Top
Begin typing your search above and press return to search.
Madhyamam
    keyboard_arrow_down
    Login
    exit_to_app
    exit_to_app
    Homechevron_rightGulfchevron_rightQatarchevron_rightതിരികെ യാത്ര: ഖത്തറിൽ...

    തിരികെ യാത്ര: ഖത്തറിൽ ഗർഭിണികളടക്കം അർഹരെ തഴയുന്നു

    text_fields
    bookmark_border
    തിരികെ യാത്ര: ഖത്തറിൽ ഗർഭിണികളടക്കം അർഹരെ തഴയുന്നു
    cancel

    ദോഹ: കോവിഡ്​ പശ്ചാത്തലത്തിൽ കേന്ദ്രസർക്കാർ അയക്കുന്ന വിമാനങ്ങളിൽ യാത്രക്ക്​ അവസരം നൽകാതെ ഖത്തറിൽ  ഗർഭിണികളെയടക്കം തഴയുന്നതായി വ്യാപക ആരോപണം. ഇന്ത്യൻ എംബസി തയാറാക്കുന്ന പട്ടികയിൽ അനർഹർ  കയറിപ്പറ്റുന്നുവെന്ന ആരോപണം ​നേരത്തെ ഉയർന്നതി​​​െൻറ പശ്ചാത്തലത്തിൽ എംബസി വിവിധ ഉപകമ്മിറ്റികൾ രൂപവത്​ കരിച്ചിരുന്നു. 

    പട്ടികയിൽ സുതാര്യത ഉണ്ടാക്കാനാണിതെന്നാണ്​ എംബസി തന്നെ വിശദീകരിച്ചത്​. ഈ കമ്മിറ്റികൾ നൽകുന്ന പട്ടികയിൽ ഉൾപ്പെട്ട അർഹർ പോലും പിന്നീട്​ തഴയപ്പെടുകയാണ്​. പ്രസവം അടുത്ത ഗർഭിണികളെ പോലും യാത്രക്ക്​ അനുമതി നൽകാതെ ചുറ്റിക്കുന്നതായി ആക്ഷേപമുണ്ട്​. യാത്രാനുമതി ലഭിച്ച ചിലർ തങ്ങൾക്ക്​ ഇപ്പോൾ യാത്ര വേണ്ടെന്ന്​ പറയുന്ന സംഭവങ്ങളും ഉണ്ട്​. 

    അർഹരെ ഒഴിവാക്കിയാണ്​ യാത്രക്കാരുടെ പട്ടിക ഉണ്ടാക്കുന്നത്​ എന്നതിനാലാണിതെന്ന്​ സാമൂഹിക പ്രവർത്തകരടക്കം പറയുന്നു. വിവിധ സംഘടനകളും സ്​ഥാപനങ്ങളും അർഹരായ യാത്രക്ക്​ സൗജന്യവിമാനടിക്കറ്റ്​ നൽകാൻ സന്നദ്ധമായി മുന്നോട്ട്​​ വന്നിട്ടുണ്ട്​. എന്നാൽ, ഇത്തരത്തിൽ വിവിധ ശാരീരിക പ്രയാസങ്ങളും അടിയന്തര ചികിൽസ ആവശ്യമുള്ളവർക്കും എംബസിയിൽനിന്ന്​ യാത്രാനുമതി ലഭിക്കുന്നുമില്ല.   

    ശനിയാഴ്​ച  ഐ.സി.സിയിൽ നടന്ന കണ്ണൂർ വിമാനത്തിനുള്ള ടിക്കറ്റ്​ വിതരണത്തിനിടെയും ഇതുസംബന്ധിച്ച പ്രശ്​നമുണ്ടായി. എട്ട്​​  മാസം ഗർഭിണിയായ സ്​ത്രീക്ക്​ യാത്രക്ക്​ അവസരം ലഭിച്ചെങ്കിലും അവരുടെ മൂന്നര​ വയസ്സ്​ പ്രായമുള്ള കുട്ടിക്ക്​ യാത്രാനുമതി  ലഭിച്ചില്ല. കുട്ടിക്ക്​ കൂടി അവസരം നൽകണമെന്ന്​ ഭർത്താവ്​ ആവശ്യമുന്നയിച്ചെങ്കിലും എയർഇന്ത്യയുടെ ജീവനക്കാരടക്കം മോശമായി പെരുമാറി. 

