓഫ് ചൈന ദോഹ ശാഖ എന്നിവ ഒരു മില്യന്‍ ജോഡി മെഡിക്കല്‍ ഗ്ലൗസുകള്‍ സംഭാവന നൽകും.