Begin typing your search above and press return to search.
exit_to_app
exit_to_app
Homechevron_rightGulfchevron_rightQatarchevron_rightഅഴിമതിരഹിതം, സുതാര്യം;...

അഴിമതിരഹിതം, സുതാര്യം; അറബ്​ മേഖലയിൽ ഖത്തർ രണ്ടാമത്​

text_fields
bookmark_border
അഴിമതിരഹിതം, സുതാര്യം; അറബ്​ മേഖലയിൽ ഖത്തർ രണ്ടാമത്​
cancel

ദോഹ: അഴിമതിരഹിത ​ലോകരാഷ്ട്രങ്ങളുടെ സൂചികയിൽ ശ്രദ്ധേയമായ നേട്ടം സ്വന്തമാക്കി ഖത്തർ. ​ട്രാൻസ്​പരൻസി ഇൻറർനാഷനൽ തയാറാക്കിയ 2021ലെ ആഗോള അഴിമതി അവബോധ സൂചികയിൽ ഗൾഫ്, അറബ് ലോകത്ത് രണ്ടാം സ്ഥാനത്താണ്​ ഖത്തർ. അഴിമതി വിരുദ്ധ രംഗത്ത് ലോകരാഷ്ട്രങ്ങളുടെ പ്രകടനം വിലയിരുത്തുന്ന സൂചികയിൽ അറബ് ലോകത്ത് യു.എ.ഇയാണ് ആദ്യ സ്​ഥാനത്ത്. സൂചികയിൽ 63 പോയൻറ് നേടിയ ഖത്തർ, രാജ്യങ്ങളും പ്രവിശ്യകളുമുൾപ്പെടുന്ന 181 രാജ്യങ്ങളുടെ ആഗോള പട്ടികയിൽ 31ാം സ്​ഥാനത്തുണ്ട്.

വേൾഡ് കോമ്പിറ്റിറ്റീവ്നെസ്​ ഇയർബുക്ക്, വേൾഡ് ഇക്കണോമിക് ഫോറം, ബെർട്ൽസ്​മാൻ ഫൗണ്ടേഷൻ, ഇക്കണോമിസ്​റ്റ് ഇൻറലിജൻസ്​ യൂനിറ്റ്, പാറ്റേൺസ്​ ഓഫ് ഡെമോക്രസി പ്രോജക്ട്, ദി കൺട്രി, സെക്ടർ റിസ്​ക് ഹാൻഡ് ബുക്ക് ഓഫ് പൊളിറ്റിക്കൽ റിസ്​ക് സർവിസ്​ തുടങ്ങിയ പ്രമുഖ സ്​ഥാപനങ്ങൾ പുറത്തുവിട്ട കണക്കുകളെ ആധാരമാക്കിയാണ് സൂചിക തയാറാക്കുന്നത്.

ഓരോ രാജ്യത്തെയും അഴിമതിയുടെ തോത് കണക്കിലെടുത്താണ് രാജ്യങ്ങൾക്ക് റാങ്കിങ് നൽകുന്നത്. കുറഞ്ഞ അഴിമതിയുള്ള രാജ്യങ്ങൾക്ക്​ കൂടുതൽ സ്​കോർ ലഭിക്കും. അഴിമതി ഇല്ലാത്ത രാജ്യങ്ങൾക്ക് നൂറു മാർക്കും അഴിമതിയിൽ മുങ്ങിയ രാജ്യങ്ങൾക്ക് പൂജ്യവുമാണ് സൂചികയിൽ ലഭിക്കുക. ആഗോള അഴിമതി അവബോധ സൂചികയിൽ ഖത്തറിന്‍റെ റാങ്ക് മെച്ചപ്പെടുത്തുന്നതിൽ അഡ്മിനിസ്​ട്രേറ്റിവ് കൺട്രോൾ ആൻഡ് ട്രാൻസ്​പരൻസി അതോറിറ്റി വലിയ പങ്ക് വഹിക്കുന്നുണ്ട്. സമഗ്രത, സുതാര്യത, അഴിമതി തടയുക എന്നിവ ലക്ഷ്യംവെച്ച് രാജ്യത്തെ ബന്ധപ്പെട്ട അതോറിറ്റികളുമായി സഹകരിച്ച് 2022-2026 കാലയളവിലേക്കായി പ്രത്യേക പദ്ധതി ആവിഷ്കരിച്ചിട്ടുണ്ട്.

Show Full Article
TAGS:corruption Arab region 
News Summary - Corruption-free, transparent; Qatar ranks second in the Arab region
Next Story