കോവിഡ് പ്രതിരോധം: അന്താരാഷ്​ട്ര സമൂഹം ​െഎക്യപ്പെടണമെന്ന്​ ഖത്തർ

ദോഹ: ആഗോള തലത്തിൽ ഭീതി പരരത്തുന്ന കോവിഡ്–19നെതിരായ പോരാട്ടത്തിൽ അന്താരാഷ്​ട്ര സമൂഹം ഐക്യപ്പെടണമെന്നും പരസ്​പരം സഹകരിച്ച് മുന്നോട്ട് പോകണമെന്നും ഖത്തർ ഉപപ്രധാനമന്ത്രിയും വിദേശകാര്യമന്ത്രിയുമായ ശൈഖ് മുഹമ്മദ് ബിൻ അബ്​ദുറഹ്മാൻ ആൽഥാനി. ലോക എകണോമിക് ഫോറത്തിൽ വീഡിയോ കോൺഫെറൻസ്​ വഴി സംസാരിക്കുകയായിരുന്നു അദ്ദേഹം. വാക്സിനുകളും മരുന്നുകളും കണ്ടുപിടിക്കുന്നതിലെ മത്സരം ഒഴിവാക്കണം. റമദാനുമായി ബന്ധപ്പെട്ട് അമീർ ശൈഖ് തമീം ബിൻ ഹമദ് ആൽഥാനി രാഷ്​ട്ര ത്തെ അഭിസംബോധന ചെയ്തതും ശൈഖ് മുഹമ്മദ് ആൽഥാനി പ്രത്യേകം എടുത്തുപറഞ്ഞു.

സ്വദേശികൾക്കും വിദേശികൾക്കും സംരക്ഷണം നൽകുന്നതിൽ ഖത്തർ വിവേചനം കാണിക്കുന്നില്ല. കോവിഡ്–19​െൻറ ഒന്നാം ദിനം മുതൽ രാജ്യത്തെ എല്ലാ ജനങ്ങൾക്കും ഒരേ പരിഗണനയും ആരോഗ്യ സുരക്ഷയുമാണ് ഖത്തർ നൽകുന്നതെന്നും അദ്ദേഹം പറഞ്ഞു. കോവിഡ്–19 കാലത്ത് സമൂഹത്തി​െൻറ സുരക്ഷ ഉറപ്പുവരുത്തിയും രാജ്യത്തെ വ്യാപാര സംരംഭങ്ങൾക്ക് പിന്തുണ നൽകിയും ഖത്തർ വലിയ ശ്രമങ്ങളാണ് നടത്തിയിട്ടുള്ളത്​. രാജ്യത്തി​െൻറ സാമ്പത്തിക സന്തുലനാവസ്​ഥ നിലനിർത്തുന്നതിന് ചെറുകിട–ഇടത്തരം സംരംഭങ്ങൾക്ക് മുമ്പെങ്ങും ഇല്ലാത്ത വിധത്തിൽ പ്രത്യേക സാമ്പത്തിക പാക്കേജ് പ്രഖ്യാപിച്ചിട്ടുണ്ട്​.
വ്യക്തിഗത സംരക്ഷിത സംവിധാനങ്ങളുടെ ഉൽപാദനത്തിനായി പുതിയ വ്യവസായ ശാലകൾ ആരംഭിച്ചു.

ആഴ്ചയിൽ എട്ട് ദശലക്ഷം മാസ്​കുകളാണ് ഖത്തർ ഉൽപാദിപ്പിക്കുന്നത്​. ഇപ്പോൾ വ​െൻറിലേറ്റർ നിർമാണശാല പ്രവർത്തനമാരംഭിച്ചിട്ടുമുണ്ട്​. ആഴ്ചയിൽ 2000 വ​െൻറിലേറ്റർ വരെ നിർമിക്കാൻ സാധിക്കുമെന്നും ഖത്തറി​െൻറയും വിദേശരാജ്യങ്ങളുടെയും വ​െൻറിലേറ്റർ ആവശ്യകത കണക്കിലെടുത്താണിതെന്നും മന്ത്രി വിശദീകരിച്ചു.