ഐ.സി.സി പരിസ്ഥിതി ദിന പരിപാടികൾക്ക്​ സമാപനം

ദോഹ: ലോകപരിസ്ഥിതി ദിനത്തിൻെറ ഭാഗമായി ഇന്ത്യൻ കൾചറൽ സെൻററർ നേതൃത്വത്തിൽ നടന്നുവന്ന പരിപാടികൾക്ക്​ സമാപനമായി. വിവിധ മത്സരങ്ങളിൽ പ​ങ്കെടുത്തവർക്ക്​ സമ്മാനങ്ങളും സർട്ടിഫിക്കറ്റ്​ വിതരണവും നടന്നു. ദോഹാ ബാങ്ക്​ സി.ഇ.ഒ ഡോ. ആർ. സീതാരാമൻ മുഖ്യാതിഥിയായി. എസ്​. സേവ്യർ ധൻരാജ്​, ഐ.സി.സി പ്രസിഡൻറ്​ പി.എൻ. ബാബുരാജൻ എന്നിവർ സമ്മാനങ്ങൾ വിതരണം ചെയ്​തു. ഐ.സി.സി ജനറൽ സെക്രട്ടറി കൃഷ്​ണകുമാർ സ്വാഗതവും വൈസ്​ പ്രസിഡൻറ്​ സുബ്രഹ്​മണ്യ ഹെബ്ബഗേലു നന്ദിയും പറഞ്ഞു.

പരിസ്​ഥിതി ദിനത്തിൻെറ ഭാഗമായി ജൂൺ ആദ്യവാരം വൃക്ഷത്തൈ നടൽ, സ്​കൂൾ വിദ്യാർഥികൾക്ക്​ ​​തൈ വിതരണം, ഉപന്യാസ മത്സരം എന്നിവ സംഘടിപ്പിച്ചു. ഉപന്യാസ രചനയിൽ അൽഖോർ ഇൻറർ നാഷനൽ സ്​കൂൾ വിദ്യാർഥികളായ ശുഭശ്രീ ഗണേഷൻ, ഫഹീമ അബ്​ദുൽ കരീം എന്നിവർ ​ഒന്നും രണ്ടും സ്ഥാനക്കാരായി.ഭവൻസ്​ പബ്ലിക്​ സ്​കൂളിലെ മിഫ്​താഹുൽ ഫലാഹിനാണ്​ മൂന്നാം സ്ഥാനം.