കളർഫുളായി ഖലീഫ സ്​റ്റേഡിയം

ദോഹ: ഖത്തറി​െൻറ ചരിത്ര പ്രതീകങ്ങളെല്ലാം മെക്​സികൻ പതാകയിലെ നിറങ്ങളാൽ തിളങ്ങി. ഖലീഫ സ്​റ്റേഡിയവും അരികിലെ ടോർച്ച്​ ടവറും കോർണിഷിലെ ഷെറാട്ടൺ ഹോട്ടലും തുടങ്ങി നഗരത്തി​െൻറ വിവിധ കോണുകൾ മെക്​സികോയുടെ നിറ​ംകൊണ്ടു ജ്വലിച്ചു. ​വടക്കൻ അമേരിക്കൻ രാജ്യത്തി​െൻറ 211ാം സ്വാതന്ത്ര്യദിനത്തിലായിരുന്നു ഖത്തർ വേറി​ട്ടൊരു ദൃശ്യവിരുന്നൊരുക്കിയത്​. ഫുട്​ബാളിനെ നെഞ്ചേറ്റുന്ന സമൂഹത്തെ ഖത്തർ വേദിയാവുന്ന വിശ്വമേളയിലേക്ക്​ സ്വാഗതം ചെയ്യുന്നതി​െൻറകൂടി ഭാഗമായാണ്​ ഈ നീക്കം.

ലോകകപ്പിന്​ തങ്ങളുടെ കൗണ്ട്​ഡൗണിന്​ തുടക്കമായി എന്നായിരുന്നു ഖത്തറിലെ മെക്​സികൻ അംബാസഡർ ​ഗ്രേസിയേല ഗോമസ്​ ഗ്രേഷ്യ പറഞ്ഞത്​. 'ഖത്തറി​െൻറ ചരിത്ര പ്രതീകങ്ങൾ കൂടിയായ ഖലീഫ സ്​റ്റേഡിയവും ടോർച്ച്​ ടവറും ഷെറാട്ടൺ ഹോട്ടലും ആദ്യമായി മെക്​സികൻ നിറങ്ങളിൽ തിളങ്ങി. ഞങ്ങളുടെ രാജ്യത്തിനും ഖത്തറിലെ മെക്​സികൻ ജനതക്കും ലഭിച്ച ആദരവാണിത്​. ഈ അമൂല്യ സമ്മാനത്തിന്​ നന്ദി' -മെക്​സികൻ അംബാസഡർ പറഞ്ഞു.

അടുത്തവർഷം ലോകത്തി​െൻറ ശ്രദ്ധകേന്ദ്രമാവുന്ന രാജ്യമാണ്​ ഖത്തർ. ഈ മണ്ണിൽ ഞങ്ങളുടെ ദേശീയ ടീം മികച്ച പ്രകടനം നടത്തുമെന്നുറപ്പുണ്ട്​. ഈ രാത്രിയോടെ ഞങ്ങളുടെ ലോകകപ്പ്​ കൗണ്ട്​ ഡൗൺ ആരംഭിച്ചു. 2022ലേക്ക്​ മെക്​സികോയിലെ ഫുട്​ബാൾ ആരാധകരെ സ്വാഗതം ചെയ്യുകയാണ്​ -ഗോമസ്​ പറഞ്ഞു.

ലോകമെങ്ങും ഫുട്​ബാൾ മേളകളുയരു​േമ്പാൾ ഗാലറിയിലെ ശ്രദ്ധേയ കാഴ്​ചയാണ്​ മെക്​സികൻ ആരാധകർ. ഖത്തർ ലോകകപ്പിനും സംഘാടകർ ഈ ആരാധക കൂട്ടങ്ങളെ പ്രതീക്ഷിക്കുന്നുണ്ട്​.