Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightQatarchevron_rightഅത്യാവശ്യമില്ലെങ്കിൽ...

അത്യാവശ്യമില്ലെങ്കിൽ പുറത്തിറങ്ങരുത്​

text_fields
bookmark_border
അത്യാവശ്യമില്ലെങ്കിൽ പുറത്തിറങ്ങരുത്​
cancel

ദോഹ: ഖത്തറിൽ കോവിഡ്​ ബാധിച്ച്​ ചികിൽസയിലായിരുന്ന ഒരാൾ കൂടി ശനിയാഴ്​ച മരിച്ചതോടെ ജനങ്ങൾ അതിജാഗ്രത പാലിക്ക ണമെന്ന്​ അധികൃതർ. നിലവിൽ രാജ്യത്ത്​ ലോക്ക്​ഡൗൺ പ്രഖ്യാപിച്ചിട്ടില്ലെങ്കിലും മിക്ക മേഖലകളിലും സർക്കാർ നിയന ്ത്രണമുണ്ട്​. ആളുകൾ കൂട്ടംകൂടുന്നത്​ നേരത്തേ നിരോധിച്ചിട്ടുണ്ട്​. ജനങ്ങൾ വീടുകളിൽ നിന്ന്​ പുറത്തിറങ്ങരുതെന്നും രാജ്യത്ത്​ കൊറോണ വൈറസ്​ബാധ അതിൻെറ ഏറ്റവും ഉയർന്നതലത്തിലാണെന്നും പൊതുജനാരോഗ്യമന്ത്രാലയം മുന്നറിയിപ്പ്​ നൽകുന്നു. സമ്പർക്കവിലക്കിന്​ പുറത്തുള്ളവർക്ക്​​ രോഗം ബാധിക്കുന്നത്​ ആശങ്ക കൂട്ടുന്നുണ്ട്​. ലോക്​ഡൗൺ ​പ്രഖ്യാപിച്ച ഇൻഡസ്​ട്രിയൽ ഏരിയയുമായി ബന്ധപ്പെട്ടായിരുന്നു നേരത്തേ രോഗബാധ കൂടുതലും ഉണ്ടായിരുന്നത്​. എന്നാൽ മലയാളികളടക്കം കൂടുതൽ ആളുകൾ എത്തുന്ന ചില വ്യാപാര​സ്​ഥാപനങ്ങളിൽ ജീവനക്കാർക്കടക്കം കഴിഞ്ഞ ദിവസങ്ങളിൽ രോഗം സ്​ഥിരീകരിക്കപ്പെട്ടിട്ടുണ്ട്​. രോഗം സ്​ഥിരീകരിക്കപ്പെടുന്നതിൽ നല്ലൊരുപങ്കും പ്രവാസി തൊഴിലാളികളാണ്​.


ആദ്യഘട്ടത്തിൽ ഇറാനിൽ നിന്ന്​ വന്ന സ്വ​േദശി പൗരൻമാരിൽ മാത്രമായിരുന്നു രാജ്യത്ത്​ രോഗം സ്ഥിരീകരിക്കപ്പെട്ടിരുന്നത്​. എന്നാൽ ആഴ്​ചക്ക്​ ശേഷം സെൻട്രൽ മാർക്കറ്റിലെയും ഒരു ഹൈപ്പർമാർക്കറ്റിലെയും പ്രവാസി തൊഴിലാളികൾക്ക്​ രോഗമുണ്ടായി. ഇതിനുശേഷമാണ്​ സമ്പർക്കവിലക്കിന്​ പുറത്തുള്ളവരിലും രോഗം പടരാൻ തുടങ്ങിയത്​. ശനിയാഴ്​ച 59കാരനാണ്​ മരിച്ചത്​. കൊറോണ ​ൈവറസ്​ ബാധിച്ച ഇദ്ദേഹം ഹൃദയാഘാതം മൂലമാണ്​ മരിച്ചതെന്ന്​ ആരോഗ്യമന്ത്രാലയം അറിയിച്ചു. പുതുതായി 345പേർക്കാണ്​ ​ഇന്നലെ രോഗം സ്​ഥിരീകരിച്ചത്​. ആകെ ചികിൽസയിലുള്ളവർ 4490 ആണ്​. ശനിയാഴ്​ച 46പേർക്കുകൂടി രോഗമുക്​തി ഉണ്ടായിട്ടുണ്ട്​. ആകെ 510 പേർക്കാണ്​ രാജ്യത്ത്​ രോഗം ഭേദമായത്​. ആകെ 60139പേരെ പരിശോധിച്ചപ്പോൾ 5008 പേരിലാണ്​ വൈറസ്​ ബാധ കണ്ടെത്തിയത്​. മരിച്ചവരും രോഗം ഭേദമായവരും ഉൾപ്പെടെയാണിത്​. എട്ട്​പേരാണ്​ ഇതുവരെ ഖത്തറിൽ മരണപ്പെട്ടത്​. ഒരു സ്വദേശിയും ആറ്​ പ്രവാസികളും നേരത്തേ മരിച്ചിരുന്നു. മാർച്ച്​ 28ന്​ ബംഗ്ലാദേശ്​ പൗരനാണ്​ ആദ്യമായി കോവിഡ്​ ബാധിച്ച്​ രാജ്യത്ത്​ മരിക്കുന്നത്​. പിന്നീട്​ മാർച്ച്​ 31നും ഒരു പ്രവാസി മരിച്ചു. 85 വയസുകാരനായ മറ്റൊരു പ്രവാസി ഏപ്രിൽ രണ്ടിനും മരിച്ചു. 88കാരനായ സ്വദേശി പൗരൻ ഏപ്രിൽ അഞ്ചിനാണ്​ മരിച്ചത്​. ഏപ്രിൽ ഏഴിന്​ 74ഉം 59ഉം പ്രായമുള്ള പ്രവാസികളും​ മരണപ്പെട്ടു. ഏപ്രിൽ 12ന്​ 42കാരനായ പ്രവാസിയും മരിച്ചു.

Show Full Article
TAGS:covi qatar gulf news 
Web Title - covid-qatar-gulf news
Next Story