Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightQatarchevron_right'എയർ സുവിധ' ഇളവുകൾ...

'എയർ സുവിധ' ഇളവുകൾ കേന്ദ്ര സർക്കാർ പുനഃസ്ഥാപിച്ചില്ല; അടിയന്തര യാത്രികരായ പ്രവാസികൾക്ക്​​ ദുരിതകാലം

text_fields
bookmark_border
എയർ സുവിധ ഇളവുകൾ കേന്ദ്ര സർക്കാർ പുനഃസ്ഥാപിച്ചില്ല; അടിയന്തര യാത്രികരായ പ്രവാസികൾക്ക്​​ ദുരിതകാലം
cancel
camera_alt

സുരാഗ്​ സത്യൻ

ദോഹ: വിദേശരാജ്യങ്ങളിൽനിന്നുള്ള അടിയന്തര യാത്രികർക്ക്​ നൽകിയ ഇളവുകൾ റദ്ദാക്കിയത്​ പുനഃസ്ഥാപിക്കാത്ത കേന്ദ്ര സർക്കാർ നടപടിയിൽ പ്രവാസിലോകത്ത്​ പ്രതിഷേധം. മാതാപിതാക്കളുടെയും അടുത്ത ബന്ധുക്കളുടെ മരണത്തിൽപോലും നാട്ടിലെത്താനാവാതെ കണ്ണീരിൽകഴിയുന്നവരുടെ എണ്ണം പ്രവാസിലോകത്ത്​ ഏറുകയാണ്. തൃശൂർ സ്വദേശിയും മുംബൈയിൽ സ്ഥിരതാമസക്കാരുമായ പി.എസ്.​ സത്യൻ ​തിങ്കളാഴ്ച പുലർച്ച മൂന്നിനാണ്​ മരിച്ചത്​. പിതാവിന്‍റെ മരണവാർത്തയെത്തുമ്പോൾ ഖത്തറിലായിരുന്നു മകൻ സുരാഗ്​ സത്യൻ. പിതാവിന്‍റെ മരണ സർട്ടിഫിക്കറ്റും അടിയന്തര ഘട്ടത്തിലുള്ള യാത്ര അനുവദിക്കണമെന്ന ഖത്തറിലെ ഇന്ത്യൻ എംബസിയുടെ സാക്ഷ്യപത്രവുമായി വിമാനത്താവളത്തിലെത്തിയിട്ടും യാത്ര അനുവദിച്ചില്ല. പിതാവിന്‍റെ അപ്രതീക്ഷിത വേർപാടിനു പിന്നാലെ, അന്ത്യകർമം നിർവഹിക്കാനും ഒരു നോക്ക്​ കാണാനുമായി നാട്ടിലെത്താൻ ശ്രമിച്ചിട്ടും നടക്കാതെ, ഖത്തറിലെ താമസസ്ഥലത്ത്​ കണ്ണീരോടെ കഴിയുന്ന ഏക മകൻ സുരാഗ് പ്രവാസിലോകത്തിന്‍റെ നൊമ്പരക്കാഴ്ചയായി. സുരാഗിന്‍റെ അസാന്നിധ്യത്തിൽ പിതൃസഹോദരനാണ്​ സംസ്കാര ചടങ്ങിന്​​ നേതൃത്വം നൽകിയത്​.

വിദേശങ്ങളിൽനിന്നും മടങ്ങിയെത്തുന്നവർ വ്യോമയാന മന്ത്രാലയത്തിന്‍റെ 'എയർ സുവിധ' വെബ്​സൈറ്റ്​ വഴി രജിസ്റ്റർ ചെയ്ത്​ അനുമതി വാങ്ങണമെന്ന നിബന്ധനയിൽ അടിയന്തര ആവശ്യങ്ങൾക്കുള്ള യാത്രക്കാർക്ക്​ സർക്കാർ ഇളവ്​ നൽകിയിരുന്നു. എയർ സുവിധയിൽ രജിസ്​റ്റർ ചെയ്യുമ്പോൾ 'എക്സംപ്​ഷൻ'എന്ന ഭാഗത്ത്​ മരണ സർട്ടിഫിക്കറ്റ്​ ഉൾപ്പെടെ രേഖകൾ അപ്​ലോഡ്​ ചെയ്താൽ ഇവരെ ആർ.ടി.പി.സി.ആർ പരിശോധനയിൽ നിന്നും ഒഴിവാക്കിയിരുന്നു.

