നിയന്ത്രണങ്ങളിൽ ഇളവ്: റസ്​റ്റാറൻറുകൾക്ക്​ ഇനി മുതൽ പാർസലും നൽകാം

ദോഹ: കോവിഡ്–19 പശ്ചാത്തലത്തിൽ രാജ്യത്തെ റസ്​റ്റാറൻറുകൾക്കും കഫേകൾക്കും ഏർപ്പെടുത്തിയിരുന്ന നിയന്ത്രണങ്ങളിൽ ഇളവ് വരുത്തി വാണിജ്യ വ്യവസായ മന്ത്രാലയം. മന്ത്രാലയത്തി​െൻറ പുതിയ തീരുമാനപ്രകാരം റസ്​റ്റാറൻറുകൾക്കും കഫേകൾക്കും ഇനി മുതൽ ഹോം ഡെലിവറിയോടൊപ്പം ഷോപ്പുകളിലെത്തുന്നവർക്ക് പാർസൽ സേവനവും നൽകാനാകും. കോവിഡ്–19 പ്രതിരോധ പ്രവർത്തനങ്ങളുടെ ഭാഗമായി ഖത്തറിലെ റസ്​റ്റാറൻറുകൾക്കും കഫേകൾക്കും ഹോം ഡെലിവറി സേവനം മാത്രമേ നൽകാനാകൂ എന്ന് നേരത്തെ മന്ത്രാലയം തീരുമാനിച്ചിരുന്നു.എന്നാൽ, മാളുകളിൽ പ്രവർത്തിക്കുന്ന കഫേകൾക്കും റസ്​റ്റാറൻറുകൾക്കും ഈ തീരുമാനം ബാധകമാകുകയില്ല. മാളുകളിലുള്ളവക്ക്​ ഹോം ഡെലിവറി മാത്രമേ പാടുള്ളൂവെന്നും മന്ത്രാലയം വ്യക്തമാക്കിയിട്ടുണ്ട്. ഇവിടെ നിന്നും ഒരിക്കലും ഓർഡറുകൾ സ്വീകരിക്കാനും പാർസൽ നൽകാനും പാടില്ലെന്നും മന്ത്രാലയം നിർദേശിച്ചിട്ടുണ്ട്.

അതേസമയം, കോവിഡ്–19 പ്രതിരോധ പ്രവർത്തനങ്ങളുടെ ഭാഗമായി ഉപഭോക്താക്കളുടെയും ജീവനക്കാരുടെയും സുരക്ഷ ഉറപ്പാക്കുന്നതിന് റസ്​റ്റാറൻറുകളും കഫേകളും വാണിജ്യ മന്ത്രലായം, തൊഴിൽ മന്ത്രാലയം, ആരോഗ്യ മന്ത്രാലയം എന്നിവയുടെ നിർദേശങ്ങളും മാനദണ്ഡങ്ങളും നിർബന്ധമായും പാലിക്കണമെന്നും മന്ത്രാലയം ഓർമ്മിപ്പിച്ചു. നിയമലംഘകർക്കെതിരെ ശക്തമായ നടപടി സ്വീകരിക്കുമെന്ന് മുന്നറിയിപ്പ് നൽകി. നേരത്തെ റസ്​റ്റാറൻറുകൾക്കും കഫേകൾക്കും പാർസൽ സേവനം നൽകാൻ അനുമതിയുണ്ടായിരുന്നെങ്കിലും ഷോപ്പുകളുടെ മുന്നിൽ ഉപഭോക്താക്കൾ കൂട്ടം കൂടി നിൽക്കുന്നത് ശ്രദ്ധയിൽ പെട്ടതിനെ തുടർന്നാണ് ഹോം ഡെലിവറി സേവനം മാത്രമാക്കി പരിമിതപ്പെടുത്തിയത്.പൊതുസ്വകാര്യ മേഖലകളിൽ നിർബന്ധമായും മാസ്​ക് ധരിക്കണമെന്ന നിയമം രാജ്യത്ത്​ നേരത്തേ പ്രാബല്യത്തിൽ വന്നിട്ടുണ്ട്​. ഇത്​ ലംഘിക്കുന്നവർക്ക്​ മൂന്ന് വർഷം വരെ തടവും രണ്ട് ലക്ഷം റിയാൽ പിഴയും ലഭിക്കും. രാജ്യത്ത് കോവിഡ്–19 വ്യാപനം വർധിച്ച സാഹചര്യത്തിലാണ് മാസ്​ക് ധരിക്കൽ നിർബന്ധമാക്കിയത്​. പകർച്ചവ്യാധികൾ തടയുന്നതുമായി ബന്ധപ്പെട്ട 1990ലെ 17ാം നമ്പർ നിയമപ്രകാരമായിരിക്കും നടപടികൾ.

വാണിജ്യ വ്യവസായ മന്ത്രാലയത്തി​െൻറ പ്രത്യേക ഉത്തരവ് പ്രകാരം ഭക്ഷ്യ, കാറ്ററിംഗ് സ്​റ്റോറുകളിലെ ജീവനക്കാർ, ഉപഭോക്താക്കൾ, പൊതു–സ്വകാര്യ മേഖലകളിലെ ജീവനക്കാരും ഉപഭോക്താക്കളും, കോൺട്രാക്ടിംഗ് മേഖലയിൽ ജോലി ചെയ്യുന്ന തൊഴിലാളികൾ എന്നിവരെല്ലാം മാസ്​ക് ധരിച്ചിരിക്കണം.
കോവിഡ്–19 പ്രതിരോധ പ്രവർത്തനങ്ങൾ ഊർജിതമാക്കുന്നതി​െൻറ ഭാഗമായുള്ള മന്ത്രിസഭാ തീരുമാനങ്ങളുടെ പിൻബലത്തിലാണ് വാണിജ്യ മന്ത്രാലയം മാസ്​ക് നിർബന്ധമാക്കി ഉത്തരവിറക്കിയിരിക്കുന്നത്. ഉപഭോക്താക്കൾ നിർദേശം പാലിക്കുന്നില്ലെങ്കിൽ പ്രവേശനം തടയുന്നതടക്കമുള്ള നിയന്ത്രണങ്ങൾ വരുത്താൻ ജീവനക്കാർക്ക് അധികാരമുണ്ട്​.ഷോപ്പിംഗ് സ​െൻററുകളിലും സൂപ്പർമാർക്കറ്റുകളിലും ഷോപ്പിംഗിനെത്തുന്നവർ മാസ്​ക് ധരിച്ചില്ലെങ്കിൽ അകത്തേക്ക് പ്രവേശിപ്പിക്കരുത്​.