മുകൈനിസ്​ സമ്പർക്ക വിലക്ക് കേന്ദ്രത്തിൽ 1136 കമ്പ്യൂട്ടറുകൾ സ്​ഥാപിച്ചു

ദോഹ: രാജ്യത്തെ പ്രവാസി തൊഴിലാളികൾക്കായി ഖത്തർ ഗവൺമ​െൻറ് നടപ്പാക്കുന്ന ബെറ്റർ കണക്ഷൻസ്​ പദ്ധതിയുടെ ഭാഗമായി മുകൈനിസ്​ സമ്പർക്ക വിലക്ക് കേന്ദ്രത്തിൽ 1136 കമ്പ്യൂട്ടറുകൾ സ്​ഥാപിച്ചു. ഖത്തർ റെഡ്ക്രസൻറ് സൊസൈറ്റിയുടെ സഹകരണത്തോടെ ഭരണവികസന തൊഴിൽ സാമൂഹിക മന്ത്രാലയം, ഗതാഗത വാർത്താവിനിമയ മന്ത്രാലയം എന്നിവയുടെ മേൽനോട്ടത്തിലാണ് കമ്പ്യൂട്ടറുകൾ സ്​ഥാപിച്ചത്. മുകൈനിസിൽ സമ്പർക്ക വിലക്കിൽ കഴിയുന്ന തൊഴിലാളികൾക്ക് തങ്ങളുടെ കുടുംബങ്ങളുമായും പ്രിയപ്പെട്ടവരുമായും കൂട്ടുകാരുമായും ആശയവിനിമയം നടത്തുന്നതിന് കൂടുതൽ സൗകര്യമേർപ്പെടുത്തുന്നതി​െൻറ ഭാഗമായാണ് കമ്പ്യൂട്ടറുകൾ സ്​ഥാപിച്ചതെന്ന് തൊഴിൽ മന്ത്രാലയം പറഞ്ഞു. 

കോവിഡ്–19 രോഗബാധയുടെ പശ്ചാത്തലത്തിൽ സ്വീകരിക്കേണ്ട മുൻകരുതൽ സംബന്ധിച്ച് വിവിധ ഭാഷകളിലായുള്ള ബോധവൽകരണ നോട്ടീസുകളും ഇവിടെ സമ്പർക്ക വിലക്കിൽ കഴിയുന്നവർക്ക് വിതരണം ചെയ്തു. രാജ്യത്തെ പ്രവാസി തൊഴിലാളികൾക്കായുള്ള രാജ്യത്തി​െൻറ സോഷ്യൽ ഇൻറേഗ്രഷൻ ഇനിഷിയേറ്റീവി​െൻറ ഭാഗമായുള്ള പദ്ധതിയാണ് ബെറ്റർ കണക്ഷൻ. പൊതു–സ്വകാര്യ പങ്കാളിത്തത്തോടെയാണ് ബെറ്റർ കണക്ഷൻ പദ്ധതി നടപ്പാക്കുന്നത്. തൊഴിൽ മന്ത്രാലയം, ഗാതഗത വാർത്താവിനിമയ മന്ത്രാലയം, വോഡഫോൺ ഖത്തർ, മൈേക്രാസോഫ്റ്റ്, റോട്ട, സോഷ്യൽ ആൻഡ് ഇകണോമിക് സർവേ ഇൻസ്​റിറ്റ്യൂട്ട് എന്നിവരാണ് പദ്ധതിക്ക് പിന്നിലുള്ളത്. ഇൻഫർമേഷൻ കമ്മ്യൂണിക്കേഷൻ രംഗത്ത് തൊഴിലാളികൾക്കിടയിൽ കഴിവ് വളർത്തുകയും ആധുനിക സാങ്കേതിക വിദ്യകളിലേക്ക് അവർക്ക് പ്രവേശനം എളുപ്പമാക്കുകയുമാണ് പദ്ധതിയിലൂടെ ലക്ഷ്യമിടുന്നത്.