    ഖത്തറിൽ നിന്നുള്ള ആദ്യവിമാനത്തിൽ ഗർഭിണികളോടൊപ്പം ഒരാളെ കൂടി യാത്രക്ക്​ അനുമതി നൽകിയിരുന്നു. ആദ്യവിമാനത്തിൽ ഖത്തറിൽ നിന്നുള്ള ​പ്രമുഖ രാഷ്​ട്രീയ നേതാവടക്കം ഇത്തരത്തിൽ നാട്ടിലെത്തി. ഇത്​ ഏറെ വിവാദമാവുകയും ​െചയ്​തു. 

    അപ്പോഴാണ്​ ചെറിയ കുട്ടികളെ പോലും അമ്മമാരുടെ കൂടെ അയക്കാൻ ഇപ്പോൾ അനുവദിക്കാത്തത്​. ഇത്തരം കാര്യങ്ങളിൽ വിവരമറിയാൻ ബന്ധപ്പെടു​േമ്പാൾ എംബസി ഉദ്യോഗസ്​ഥരടക്കം പ്രതികരിക്കുന്നില്ല. എയർ ഇന്ത്യയുടെ അധികൃതരെ ബന്ധപ്പെടു​േമ്പാഴും വിവരം നൽകാൻ തയാറാകുന്നില്ല. 

    ദുരിതത്തിലായി ഖത്തറിൽനിന്ന്​ മടങ്ങാനാഗ്രഹിക്കുന്ന അടിയന്തര സാഹചര്യങ്ങളിലുള്ളവർ മാത്രം പതിനായിരത്തിലധികം  വരും​. ഇതിൽ ഭൂരിഭാഗവും മലയാളികളാണ്​. ആഴ്​ചയിൽ കേരളത്തിലേക്ക്​ നിലവിൽ രണ്ട്​ വിമാനങ്ങൾ എന്ന തോതിൽ  മാത്രമേ അനുവദിക്കുന്നുള്ളൂ. 

    ഇതിനാൽ ഇത്രയധികം ആളുകളെ നിലവി​െല സാഹചര്യത്തിൽ നാട്ടി​െലത്തിക്കണമെങ്കിൽ തന്നെ ഏഴ്​ മാസമെങ്കിലും വേണ്ടിവരും. ഖത്തറിലെ ഇന്ത്യൻ എംബസിയിൽ മടങ്ങാനാഗ്രഹിച്ച്​ രജിസ്​റ്റർ ചെയ്​ത നാൽപതിനായിരത്തിലധികം പേരിൽ 28000ത്തിലധികം മലയാളികളാണ്​. നിലവിൽ ഗർഭിണികൾ, ഗുരുതര രോഗമുള്ളവർ, മാനസിക പ്രശ്നം അനുഭവിക്കുന്നവർ, ജോലി നഷ്​ടപ്പെട്ട്​ ദുരിതമനുഭവിക്കുന്നവർ എന്നിവരെയാണ്​ പരിഗണിക്കുന്നതെന്ന്​ ഇന്ത്യൻ എംബസി പറയുന്നു.

    എന്നാൽ, പ്രസവമടുത്ത ഗർഭിണികൾക്കുപോലും യാത്ര മുടങ്ങുന്ന സ്​ഥിതിയാണ്​. ഗർഭിണിയാണെന്നും ഇനിയും  വൈകിയാൽ യാത്രക്ക്​ തടസ്സമുണ്ടാകുമെന്നും കാണിച്ചുള്ള ഡോക്​ടറുടെ കുറിപ്പ്​ കൂടി എംബസിക്ക്​ കൈമാറിയിട്ടും  അവസരം ലഭിക്കുന്നില്ല. യാത്രക്കുള്ള അടിയന്തര ആവശ്യം ബോധ്യ​െപ്പട്ടിട്ടും എംബസിയിൽനിന്ന്​ ഫോൺ വിളിച്ച്​ ഇപ്പോൾ  പോവേണ്ട സാഹചര്യം എന്താണെന്നടക്കം ചോദിക്കുന്ന സ്​ഥിതിയുമുണ്ട്​. 

    പലരും മറ്റ്​ രൂപത്തിൽ സമ്മർദ്ദം ചെലുത്തിയാണ്​  ഇതിനാൽ പട്ടികയിൽ കയറിപറ്റുന്നത്​. നേരത്തേ തിരുവനന്തപുരത്തേക്കുള്ള വിമാനത്തിന്​ ദോഹയിൽ ഇറങ്ങാനുള്ള അനുമതി നിഷേധിക്ക​െപ്പട്ട സംഭവം ഏ​െറ  ഒച്ചപ്പാടുണ്ടാക്കിയിരുന്നു.

    Show Full Article
    TAGS:covid qatar flight doha gulf news 
    Next Story