ഖത്തറിൽ കോവിഡ്​ നിയന്ത്രണങ്ങൾ രണ്ടാഴ്​ച കൂടി തുടരും

ദോഹ: കോവിഡ്–19 പ്രതിരോധ പ്രവർത്തനങ്ങളുടെയും വ്യാപനം തടയുന്നതി​െൻറയും ഭാഗമായി രാജ്യത്ത്​ സ്വീകരിച്ച മുൻക രുതൽ നടപടികളും നിയന്ത്രണങ്ങളും നീട്ടാൻ മന്ത്രിസഭ യോഗത്തിൽ തീരുമാനം. പ്രധാനമന്ത്രിയും ആഭ്യന്തരമന്ത്രിയുമായ ശൈഖ് ഖാലിദ് ബിൻ ഖലീഫ ബിൻ അബ്​ദുൽ അസീസ്​ ആൽഥാനിയുടെ അധ്യക്ഷതയിൽ ചേർന്ന വീഡിയോ കോൺഫെറൻസ്​ യോഗത്തിലാണ് തീരുമ ാനം. രണ്ടാഴ്ചത്തേക്ക് കൂടിയാണ് നിലവിലെ നിയന്ത്രണങ്ങൾ നീട്ടിയത്. പിന്നീട് സ്​ഥിതിഗതികൾ വിലയിരുത്തി നിയന്ത്രണ ങ്ങൾ നീട്ടുന്നത് പുനഃപരിശോധിക്കും.

മന്ത്രിസഭ തീരുമാനങ്ങൾ (നിലവിലുള്ള താഴെ പറയുന്ന നിയന്ത്രണങ്ങളാണ് നീട്ടിയത്):

1. സർക്കാർ ഓഫിസുകളിലും സ്​ഥാപനങ്ങളിലും 20 ശതമാനം ജീവനക്കാർ മാത്രം.
2. സ്വകാര്യ മേഖലയിലെ സ്​ഥാപനങ്ങളിലും 20 ശതമാനം ജീവനക്കാർ മാത്രം, ബാക്കിയുള്ളവർ വീടുകളിലിരുന്ന്​ ജോലി ചെയ്യണം. തൊഴിലിടങ്ങളിൽ ജീവനക്കാരുടെ എണ്ണം കുറക്കും.

3. പൊതു–സ്വകാര്യ മേഖലകളിലെ ജോലി സമയം രാവിലെ ഏഴ് മുതൽ ഉച്ചക്ക് ഒന്ന്​ വരെ. രണ്ട്​ മേഖലകളിലെയും തൊഴിൽസമയം ആറ് മണിക്കൂറായാണ്​ നിർണയിച്ചത്​.
4. സ്വകാര്യ–സർക്കാർ തലങ്ങളിലെ എല്ലാ യോഗങ്ങളും സാമൂഹിക അകലം പാലിച്ചും ആധുനിക സാങ്കേതിക വിദ്യകൾ ഉപയോഗിച്ചുമാകണം.

5. ക്ലീനിങ്–ഹോസ്​പിറ്റാലിറ്റി കമ്പനികൾ വീടുകളും സ്​ഥാപനങ്ങളും വൃത്തിയാക്കുന്നത്​ നിരോധിക്കൽ.
6. തൊഴിലിടങ്ങളിലേക്കും തിരിച്ചുമുള്ള ബസുകളിലെ തൊഴിലാളികളുടെ എണ്ണം പകുതിയായി കുറക്കൽ.

7. വിവിധ ഭക്ഷ്യസ്​ഥാപനങ്ങളിലെ വിവിധ നിയന്ത്രണങ്ങൾ.
8. വെള്ളി, ശനി എന്നീ വാരാന്ത്യഅവധി ദിനങ്ങളിലെ വാണിജ്യപ്രവർത്തനങ്ങളുടെ നിയന്ത്രണം.
റെസ്​റ്റോറൻറുകളിലും കടകളിലും വാണിജ്യ മന്ത്രാലയത്തി​െൻറ പരിശോധന കർശനമാക്കും.

മന്ത്രിസഭ തീരുമാനം ഏപ്രിൽ 16 മുതൽ അടുത്ത രണ്ടാഴ്ച കാലത്തേക്ക് പ്രാബല്യത്തിൽ വരും.