ഖത്തർ: ഹോട്ടൽ സമ്പർക്കവിലക്ക്​ കഴിഞ്ഞ്​ 3488 പേർ മടങ്ങി

ദോഹ: കോവിഡ്​ പ്രതിരോധത്തിൻെറ ഭാഗമായി ഖത്തറിലെ ഹോട്ടലുകളിൽ സമ്പർക്കവിലക്കിലായിരുന്ന 3488 പേർ കാലാവധി പൂർത ്തിയാക്കി ഇതിനകം മടങ്ങി. രാജ്യത്തെ 28 ഹോട്ടലുകൾ സമ്പർക്ക വിലക്ക് കേന്ദ്രങ്ങളായി നിശ്ചയിച്ചിട്ടുണ്ട്​. ഇതുവര െ 6694 പേരായിരുന്നു ഹോട്ടലുകളിൽ സമ്പർക്ക വിലക്കിലുണ്ടായിരുന്നത്​. ദുരന്തനിവാരണ ഉന്നതാധികാര സമിതി വക്താവും വി ദേശകാര്യ സഹമന്ത്രിയുമായ ലുൽവ അൽ ഖാതിർ പറഞ്ഞു. ലുൽവ ബിൻത് റാഷിദ് അൽ ഖാതിർ അറിയിച്ചതാണ്​ ഇക്കാര്യം.

സമ്പർക് ക വിലക്കുമായി ബന്ധപ്പെട്ട് ഇതുവരെ 3775 നിയമലംഘനങ്ങളാണ് രാജ്യത്ത് റിപ്പോർട്ട് ചെയ്യപ്പെട്ടിരിക്കുന്നത്​. ആളു കൾ കൂട്ടം കൂടിനിൽക്കുന്നതുമായി ബന്ധപ്പെട്ട് നിരവധി പരാതി ഫോൺകോളുകളാണ് 999 നമ്പറിലേക്ക് വന്നുകൊണ്ടിരിക്കു ന്നത്​.
കോവിഡ്–19 കാലയളവിൽ സർക്കാർ ഏജൻസികൾ തമ്മിലുള്ള ഇ–കണക്ടിവിറ്റി 83 ശതമാനം വർധിച്ചു.

ഇക്കാലയളവിൽ സൈബർ സുരക്ഷാ മേഖലയിൽ 1600 സൈബർ ആക്രമണങ്ങളെ നേരിടേണ്ടി വന്നു. സർക്കാർ വെബ് പോർട്ടലുകളിലും മറ്റു ഇ–കേന്ദ്രങ്ങളിലുമായി 34 ടെറാബൈറ്റ് ഡാറ്റകൾ സ്വീകരിച്ചു. വിവിധ ഏജൻസികളും സ്​ഥാപനങ്ങളും തമ്മിലുള്ള കമ്മ്യൂണിക്കേഷൻ തോത് 20 ശതമാനമായി വർധിച്ചു.

മൂന്ന് ഗവൺമ​െൻറ് വെബ്സൈറ്റുകളിലുമായി മൂന്ന് കോൾസ​െൻററുകൾ പ്രവർത്തിക്കുന്നുണ്ട്​. 24 മണിക്കൂറും ഒമ്പത് ഭാഷകളിലായി 34 സർക്കാർ സ്​ഥാപനങ്ങളുമായി ബന്ധിപ്പിച്ച് 70ഓളം ഇലക്േട്രാണിക് സേവനങ്ങൾ ഇതുവഴി നൽകുന്നു. ഇതുവരെയായി 3,40,000 ഫോൺകോളുകളാണ് കോൾസ​െൻററുകളിലേക്ക് എത്തിയത്​. ശരാശരി 11 സെകൻഡ് റെസ്​പോൺസ്​ സ്​പീഡ് രേഖപ്പെടുത്തിയതായും പ്രവർത്തനങ്ങളിൽ 90 ശതമാനം സംതൃപ്തി കണക്കാക്കുന്നുവെന്നും അവർ വ്യക്തമാക്കി.

