കോവിഡ്​: ഇന്നലെ 258 രോഗികൾ, രോഗമുക്തർ 240

ദോഹ: ഖത്തറിൽ ഇന്നലെ 258 പേർക്ക്​ കൂടി കോവിഡ്​ സ്​ഥിരീകരിച്ചു. 240 പേർക്ക്​ രോഗമുക്​തിയുണ്ടായി. നിലവിലുള്ള ആകെ രോഗികൾ 2957 ആണ്​. ഇന്നലെ 4950 പേർക്കാണ്​ പരിശോധന നടത്തിയത്​. ഇതുവരെ 739091 പേർക്ക്​ ആകെ പരിശോധന നടത്തിയപ്പോൾ 124175 പേർക്കാണ്​ ആകെ വൈറസ്​ ബാധ സ്​ഥിരീകരിച്ചത്​. രോഗം ഭേദമായവരും മരിച്ചവരും ഉൾ​െപ്പടെയാണിത്​. ഇന്നലെ ഒരാൾ കൂടി മരിച്ചതോടെ ആകെ മരണം 212 ആയി. 121006 പേരാണ്​ ആകെ രോഗമുക്​തി നേടിയിരിക്കുന്നത്​. 421 പേരാണ്​ വിവിധ ആശുപത്രികളിൽ ചികിത്സയിലുള്ളത്​.

ഹോം ക്വാറൻറീൻ ലംഘനം: നാലു പേർ പിടിയിൽ

ദോഹ: രാജ്യത്ത് ഹോം ക്വാറൻറീൻ നിർദേശങ്ങൾ ലംഘിച്ചതിന് നാലു പേരെ കൂടി അറസ്​റ്റ് ചെയ്തു.പൊതുജനാരോഗ്യ വകുപ്പ് അധികാരികൾ പുറത്തിറക്കിയ മാർഗനിർദേശങ്ങൾ ലംഘിച്ചവരെയാണ് സുരക്ഷ വകുപ്പ് അറസ്​റ്റ് ചെയ്തിരിക്കുന്നത്.

പൊതുസുരക്ഷ ഉറപ്പാക്കുന്നതിെൻറയും കോവിഡ്-19 വ്യാപനം തടയുന്നതിെൻറയും ഭാഗമായാണ് നടപടി. മുഹമ്മദ് ഹാദി മുഹമ്മദ് അൽ ഹബാബ് അൽ ഹാജിരി, മുഹമ്മദ് അബ്​ദുൽ ഹാദി സഅദ് സരീർ അൽ ഹാജിരി, ഒമർ റാഇദ് ഒമർ മുഹമ്മദ് അൽ അനാബി, മുഹമ്മദ് താലിബ് മുഹമ്മദ് മെതാഇബ് അൽ സഅഖ് എന്നിവരാണ് അറസ്​റ്റിലായത്. ഇവരെ പബ്ലിക് േപ്രാസിക്യൂഷന്​ കൈമാറി. രാജ്യത്തെ പൗരന്മാരും താമസക്കാരും ക്വാറൻറീൻ നിർദേശങ്ങൾ കർശനമായി പാലിക്കണമെന്നും സ്വന്തം സുരക്ഷയോടൊപ്പം പൊതു സുരക്ഷയും ഉറപ്പാക്കണമെന്നും അധികൃതർ പൊതുജനങ്ങളോടാവശ്യപ്പെട്ടു.നിയമം ലംഘിക്കുന്നവർക്കെതിരെ കടുത്ത നിയമനടപടികൾ സ്വീകരിക്കും.