കാലാവസ്ഥ വ്യതിയാനവും പ്രാദേശിക കൃഷികളും; തുനീഷ്യൻ പവിലിയൻ സ്പെഷലാണ്

ദോ​ഹ: 80ലേ​റെ രാ​ജ്യ​ങ്ങ​ൾ ആ​ക​ർ​ഷ​ക​മാ​യ പ​വി​ലി​യ​ൻ ഒ​രു​ക്കി കാ​ത്തി​രി​ക്കു​ന്ന ദോ​ഹ അ​ന്താ​രാ​ഷ്ട്ര ഹോ​ർ​ട്ടി ക​ൾ​ച​റ​ൽ എ​ക്സ്​​പോ​യി​ലെ ഓ​രോ പ​വി​ലി​യ​നും ഓ​രോ ലോ​ക​മാ​ണ് തു​റ​ക്കു​ന്ന​ത്. വി​വി​ധ രാ​ജ്യ​ങ്ങ​ളി​​ലെ കൃ​ഷി​യും പു​തി​യ ക​ണ്ടെ​ത്ത​ലു​ക​ളും വൈ​വി​ധ്യ​മാ​ർ​ന്ന ആ​ശ​യ​ങ്ങ​ളും അ​വ​ത​രി​പ്പി​ക്കു​ന്നു. അ​വ​യി​ൽ പ്ര​ധാ​ന​മാ​യൊ​രു കേ​ന്ദ്ര​മാ​ണ് തു​നീ​ഷ്യ​ൻ പ​വി​ലി​യ​ൻ. പ്രാ​ദേ​ശി​ക സ​സ്യ​ങ്ങ​ളെ പ​രി​ച​യ​പ്പെ​ടു​ത്തു​ന്ന പ​വി​ലി​യ​നി​ൽ കൃ​ഷി, ഹോ​ർ​ട്ടി​ക​ൾ​ച​ർ മേ​ഖ​ല​യി​ലെ ത​ങ്ങ​ളു​ടെ അ​നു​ഭ​വം, ജ​ല​ന​യ​ങ്ങ​ൾ, സു​സ്ഥി​ര വി​ക​സ​നം എ​ന്നി​വ​യും വി​ശ​ദ​മാ​യി അ​വ​ത​രി​പ്പി​ക്കു​ന്നു.

തു​നീ​ഷ്യ​യി​ലെ പ്ര​ശ​സ്ത​മാ​യ കാ​ർ​ഷി​ക വി​ള​ക​ൾ പ്ര​ത്യേ​കി​ച്ച് ഒ​ലി​വ്, പി​യ​ർ, സി​ട്ര​സ് പ​ഴ​ങ്ങ​ൾ, വി​വി​ധ ത​രം പ​ച്ച​ക്ക​റി​ക​ൾ, പ​ഴ​വ​ർ​ഗ​ങ്ങ​ൾ, കാ​ർ​ഷി​ക അ​നു​ബ​ന്ധ വ്യ​വ​സാ​യ​ങ്ങ​ൾ എ​ന്നി​വ​യും പ​വി​ലി​യ​നി​ൽ പ്ര​ദ​ർ​ശി​പ്പി​ക്കു​ക​യും പ​രി​ച​യ​പ്പെ​ടു​ത്തു​ക​യും ചെ​യ്യു​ന്നു​ണ്ട്. പ​വി​ലി​യ​നി​നു​ള്ളി​ൽ 200 ച​തു​ര​ശ്ര​മീ​റ്റ​ർ വി​സ്തൃ​തി​യി​ൽ കാ​ലാ​വ​സ്ഥ വ്യ​തി​യാ​ന​ത്തെ ചെ​റു​ക്കു​ന്ന​തി​ന് തു​നീ​ഷ്യ പി​ന്തു​ട​രു​ന്ന രീ​തി​ക​ളെ​ക്കു​റി​ച്ച് സ​ന്ദ​ർ​ശ​ക​ർ​ക്ക് ആ​ഴ​ത്തി​ൽ പ​ഠി​ക്കാ​നും അ​റി​യാ​നു​മു​ള്ള അ​വ​സ​ര​വും പ​വി​ലി​യ​ൻ സം​ഘാ​ട​ക​ർ ഒ​രു​ക്കി​യി​ട്ടു​ണ്ട്.

1000 ച​തു​ര​ശ്ര​മീ​റ്റ​ർ വി​സ്തീ​ർ​ണ​മു​ള്ള പൂ​ന്തോ​ട്ട​ത്തി​ന് പു​റ​മേ​യാ​ണി​ത്. ഇ​വി​ടെ തു​നീ​ഷ്യ​യി​ൽ നി​ന്ന് നേ​രി​ട്ടെ​ത്തി​ച്ച വി​വി​ധ ത​രം ചെ​ടി​ക​ളും മ​ര​ങ്ങ​ളും ഒ​ലി​വ്, കു​രു​മു​ള​ക് ചെ​ടി​ക​ളും ഖ​ത്ത​റി​ലെ കാ​ലാ​വ​സ്ഥ​യെ നേ​രി​ടാ​ൻ ക​ഴി​യു​ന്ന സ​സ്യ​ങ്ങ​ളും ന​ട്ടു​പി​ടി​പ്പി​ച്ചി​ട്ടു​ണ്ട്. സു​സ്ഥി​ര​ത കൂ​ടു​ത​ൽ പ്രോ​ത്സാ​ഹി​പ്പി​ക്കു​ന്ന​തി​ന് കാ​ർ​ഷി​ക ഉ​ൽ​പ​ന്ന മാ​ലി​ന്യ​ങ്ങ​ൾ ഉ​പ​യോ​ഗി​ക്കു​ന്ന​തി​ലെ അ​നു​ഭ​വ​വും പ​വി​ലി​യ​ൻ പ​ങ്കു​വെ​ക്കു​ന്നു​ണ്ട്.

