കോവിഡ്​: ആകെ മരണം 80

ദോഹ: ഖത്തറിൽ കോവിഡ്​ സ്​ഥിരീകരിച്ച്​ ചികിൽസയിലായിരുന്ന നാലുപേർ കൂടി ചൊവ്വാഴ്​ച മരിച്ചു. ഇതോടെ ആകെ മരണം 80 ആയി. 61 വയസുള്ള രണ്ടുപേരും 43, 53 വയസുള്ളവരുമാണ്​ മരിച്ചത്​. ഇന്നലെയും പുതിയ രോഗികളേക്കാൾ കൂടുതൽ രോഗമുക്​തരാണ്​. 1780 പേർക്ക്​ രോഗമുക്​തി ഉണ്ടായപ്പോൾ 1201 പേർക്കാണ്​ പുതുതായി വൈറസ്​ ബാധ സ്​ ഥിരീകരിച്ചിരിക്കുന്നത്​. ആകെ രോഗമുക്​തർ 60461 ആയി. നിലവിലുള്ള ആകെ രോഗികൾ 21536 ആണ്​. ഇതുവരെ 300499 പേർക്ക്​ പരിശോധന നടത്തിയപ്പോൾ 82077 പേർക്കാണ്​ വൈറസ്​ ബാധ സ്​ഥിരീകരിച്ചത്​.