ശ്രീലങ്കൻ ആരാധകനെ നേരിൽ കണ്ടു​; ​ േകരളത്തിലേക്ക്​ ക്ഷണിച്ചു

ദോഹ: ഒടുവിൽ ശ്രീലങ്കൻ പ്രവാസിയായ മെഹ്​റൂഫി​​​െൻറ ആഗ്രഹം യാഥാർത്ഥ്യമായി. കേരളത്തോടും മുൻ മുഖ്യമന്ത്രിയോടുമുള്ള ആരാധനയുമായി കഴിയുന്ന മെഹ്​റൂഫിനെ കുറിച്ച്​ ഇന്നലെ ‘ഗൾഫ്​ മാധ്യമം’ വാർത്ത പ്രസിദ്ധീകരിച്ചിരുന്നു. വാർത്ത ശ്രദ്ധയിൽപ്പെട്ട ഉമ്മൻചാണ്ടി ത​​​െൻറ ആരാധകനായ ശ്രീലങ്കക്കാരനെ നേരിൽ കാണാൻ ആഗ്രഹം പ്രകടിച്ചു. തുടർന്ന്​ ഇൻകാസ്​ സ്​റ്റേറ്റ്​ പ്രസിഡൻറ്​ കെ.കെ ഉസ്​മാൻ ഗൾഫ്​ മാധ്യമം ബ്യുറോയിൽ ബന്​ധപ്പെട്ട്​ മെഹ്​റൂഫി​​​െൻറ വിവരങ്ങൾ അന്വേഷിക്കുകയും സന്ദർശനത്തിന്​ വഴി തെളിയുകയുമായിരുന്നു.

അഞ്ചരമണിയോടെ ഉമ്മൻചാണ്ടി തങ്ങുന്ന ഹോട്ടൽ മാരിയറ്റിൽ വച്ചായിരുന്നു കൂടിക്കാഴ്​ച്ച. മെഹ്​റൂഫിനെ ഹസ്​തദാനം ചെയ്​ത്​ സ്വീകരിച്ച മുൻമുഖ്യമന്ത്രിക്ക്​ അറിയേണ്ടത്​ തന്നെ എങ്ങനെയാണ്​ പരിചയം എന്നതായിരുന്നു. ഖത്തറിൽ വന്നശേഷം മലയാളിയായ സക്കീറിനോടൊപ്പം ജോലി ചെയ്യുന്നതിനാൽ മലയാളം സംസാരിക്കാനും വായിക്കാനും പഠിച്ചതാണ്​ കേരളത്തോട്​ അടുപ്പമുണ്ടാകാനുള്ള കാരണമെന്ന്​ മെഹ്​റൂഫ്​ മറുപടി പറഞ്ഞു. 

അങ്ങനെ പത്രം വായിക്കാനും മലയാളം ചാനലുകൾ കാണാനും തുടങ്ങിയപ്പോൾ സാറി​​​െൻറ ‘ഫാനാ’യി ഞാൻ.  എന്നും ഒരു ദിവസമെങ്കിലും സാറി​​​െൻറ ന്യൂസുകളില്ലാ​ത്ത മലയാളം ചാനലുകൾ ഇല്ലല്ലോ എന്നുമായി ആരാധക​​​െൻറ കമൻറ്​. ശ്രീലങ്കയിൽ കഴിയുന്ന മെഹ്​റൂഫി​​​െൻറ കുടുംബത്തെ കുറിച്ചും നാടിനെ കുറിച്ചും എല്ലാം അദ്ദേഹം അന്വേഷിച്ചു. കേരളത്തിലേക്ക്​ സ്വാഗതം എന്ന്​ പറയാനും ഉമ്മൻചാണ്ടി മറന്നില്ല.കാമറകൾ മിന്നിയപ്പോൾ ഒരു ഡയ​േലാഗ്​ കൂടി മെഹ്​റൂഫിൽ നിന്നും ഉണ്ടായി. ‘സാറ്​     കേരളത്തി​​​െൻറ കിംഗ്​ ആണ്​.  വീണ്ടും മുഖ്യമ​ന്ത്രിയാകണം. ’ ചുറ്റും നിന്നവരും അത്​ പുഞ്ചിരിയോടെ ശരി​െവച്ചു.