ഓ​ർ​ഗാ​നി​ക് കൃ​ഷി​യി​ലും ഒ​ലി​വ് കെ​യ​ർ, പി​ക്കി​ങ്, പ്ര​സി​ങ് മേ​ഖ​ല​ക​ളി​ലെ തൊ​ഴി​ലാ​ളി​ക​ളു​ടെ പ​രി​ശ്ര​മ​ങ്ങ​ളി​ലും തു​നീ​ഷ്യ ശ്ര​ദ്ധ കേ​ന്ദ്രീ​ക​രി​ക്കു​ന്നു. ഒ​ലി​വ്, എ​ണ്ണ ഇ​വ​യു​ടെ ഉ​ൽ​പാ​ദ​ന​ത്തി​ൽ സ്‌​പെ​യി​നി​ന് ശേ​ഷം തു​നീ​ഷ്യ​യാ​ണ് ര​ണ്ടാം സ്ഥാ​ന​ത്തു​ള്ള​ത്.ഈ​ന്ത​പ്പ​ന​ക​ൾ​ക്ക് പേ​രു​കേ​ട്ട തെ​ക്ക​ൻ തു​നീ​ഷ്യ​യു​ടെ ച​രി​ത്ര​പ​ര​വും ഭൂ​മി​ശാ​സ്ത്ര​പ​ര​വു​മാ​യ സ​വി​ശേ​ഷ​ത​ക​ളി​ലേ​ക്കും പൗ​രാ​ണി​ക സം​സ്‌​കാ​ര​ത്തി​ലേ​ക്കും പ​വ​ലി​യ​ൻ വെ​ളി​ച്ചം വീ​ശു​ന്നു.

ദോ​ഹ എ​ക്‌​സ്‌​പോ​യി​ൽ രാ​ജ്യ​ങ്ങ​ളു​ടെ പ​ങ്കാ​ളി​ത്തം സു​ഗ​മ​മാ​ക്കു​ന്ന​തി​ൽ ഖ​ത്ത​ർ വി​ജ​യം വ​രി​ച്ചു​വെ​ന്നും എ​ക്‌​സ്‌​പോ​ക്ക് എ​ല്ലാ വി​ജ​യാ​ശം​സ​ക​ളും നേ​രു​ക​യാ​ണെ​ന്നും പ​വി​ലി​യ​ൻ സൂ​പ്പ​ർ​വൈ​സ​ർ അ​മ​ൽ സ്ലി​തി പ​റ​ഞ്ഞു. ജ​ല​ന​യ​ങ്ങ​ളി​ലും സു​സ്ഥി​ര വി​ക​സ​ന​ത്തി​ലും തു​നീ​ഷ്യ​ൻ പ​രി​ച​യ​സ​മ്പ​ത്ത് അ​വ​ത​രി​പ്പി​ച്ച് ഖ​ത്ത​റും തു​നീ​ഷ്യ​യും ത​മ്മി​ലു​ള്ള സ​ഹ​ക​ര​ണ ബ​ന്ധം ശ​ക്തി​പ്പെ​ടു​ത്തു​ക​യാ​ണ് എ​ക്‌​സ്‌​പോ​യി​ലെ ഞ​ങ്ങ​ളു​ടെ പ​ങ്കാ​ളി​ത്ത​ത്തി​ലൂ​ടെ ല​ക്ഷ്യ​മി​ടു​ന്ന​തെ​ന്നും സ്ലി​തി കൂ​ട്ടി​ച്ചേ​ർ​ത്തു. പ​വി​ലി​യ​നി​ലെ​ത്തു​ന്ന സ​ന്ദ​ർ​ശ​ക​രു​ടെ എ​ണ്ണ​ത്തി​ൽ പ്ര​ത്യേ​കി​ച്ചും അ​വ​ധി ദി​വ​സ​ങ്ങ​ളി​ൽ വ​ലി​യ വ​ർ​ധ​ന​യു​ണ്ടാ​യി​ട്ടു​ണ്ടെ​ന്നും എ​ല്ലാ​വ​രെ​യും ആ​ക​ർ​ഷി​ക്കു​ന്ന രീ​തി​യി​ൽ രൂ​പ​ക​ൽ​പ​ന ചെ​യ്തി​രി​ക്കു​ന്ന നി​ര​വ​ധി വ്യ​ത്യ​സ്ത പ​വി​ലി​യ​നു​ക​ൾ ഉ​ൾ​പ്പെ​ടു​ന്ന ഇ​ന്റ​ർ​നാ​ഷ​ന​ൽ സോ​ൺ സ​ന്ദ​ർ​ശി​ക്കു​ന്ന​ത് സ​ന്ദ​ർ​ശ​ക​ർ ഏ​റെ ആ​സ്വ​ദി​ക്കു​ന്നു​വെ​ന്നും അ​വ​ർ വ്യ​ക്ത​മാ​ക്കി.