കോവിഡ്: നിയന്ത്രണം നീക്കൽ, വേണം കൂടുതൽ ജാഗ്രത

ദോഹ: രാജ്യത്ത് കോവിഡ്–19 വ്യാപനം കുറക്കുന്നതിനുള്ള നിയന്ത്രണങ്ങൾ പിൻവലിക്കാൻ ആരംഭിച്ചെങ്കിലും ജനങ്ങൾ കൂടുതൽ ജാഗ്രത പാലിക്കേണ്ട സമയമാണിത്​- പറയുന്നത്​ ഹമദ് ജനറൽ ആശുപത്രി മെഡിക്കൽ ഡയറക്ടർ ഡോ. യൂസുഫ് അൽ മസ്​ലമാനി. പുതിയ പോസിറ്റിവ് കേസുകൾ കുറയുന്നതിന്, വൈറസ്​ പൂർണമായും നീങ്ങിയെന്ന് അർഥമില്ല. വൈറസി​​െൻറ രണ്ടാം വരവ് ഇല്ലാതാക്കുന്നതിന് ജനങ്ങൾ കൂടുതൽ ജാഗ്രതയോടെ മുൻകരുതലുകൾ സ്വീകരിക്കണമെന്നും അദ്ദേഹം പറഞ്ഞു. കോവിഡ്–19 വ്യാപനം കുറയുന്നതിനാൽ മുൻകരുതലുകൾ സ്വീകരിക്കുന്നതിൽ ജനങ്ങൾ അലംഭാവം കാട്ടുന്നത് ശ്രദ്ധയിൽ പെട്ടിട്ടുണ്ട്​. രോഗവ്യാപനം കുറയുന്നതിനാൽ സുരക്ഷാ മുൻകരുതൽ സ്വീകരിക്കേണ്ടെന്ന മിഥ്യാധാരണ ജനങ്ങൾക്കിടയിലുണ്ട്​. ഇതിലൂടെ അവർ സ്വയം അപകടത്തിലേക്ക് നീങ്ങുകയാണ്​. വൈറസ്​ അതി​െൻറ എല്ലാ ശക്തിയോടെയും നമുക്കിടയിലുണ്ടെന്നും അദ്ദേഹം മുന്നറിയിപ്പ് നൽകി. കോവിഡ്–19 രോഗത്തി​െൻറ അപകടത്തോത് കുറഞ്ഞിട്ടില്ല. 

മരണം വരെ സംഭവിക്കാൻ ഇനിയും സാധ്യതകളേറെയാണ്​. സ്വയം അപകടത്തിലേക്ക് നീങ്ങുന്നതും അതിലൂടെ മറ്റുള്ളവരെ അപകടത്തിൽ പെടുത്തുന്നതും നമ്മളെല്ലാം ഒഴിവാക്കണമെന്നും ഡോ. അൽ മസ്​ലമാനി വ്യക്തമാക്കി. ജനങ്ങളുടെ അലംഭാവം കാരണം കോവിഡ്–19​​െൻറ രണ്ടാം വരവ് മറ്റു രാജ്യങ്ങളിൽ സംഭവിച്ചതിന് നാം സാക്ഷികളാണ്​. ആസ്ട്രേലിയ, ഹോങ്കോങ്, ജർമനി എന്നീ രാജ്യങ്ങൾ ഇപ്പോൾ കോവിഡ്–19​​െൻറ രണ്ടാം വ്യാപനത്തിനെതിരെ പോരാടുകയാണ്​. മുൻകരുതൽ സ്വീകരിക്കുന്നതിലെ വീഴ്ചയാണിതിന് കാരണം. ആസ്​ട്രേലിയയിലെ മെൽബണിൽ ഇപ്പോൾ ആറാഴ്ചത്തെ ലോക്​ഡൗൺ നടപ്പാക്കിയിരിക്കുകയാണ്​. കോവിഡ്–19​​െൻറ രണ്ടാം വരവ് ഖത്തറിൽ സംഭവിക്കുകയാണെങ്കിൽ വീണ്ടും ലോക്​ഡൗൺ ആവശ്യമായി വരും. ഇത് കൂടുതൽ കടുത്തതാകുമെന്നും അദ്ദേഹം പറഞ്ഞു.ജനങ്ങൾ മുൻകരുതലുകൾ സ്വീകരിക്കുന്നതിൽ ഒരിക്കലും അലംഭാവം കാട്ടരുത്​. സാമൂഹിക അകലം പാലിക്കുക, കൂടെക്കൂടെ കൈകൾ വൃത്തിയാക്കുക, മാസ്​ക് ധരിക്കുക തുടങ്ങിയവയെല്ലാം കർശനമായി പാലിക്കണം.