കോർണിഷ്​ റോഡ്​ അടച്ചിടുന്നു

ദോഹ: ​ഖത്തറിൽ സഞ്ചാരികളുടെ പ്രധാന കേന്ദ്രമായ കോർണിഷ്​ സ്​ട്രീറ്റിൽ നവീകരണത്തിൻെറ ഭാഗമായി ഗതാഗത നിയന്ത്രണം. വികസന പദ്ധതികൾ പൂർത്തിയാക്കുന്നതി​‍െൻറ ഭഗാമയി ആഗസ്​റ്റ് ആറു മുതൽ10 വരെ സ്​ട്രീറ്റിലെ ഗതാഗതം​ തടസ്സപ്പെടുമെന്ന്​​ പൊതുമരാമത്ത് അതോറിറ്റി അശ്ഗാൽ അറിയിച്ചു. ഗതാഗത ജനറൽ ഡയറക്ടറേറ്റുമായി സഹകരിച്ച് ആഗസ്​റ്റ് ആറ്​ അർധരാത്രി 12 മുതൽ ആഗസ്​റ്റ് 10 പുലർച്ചെ അഞ്ച്​ വരെയാണ് താൽക്കാലികമായി അടച്ചിടുന്നത്​.

സ്​കൂൾ അവധി ദിവസങ്ങളിലും വേനലവധിക്കാലത്തുമായാണ് ഗതാഗത നിയന്ത്രണം ആസൂത്രണം ചെയ്തിരിക്കുന്നത്. കോർണിഷ് സ്​ട്രീറ്റ് അടക്കുന്നതോടനുബന്ധിച്ച് അൽ ബിദ്ദ പാർക്കിന് ചുറ്റുമുള്ള സ്​ട്രീറ്റുകൾ, അൽ ദീവാൻ സ്​ട്രീറ്റ്, അൽ റുമൈല സ്​ട്രീറ്റ്, ഗ്രാൻഡ് ഹമദ് സ്​ട്രീറ്റ് (ബാങ്ക് സ്​ട്രീറ്റ്) എന്നിവയും അടച്ചിടും. എന്നാൽ, കാൽനടയാത്രക്കാർക്ക് സ്​ട്രീറ്റുകൾ ഉപയോഗിക്കാൻ കഴിയുമെന്നും സ്വകാര്യ വാഹനങ്ങൾക്ക് പകരം പൊതു ഗതാഗത സംവിധാനങ്ങൾ ഉപയോഗപ്പെടുത്തണമെന്നും അശ്ഗാൽ അറിയിച്ചു.

കാൽനടയാത്രക്കാർക്കായി കോർണിഷ് സ്​ട്രീറ്റിൽ നിർമിക്കുന്ന നാല് തുരങ്കപാതകളുടെ നിർമാണം ഉൾപ്പെടുന്ന വികസന പ്രവൃത്തികളാണ് നടക്കുന്നത്. കോർണിഷ് സ്​ട്രീറ്റിലെ കാൽനടയാത്ര സുഗമമാക്കുന്നതിനും പാതയോട് ചേർന്ന ഭാഗങ്ങളിലേക്ക് എത്തിപ്പെടുന്നതിനും കാൽനടപ്പാതകൾ ഏറെ സഹായകമാകും. ദഫ്ന പ്ലാസ, കോർണിഷ് പ്ലാസ, അൽ ബിദ്ദ പ്ലാസ എന്നീ മൂന്നു പ്ലാസകളുടെ നിർമാണവും ഇവിടെ നടക്കുന്നുണ്ട്.

കോർണിഷ ്സ്ട്രീറ്റ് അടച്ചിടുന്ന കാലയളവിൽ സ്​ട്രീറ്റിനോട് ചേർന്നുള്ള ക്യു.എൻ.സി.സി, വെസ്​റ്റ്ബേ, കോർണിഷ്, അൽ ബിദ്ദ, സൂഖ് വാഖിഫ്, മുശൈരിബ്, ഖത്തർ നാഷനൽ മ്യൂസിയം എന്നീ മെേട്രാ സ്​റ്റേഷനുകൾ ഉപയോഗപ്പെടുത്താം. കൂടാതെ ദഫ്ന പാർക്ക്, സിറ്റി സെൻറർ, ക്യു.എൻ.സി.സി മെേട്രാ സ്​റ്റേഷൻ, ഹോട്ടൽ പാർക്ക്, ദോഹ ഫിഷിങ്​ പോർട്ട്, സൂഖ് വാഖിഫ് മെേട്രാ എന്നീ ആറ് പൊതു ബസ്​ സ്​റ്റേഷനകളും കോർണിഷ് സ്​ട്രീറ്റിനോട് ചേർന്നുണ്ട്.

ഓരോ 10-15 മിനിറ്റുകളിലും ഈ റൂട്ടുകളിൽ ബസ്​ സേവനം ലഭ്യമാകും. വെള്ളിയാഴ്​ചകളിൽ ഉച്ച രണ്ടു​ മുതൽ രാത്രി 11.59 വരെ ഒമ്പതു മണിക്കൂർ നേരത്തേക്കായിരിക്കും ബസ്​ സർവിസ്​.

ശനിയാഴ്ച രാവിലെ ആറു മുതൽ രാത്രി 11 വരെ പ്രവർത്തിക്കും. വെള്ളിയാഴ്ച ഒഴികെ എല്ലാ ദിവസവും മെേട്രാ സർവിസ്​ സമയത്തോടു ചേർന്ന്​ ബസ്​ സർവിസ്​ ഉണ്ടായിരിക്കും. കോർണിഷ് റോഡ് ഉപയോഗിക്കുന്നവർ സമാന്തര പാതകൾ ഉപയോഗപ്പെടുത്തണമെന്ന് അശ്ഗാൽ പൊതുജനങ്ങളോടാവശ്യപ്പെട്ടു.