33 പേർ രോഗമുക്​തി നേടി; ഖത്തറിൽ 13 പുതിയ രോഗികൾ

ദോഹ: ഖത്തറില്‍ ഇതുവരെ ആകെ 33 കോവിഡ്​ രോബാധിതർ രോഗമുക്​തി നേടി. ഞായറാഴ്​ച രാത്രിയിലെ അവസാന റിപ്പോർട്ട്​ പ്രകാരം 13 പേർക്കുകൂടി പുതുതായി രോഗം സ്​ഥിരീകരിച്ചിട്ടുണ്ട്​. ഇതോടെ ആകെ രോഗികൾ 494 ആയി. ഖത്തര്‍ ആരോഗ്യമന്ത്രാലയം അറിയിച്ചതാണ്​ ഇക്കാര്യങ്ങൾ. ആകെ 10,857 പേരെയാണ് ഇതുവരെ പരിശോധനക്ക്​ വിധേയരാക്കിയത്​.

പുതുതായി രോഗം ബാധിച്ചവരിൽ അഞ്ചുപേർ ഖത്തരികളാണ്​. മറ്റുള്ളവർ പ്രവാസികളുമാണ്​. ഞായറാഴ്​ച രോഗമുക്​തി നേടിയവർ ആറാണ്​. ഇതിൽ ഒരാൾ സ്വദേശിയാണ്​.