കോവിഡ്–19 പ്രതിരോധ പ്രവർത്തനങ്ങളുമായി ബന്ധപ്പെട്ടും വ്യാപനം തടയുന്നതിലും മന്ത്രാലയങ്ങളുടെയും വിവിധ സ്​ഥാപനങ്ങളുടെയും പ്രവർത്തനം പൂർണമാണെന്നും മുനിസിപ്പാലിറ്റി പരിസ്​ഥിതി – വാണിജ്യ വ്യവസായ മന്ത്രാലയങ്ങൾ മാർച്ച് 1 മുതൽ ഇതുവരെ നടത്തിയ പരിശോധനയിൽ 378 നിയമലംഘനങ്ങൾ കണ്ടെത്തിയെന്നും ലുൽവ അൽ ഖാതിർ പറഞ്ഞു.

കോവിഡ്–19 പ്രതിരോധ പ്രവർത്തനങ്ങളിൽ ഖത്തർ മീഡിയ അടക്കമുള്ള രാജ്യത്തെ മാധ്യമസ്​ഥാപനങ്ങളുടെ പങ്ക് വലുതാണ്. ഖത്തർ മീഡിയ കോർപറേഷൻ ഇതുവരെ 645 ബോധവൽകരണ വീഡിയോകളാണ് വവിധ ഭാഷകളിലായി പുറത്തിറക്കിയിരിക്കുന്നത്. കൂടാതെ ദിവസേന കോവിഡ്–19 ബോധവൽകരണ പരിപാടിയുടെ ടെലികാസ്​റ്റിംഗും നടക്കുന്നു.

വിദേശത്തുള്ള ഖത്തരി പൗരന്മാർ അതത് രാജ്യത്തെ ഖത്തർ എംബസികളുമായി ബന്ധപ്പെടണം. ഖത്തറിലേക്ക് മടങ്ങിയെത്തണമെങ്കിൽ നിർബന്ധമായും ഖത്തർ എംബസിയുമായി ബന്ധപ്പെടുകയും പൂർണ വിവരങ്ങൾ നൽകുകയും വേണം.

രാജ്യത്തെ ഭക്ഷ്യസുരക്ഷയുടെ കാര്യത്തിൽ ആശങ്കയില്ല. 2017 അനുഭവം നമുക്ക് മുന്നിലുണ്ട്​. അറബ് ലോകത്ത് ഭക്ഷ്യസുരക്ഷയിൽ ഖത്തറാണ് മുൻപന്തിയിൽ. ലോകത്ത് ഖത്തറിന് 13ാം സ്​ഥാനമാണെന്നും ഭക്ഷ്യേൽപന്നങ്ങളുടെ കരുതൽ ശേഖരം ആശങ്കക്കിടയില്ലാത്ത വിധം ഖത്തറി​െൻറ പക്കലുണ്ടെന്നും ദുരന്തനിവാരണ സുപ്രീം കമ്മിറ്റി വക്താവ് പറഞ്ഞു.

രാജ്യത്തെ തൊഴിലാളികൾക്കും പ്രവാസികൾക്കുമിടയിൽ കോവിഡ്–19 വ്യാപനം തടയുന്നതിന് തൊഴിൽദാതാക്കളെയും തൊഴിലാളികളെയും ബോധവൽകരിക്കുന്നതിനും ആവശ്യമായ അറിവ് നൽകുന്നതിനുമായി ഭരണവികസന, തൊഴിൽ സാമൂഹിക മന്ത്രാലയം ഏപ്രിൽ അഞ്ചിന് പ്രത്യേക കാമ്പയിന് തുടക്കം കുറിച്ചിട്ടുണ്ട്​. അതോടൊപ്പം വിവിധ കമ്മ്യൂണിറ്റികളിലെ തൊഴിൽ പ്രതിനിധികളുമായും എംബസികളുമായും നിരന്തരം സർക്കാർ ബന്ധപ്പെട്ടുകൊണ്ടിരിക്കുകയാണെന്നും ലുൽവ പറഞ്ഞു.