ആദ്യ വിമാനം കൊച്ചിയിലെത്തി: കൂടുതൽ ചാർ​ട്ടേഡ്​ വിമാനങ്ങൾ; പ്രതീക്ഷ കൂടുന്നു

ദോഹ: വിവിധ സംഘടനകളും സ്​ഥാപനങ്ങളും നടത്തുന്ന ശ്രമങ്ങൾക്ക്​ പ്രതീക്ഷയേകി ഖത്തറിൽ നിന്ന്​ കേരളത്തിലേക്കുള്ള ആദ്യ ചാർ​േട്ടഡ്​ വിമാനം വെള്ളിയാഴ്​ച രാവിലെ ഒമ്പതിന്​ കൊച്ചിയിലെത്തി. കോവിഡ്​ പശ്​ചാത്തലത്തിൽ ഇതോടെ കൂടുതൽ ചാർ​ട്ടേഡ്​ വിമാനങ്ങൾ ഖത്തറിൽ നിന്ന്​ പറത്താൻ കഴിയുമെന്ന പ്രതീക്ഷ വർധിച്ചു. ദോഹയിലെ ക്യു കോൺ കമ്പനിയാണ്​ മലയാളികളായ തങ്ങളുടെ തൊഴിലാളികൾക്കായി ആദ്യവിമാനം ചാർട്ടർ ചെയ്​തത്​. കോവിഡുമായി ബന്ധപ്പെട്ട പ്രതിസന്ധിക്കിടെ ഖത്തറിൽ നിന്ന്​ കേരളത്തിലേക്കുള്ള ആദ്യ ചാർ​േട്ടഡ്​ വിമാനമാണിത്​. ഖത്തർ എയർവേസിൻെറ QR8364 വിമാനത്തിൽ 178 യാത്രക്കാരാണ്​ നാടണഞ്ഞത്​. വെള്ളിയാഴ്​ച പുലർച്ചെ 2.15നാണ്​ ​േദാഹയിൽ നിന്ന്​ പുറപ്പെട്ടത്​. ഇതോടെ ഖത്തറിൽ നിന്നുള്ള വിവിധ സംഘടനകളും സ്​ഥാപനങ്ങളും ശ്രമം നടത്തുന്ന ചാർ​േട്ടഡ്​ വിമാനങ്ങൾക്കും പറക്കാൻ കഴിയുമെന്ന പ്രതീക്ഷ വർധിക്കുകയാണ്​. വിവിധ ജില്ലക്കാരായ മലയാളികളാണ്​ ആദ്യ ചാർ​േട്ടഡ്​ വിമാനത്തിലുണ്ടായിരുന്നത്​.

ഫേസ്​ മാസ്​ക്​ അടക്കമുള്ളവ ധരിപ്പിച്ചാണ്​ യാത്രക്കാരെ വിമാനത്തിൽ കയറ്റിയത്​. സീറ്റുകൾ ഇടവിട്ട്​ ഒഴിച്ചിട്ടിരുന്നു. സാമൂഹിക അകലം പാലിച്ചായിരുന്നു നടപടികളും യാത്രയും. ചൊവ്വാഴ്​ചയാണ്​ ക്യു കോൺ കമ്പനിയിൽ നിന്ന്​ തൊഴിലാളികൾക്ക്​ വിമാനം ഉറപ്പായ കാര്യം അറിയിക്കുന്നത്​. എന്നാൽ കേരളത്തിൽ ഇറങ്ങാനുള്ള അനുമതി ലഭിക്കുന്നതുമായി ബന്ധപ്പെട്ട്​ ആദ്യഘട്ടത്തിൽ തടസമുണ്ടായിരുന്നു. എന്നാൽ പിന്നീട്​ ഇതും ശരിയായതോടെ തൊഴിലാളികളോട്​ വ്യാഴാഴ്​ച രാത്രി എട്ട്​ മണിയോടെ നാട്ടിലേക്ക്​ മടങ്ങാൻ തയാറായി നിൽക്കാൻ കമ്പനി അധികൃതർ അറിയിക്കുകയായിരുന്നു. വിവിധ ക്യാമ്പുകളിൽ കഴിഞ്ഞിരുന്ന തൊഴിലാളികളെ കമ്പനി ബസിൽ തന്നെ ദോഹ ഹമദ്​ വിമാനത്താവളത്തിൽ എത്തിക്കുകയായിരുന്നു. ഹ്രസ്വകാല കരാറിൽ ക്യു കോൺ കമ്പനിയിൽ ജോലിക്കെത്തിയ വിദഗ്ധ തൊഴിലാളികളാണിവർ. കോവിഡ്​ നിയന്ത്രണങ്ങളുടെ ഭാഗമായി വിമാനസർവീസ്​ ഇല്ലാതായതോടെയാണ്​ ഇവർ ഖത്തറിൽ കുടുങ്ങിയത്​. കരാർ കാലാവധിയും ജോലിയും കഴിഞ്ഞിട്ടും നാട്ടിലേക്ക്​ തിരിച്ചുപോകാനാകാതെ പ്രയാസത്തിലായിരുന്നു ഇവർ. റാസ്​ലഫാനിൽ വിവിധ ഓയിൽ, ഗ്യാസ്​ റി​ൈഫനറികളിൽ വാർഷിക അറ്റകുറ്റപണികൾക്കായി എത്തിയവരാണിവർ.

