ചിത്രവർഷങ്ങൾക്ക് മുേമ്പ ചിത്രപാട്ട് മൽസരം 26ന്
text_fieldsദോഹ: മലയാളിയുടെ പ്രിയഗായിക കെ.എസ് ചിത്രക്ക് ആദരമായി ജൂൺ 29ന് ‘ഗൾഫ്മാധ്യമം’ ഒരുക്കുന്ന ‘ചിത്രവർഷങ്ങൾ’ സംഗീതപരിപാടിക്ക് മുന്നോടിയായി ചിത്രപാട്ട് മൽസരം നടത്തും. ചിത്രയുടെ പാട്ടുകൾ അധികരിച്ച് ജൂൺ 26ന് ഖത്തർ സ്കിൽസ് ഡെവലപ്മെൻറ് സെൻററിലാണ് ഗാനാലാപന മൽസരം. സ്ത്രീകൾക്കും പുരുഷൻമാർക്കും പ്രായപരിധിയില്ലാതെ പെങ്കടുക്കാം. ചിത്ര പാടിയ പാട്ടുകളാണ് ആലപിക്കേണ്ടത്. ജൂൺ 20 മുതൽ രജിസ്ട്രേഷൻ തുടങ്ങും. ഫോൺ: 55706291, 55461626. സോഷ്യൽ മീഡിയ ക്വിസ് മൽസരവും ചിത്ര ആലപിച്ച ഗാനങ്ങളുടെ തെരഞ്ഞെടുപ്പ് മൽസരവും ഉടൻ നടക്കും.
വിശദ വിവരങ്ങൾക്ക് https://click4m.madhyamam.com സൈറ്റ് സന്ദർശിക്കുക. ജേതാക്കൾക്ക് വേദിയിൽ വെച്ച് ചിത്ര സമ്മാനങ്ങൾ നൽകും. നിറ ചിരിയും മധുരശബ്ദവും കൊണ്ട് മലയാളിയുടെ കുടുംബാംഗമായി മാറിയ കെ.എസ് ചിത്രയുടെ 39 വർഷത്തെ സംഗീതസപര്യയിലൂടെയുള്ള യാത്രയായാണ് ‘ചിത്രവർഷങ്ങൾ’ അണിയറയിൽ ഒരുങ്ങുന്നത്. അത്യാധുനിക സൗകര്യങ്ങളുള്ള ദോഹയിലെ ഖത്തർ നാഷനൽ കൺവെൻഷൻ സെൻററിൽ ജൂൺ 29ന് നടക്കുന്ന പരിപാടിയിൽ നിരവധി കലാകാരൻമാർ പെങ്കടുക്കും. മലബാർ ഗോൾഡ് ആൻറ് ഡയമണ്ട്സ് ആണ് മുഖ്യപ്രായോജകർ.
മൈക്രോ ഹെൽത്ത് ലബോറട്ടറീസ്, ഡബിൾ ഹോഴ്സ് എന്നിവർ സഹപ്രായോജകർ. വൈകുന്നേരം 5.30ന് വേദി തുറക്കും. ഏഴ്മണിക്ക് പരിപാടി തുടങ്ങും. കെ.എസ്. ചിത്ര നേതൃത്വം നൽകും. നടനും ഗായകനുമായ മനോജ് കെ. ജയൻ, ഗായകരായ വിധു പ്രതാപ്, ജ്യോത്സ്ന, നിഷാദ്, ശ്രേയക്കുട്ടി, കണ്ണൂർ ഷരീഫ്, രൂപ തുടങ്ങിയവർ സംഗീത വിരുന്നൊരുക്കും. പ്രവേശന പാസിന് ഫോൺ: 77190070.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.