ശൈത്യകാല ക്യാമ്പിങ്: കുട്ടികളുടെമേല്‍  ശ്രദ്ധയുണ്ടാകണമെന്ന് നിര്‍ദേശം

ദോഹ: ശൈത്യകാല ക്യാമ്പില്‍ പങ്കെടുക്കുന്നവര്‍ കുട്ടികളുടെ കാര്യത്തില്‍ അതീവ ശ്രദ്ധപുലര്‍ത്തണമെന്ന് ആഭ്യന്തര മന്ത്രാലയം. 
മന്ത്രാലയത്തിന്‍െറ ഫെയിസ്ബുക്ക് പേജില്‍കൂടെയാണ് ഈ നിര്‍ദേശങ്ങള്‍ പുറപ്പെടുവിച്ചത്.  ക്യാമ്പിലത്തെുന്ന കുടുംബാംഗങ്ങള്‍ കുട്ടികളുടെ ചലനങ്ങള്‍ കൃത്യമായി ശ്രദ്ധിക്കണമെന്നും അവരുടെ സുരക്ഷക്കുവേണ്ടി  ജാഗ്രത പുലര്‍ത്തണമെന്നും അറിയിച്ചു. കുട്ടികളെ കാണാതെ പോകാതിരിക്കുന്നതിനായി അവരടെ പ്രവൃത്തികള്‍ സദാ ശ്രദ്ധിക്കണം. അവര്‍ കളിക്കുമ്പോള്‍  സുരക്ഷാ മുന്‍കരുതലുകള്‍ എടുത്തിട്ടുണ്ടോയെന്നും ഉറപ്പാക്കണം.  ക്യാമ്പുകള്‍ തമ്മിലുള്ള അകലം അഞ്ച് മീറ്ററില്‍ കുറയാന്‍ പാടില്ല, അടുക്കള തയ്യാറേക്കണ്ടത് പ്രത്യേകമാകണം തുടങ്ങിയ നിര്‍ദേശങ്ങളും നല്‍കിയിട്ടുണ്ട്.