കഴിഞ്ഞ ജനുവരി, ഫെബ്രുവരി മാസങ്ങളിലായാണ്​ ഖത്തറിൽ എത്തിയത്​. ആകെയുള്ള ​ആറായിരത്തോളം ഇന്ത്യക്കാരിൽ 600 പേർ മലയാളികളാണ്​. മെക്കാനിക്കൽ, പൈപ്പിങ്​, ഇൻസ്​ട്രുമെ​േൻറഷൻ മേഖലകളിലെ സാ​​ങ്കേതിക വൈദഗ്​ധ്യമുള്ള തൊഴിലാളികളാണിവർ. റാഫ്​ലഫനാലിലെ ക്യാമ്പിലാണ്​ ഇവർ കഴിഞ്ഞിരുന്നത്​​. ഇവർക്ക്​ താമസം, ഭക്ഷണം, ഇതുവരെയുള്ള ജോലിക്കുള്ള ശമ്പളം എന്നിവ കമ്പനി തന്നെ നൽകിയിട്ടുണ്ട്​. വിമാനമില്ലാത്തതിനാലും ഇന്ത്യൻ എംബസി വഴിയുള്ള യാത്രക്കാരിൽ ഇവർ ഉൾപ്പെടാത്തതിനാലും കമ്പനിയും ബുദ്ധിമുട്ടിലായിരുന്നു​. തുടർന്നാണ്​ ക്യു കോൺ കമ്പനി ചാർ​ട്ടേഡ്​ വിമാനസർവീസിനായി ഇന്ത്യൻ എംബസിയിൽ അപേക്ഷ നൽകിയത്​. ഇതുപ്രകാരം കമ്പനിക്ക്​ അനുമതി ലഭിക്കുകയായിരുന്നു. വരും ദിവസങ്ങളിലും കമ്പനി തൊഴിലാളികളെ നാട്ടിലെത്തിക്കാനായി ചാർട്ടഡ്​ വിമാനങ്ങൾ ഒരുക്കുന്നുവെന്ന്​ അറിയുന്നു. ഹ്രസ്വകാല കരാറിൽ എത്തിയ തൊഴിലാളികൾ തിരിച്ചുപോകാനാകാതെ പ്രയാസത്തിലായത്​ സംബന്ധിച്ച്​ മേയ്​ 30ന്​ ‘ഗൾഫ്​മാധ്യമം’ വാർത്ത നൽകിയിരുന്നു. കെ.എം.സി.സി, ഇൻകാസ്​, കൾച്ചറൽ ഫോറം തുടങ്ങിയ വിവിധ സംഘടനകൾ ചാർ​ട്ടേഡ്​ വിമാനത്തിനായി ശ്രമം നടത്തുന്നുണ്ട്​. ഖത്തറിൽ നിന്ന്​ ഇത്തരത്തിലുള്ള ആദ്യ വിമാനം കൊച്ചിയിലേക്ക്​ പറന്ന​തോടെ മറ്റ്​ ചാർ​ട്ടേഡ്​ വിമാനങ്ങൾക്കും സർവീസ്​ നടത്താനാകുമെന്ന പ്രതീക്ഷയും ബലപ്പെട്ടിരിക്കുകയാണ്​.