കോൺകകാഫ്​ ഗോൾഡ്​: ഖത്തറിന്​ രണ്ടാം അങ്കം

ദോഹ: ​​കോൺകകാഫ്​ ഗോൾഡ്​കപ്പ്​ ഫുട്​ബാളിൽ ഖത്തറിന്​ രണ്ടാം അങ്കം. ആദ്യ മത്സരത്തിൽ പാനമയോട്​ തലനാരിഴ വ്യത്യാസത്തിൽ സമനില വഴങ്ങിയ (3-3) ടീം വിജയ വഴിയിൽ തിരികെയെത്താനാണ്​ 'ഗ്രൂപ്​ ഡി'യിൽ ഗ്രനഡയെ നേരിടുന്നത്​. ഖത്തർ സമയം ഞായറാഴ്​ച പുലർച്ച 2.30നാണ്​ മത്സരം. ഈ മത്സരത്തിൽ ജയിച്ചാൽ മാത്രമേ ഏഷ്യൻ ചാമ്പ്യന്മാർക്ക്​ നോക്കൗട്ട്​ പ്രതീക്ഷകൾക്ക്​ സാധ്യതയുള്ളൂ.

പാനമക്കെതിരെ ആദ്യം ഗോൾ നേടി മൂന്നു തവണയും മുന്നിൽ നിന്നെങ്കിലും അവസാന മിനിറ്റുകളിലെ നിർഭാഗ്യം തിരിച്ചടിയാവുകയായിരുന്നു.പ്രതിരോധ താരം അബ്​ദുൽ കരീം ഹസ്സൻ ഇന്ന്​​ രാജ്യാന്തര ജഴ്​സിയിൽ 100 മത്സരം തികക്കുന്ന പ്രത്യേകത കൂടി ഇന്നത്തെ പോരാട്ടത്തിനുണ്ട്​.