ഖത്തറിൽ മൂന്നു പേർക്കു കൂടി കോവിഡ്; മാളുകൾക്കുള്ളിലെ ഷോപ്പുകൾ അടച്ചു

ദോഹ: ഖത്തറിൽ മൂന്നുപേർക്കുകൂടി കോവിഡ് രോഗം സ്ഥിരീകരിച്ചു. ഇതോടെ ആകെ രോഗികൾ 442 ആയി. ആകെ 8547 പേരെയാണ് പരിശോധിച്ചത്. നാല് പേരാണ് ഇതുവരെ രോഗമുക്തി നേടിയിരിക്കുന്നത്.

അതിനിടെ ക്രൈസിസ് മാനേജ്മ​​​െൻറ് സുപ്രീം കമ്മിറ്റിയുടെ ഉത്തരവിനെ തുടർന്ന് മാളുകൾക്കുള്ളിലെ ഷോപ്പുകൾ അടച്ചു. എന്നാൽ ഭക്ഷ്യസാധനങ്ങൾ വിൽക്കുന്ന സ്ഥാപനങ്ങൾക്കും മരുന്നുകടകൾക്കും ഇത് ബാധകമല്ല.

നേരത്തേ ഹോട്ടലുകളിൽ ഇരുന്ന് ഭക്ഷണം കഴിക്കുന്നത് നിരോധിച്ചിരുന്നു. ഭക്ഷണം പാഴ്സൽ ആയി മാത്രമേ നൽകുന്നുള്ളൂ.