കോവിഡ്: ആശ്വാസത്തിൽ നാട്, പുതിയരോഗികൾ 392
text_fields
ദോഹ: രാജ്യത്ത് കോവിഡ് രോഗികൾ കുറഞ്ഞുവരുന്നു. ഇന്നലെ 392 പേർക്കാണ് പുതുതായിരോഗം സ്ഥിരീകരിച്ചത്. എല്ലാദിവസവും പുതിയരോഗികളുടെ എണ്ണം കുറഞ്ഞുവരികയാണ്. പുതിയരോഗികളിൽ 224 പേർക്ക് സമ്പർക്കത്തിലൂടെയാണ് രോഗബാധയുണ്ടായത്. 168 പേർ വിദേശത്ത് നിന്ന് തിരിച്ചെത്തിയവരാണ്. ചികിൽസയിലായിരുന്ന മൂന്നുപേർ കൂടി കഴിഞ്ഞ 24 മണിക്കൂറിനിടെ മരിച്ചിട്ടുണ്ട്. 56, 58, 72വയസുള്ളവരാണ് മരിച്ചതെന്ന് ആരോഗ്യമന്ത്രാലയം അറിയിച്ചു.
ഇതോടെ ആകെ മരണം 519 ആയി. രോഗമുക്തരുടെ എണ്ണവും കൂടി വരികയാണ്. 862 പേരാണ് ഇന്നലെ രോഗമുക്തി നേടിയത്. നിലവിലുള്ള ആകെ രോഗികൾ 7197 ആണ്. ഇന്നലെ 18162 പേരെയാണ് പരിശോധിച്ചത്. ആകെ 1957978 പേർക്ക് പരിശോധന നടത്തിയപ്പോൾ 212124 പേർക്കാണ് ഇതുവരെ വൈറസ്ബാധയുണ്ടായത്. മരിച്ചവരും രോഗം ഭേദമായവരും ഉൾപ്പെടെയാണിത്. ആകെ 204408 പേരാണ് രോഗമുക്തി നേടിയത്. നിലവിൽ 411 പേരാണ് ആശുപത്രികളിൽ ചികിൽസയിലുള്ളത്. ഇതിൽ 21 പേരെ ഇന്നലെ പ്രവേശിപ്പിച്ചതാണ്. തീവ്രപരിചരണവിഭാഗത്തിൽ 231 പേരുമുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.