എന്നാൽ, കഴിഞ്ഞ ഒക്​ടോബർ 20 മുതൽ നിലവിൽ വന്ന പുതിയ വിജ്ഞാപനപ്രകാരം എല്ലാ വിഭാഗം യാത്രക്കാർക്കും വ്യക്തിഗത വിവരങ്ങൾക്കു​ പുറമെ, 72 മണിക്കൂറിനുള്ളിൽ കോവിഡ്​ ആർ.ടി.പി.സി.ആർ പരിശോധന നിർബന്ധമാക്കി. വെബ്​ സൈറ്റിൽ സംശയ നിവാരണ ​സെക്​ഷനിലെ ചോദ്യത്തിന്​ മറുപടിയായി 'എയർ സുവിധയിലെ എക്​സംപ്​ഷൻ ഫോം നിർത്തലാക്കി'എന്നാണ്​ നൽകിയത്.

ഇതാണ്​ മരണം ഉൾപ്പെടെ അടിയന്തര യാത്രികർക്ക്​ തിരിച്ചടിയായത്​. ഇതു സംബന്ധിച്ച്​ നേരത്തേ 'ഗൾഫ്​ മാധ്യമം'വാർത്തക്കു പിന്നാലെ സംസ്ഥാന സർക്കാറും നോർക്കയും ഇളവ്​ പുനഃസ്ഥാപിക്കണമെന്ന്​ കേന്ദ്ര സർക്കാറിനോട്​ ആവശ്യപ്പെട്ടെങ്കിലും നടപടിയുണ്ടായില്ല. അടിയന്തര ആവശ്യങ്ങൾക്കുള്ള യാത്രക്കാർക്ക്​ സർക്കാർ നേരത്തെ നൽകിയ ഇളവ്​ കഴിഞ്ഞ ഒക്​ടോബറിലാണ്​ എടുത്തുമാറ്റിയത്​. ഗൾഫ്​ രാജ്യങ്ങളിൽ നാല്​ മണിക്കൂറിനുള്ളിൽ ആർ.ടി.പി.സി.ആർ ഫലം ലഭ്യമായിരുന്നതിനാൽ ആദ്യ ഘട്ടത്തിൽ ഈ പ്രശ്നം കാര്യമായി ബാധിച്ചില്ല. എന്നാൽ, ഒമിക്രോൺ വ്യാപനത്തിനു പിന്നാലെ പ്രതിദിനം പരിശോധന നടത്തുന്നവരുടെ എണ്ണം വർധിച്ചതിനാൽ ഫലം ലഭിക്കാൻ വൈകുന്നതാണ്​ അടിയന്തര യാത്രക്കാർക്ക്​ തിരിച്ചടിയായത്​. നാല്​ മണിക്കൂറിൽ ഫലം ലഭിക്കുന്ന ക്ലിനിക്കുകളിൽ ഇപ്പോൾ ബുക്കിങ്​ പോലും ലഭ്യമാവാത്ത അവസ്ഥയാണുള്ളത്​. പ്രവാസികളുടെ ആവശ്യം പരിഹരിക്കാൻ സംസ്ഥാന സർക്കാറും, നോർക്കയും കേന്ദ്ര സർക്കാറിൽ സമ്മർദം ചെലുത്തിയിട്ടും ഫലമുണ്ടായില്ല. ഇതേ കാരണത്താൽ ബന്ധുവിന്‍റെ മരണത്തെ തുടർന്ന്​ കോഴിക്കോട്​ സ്വദേശിക്കും രണ്ടു ദിവസം മുമ്പ്​ നാട്ടിലേക്കുള്ള യാത്ര മുടങ്ങിയിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Central GovtAir SuvidhaconcessionExpatriates
News Summary - Central Govt did not reinstate Air Suvidha concessions time of distress for expatriate travelers
Next Story