റി​യ​ൽ എ​സ്റ്റേ​റ്റ് വാ​യ്പ​യി​ൽ ഭേ​ദ​ഗ​തി​യു​മാ​യി സെ​ൻ​ട്ര​ൽ​ബാ​ങ്ക്

ദോ​ഹ: രാ​ജ്യ​ത്തെ റി​യ​ൽ എ​സ്റ്റേ​റ്റ് വാ​യ്പ സം​ബ​ന്ധി​ച്ച വ്യ​വ​സ്ഥ​ക​ളി​ൽ ഭേ​ദ​ഗ​തി​യു​മാ​യി ഖ​ത്ത​ർ സെ​ൻ​ട്ര​ൽ ബാ​ങ്ക്. വ​സ്തു​വി​ൻ​മേ​ലു​ള്ള പ​ര​മാ​വ​ധി വാ​യ്പ തു​ക (എ​ൽ.​ടി.​വി), തി​രി​ച്ച​ട​വ് കാ​ലാ​വ​ധി എ​ന്നി​വ ഉ​ൾ​പ്പെ​ടെ​യു​ള്ള വ്യ​വ​സ്ഥ​ക​ളി​ൽ ഭേ​ദ​ഗ​തി നി​ർ​ദേ​ശി​ച്ചു​കൊ​ണ്ടാ​ണ് പു​തി​യ ന​ട​പ​ടി.

റി​യ​ൽ എ​സ്റ്റേ​റ്റ് മേ​ഖ​ല​യു​ടെ വി​ക​സ​ന​ത്തി​നും വി​പു​ലീ​ക​ര​ണ​ത്തി​നും സ​ഹാ​യ​ക​മാ​കു​ന്ന​ത് മു​ന്നി​ൽ ക​ണ്ടു​മാ​ണ് വാ​യ്പാ​ന​യ​ത്തി​ൽ ​ഭേ​ദ​ഗ​തി​ക​ൾ ന​ട​പ്പാ​ക്കു​ന്ന​ത്. പു​തി​യ ഭേ​ദ​ഗ​തി​ക​ള്‍ പ്ര​കാ​രം ആ​സ്തി​ക​ളും വ​സ്തു​ക്ക​ളും ഈ​ട് ന​ല്‍കി​യു​ള്ള വാ​യ്പ​ക​ളെ മൂ​ന്നു വി​ഭാ​ഗ​മാ​യാ​ണ് തി​രി​ച്ചി​രി​ക്കു​ന്ന​ത്. ഇ​തി​ല്‍ ആ​ദ്യ​ത്തെ വി​ഭാ​ഗം നി​ര്‍മാ​ണ​ത്തി​ലി​രി​ക്കു​ന്ന​തോ, പൂ​ര്‍ത്തി​യാ​യ​തോ ആ​യ താ​മ​സ കെ​ട്ടി​ട​ങ്ങ​ളി​ല്‍ ന​ല്‍കു​ന്ന വ്യ​ക്തി​ഗ​ത വാ​യ്പ​യാ​ണ്.

വാ​യ്പ​യെ​ടു​ക്കു​ന്ന​യാ​ളു​ടെ ശ​മ്പ​ള​വും വ​രു​മാ​ന സ്രോ​ത​സ്സു​ക​ളും തി​രി​ച്ച​ട​വ് തു​ക​യു​മാ​യി ബ​ന്ധി​പ്പി​ച്ചാ​ണ് ഈ ​വാ​യ്പ ന​ല്‍കു​ക. പ്ര​വാ​സി​ക​ള്‍ക്ക് ഈ​ടു​ന​ല്‍കു​ന്ന ആ​സ്തി​യു​ടെ മൂ​ല്യം 60 ല​ക്ഷം റി​യാ​ല്‍ വ​രെ​യാ​ണെ​ങ്കി​ല്‍ പ​ര​മാ​വ​ധി 75 ശ​ത​മാ​നം വാ​യ്പ ല​ഭി​ക്കും. തി​രി​ച്ച​ട​വ് കാ​ലാ​വ​ധി 25 വ​ര്‍ഷ​മാ​യി​രി​ക്കും.

നി​ക്ഷേ​പ വാ​ണി​ജ്യ ആ​വ​ശ്യ​ങ്ങ​ള്‍ക്കാ​യി ക​മ്പ​നി​ക​ള്‍ക്കും വ്യ​ക്തി​ക​ള്‍ക്കും പ​ണി തീ​ര്‍ന്ന ആ​സ്തി​ക​ളി​ല്‍ ന​ല്‍കു​ന്ന വാ​യ്പ​യാ​ണ് ര​ണ്ടാ​മ​ത്തെ വി​ഭാ​ഗം. തി​രി​ച്ച​ട​വ് പ്ര​ധാ​ന​മാ​യും റി​യ​ല്‍ എ​സ്റ്റേ​റ്റി​ല്‍ നി​ന്നു​ള്ള വ​രു​മാ​ന​ത്തെ ആ​ശ്ര​യി​ച്ചാ​ണ്. പ്ര​വാ​സി​ക​ള്‍ക്ക് 100 കോ​ടി റി​യാ​ല്‍ വ​രെ മൂ​ല്യ​മു​ള്ള ആ​സ്തി​ക​ളാ​ണെ​ങ്കി​ല്‍ എ​ൽ.​ടി.​വി പ​ര​മാ​വ​ധി 25 വ​ര്‍ഷ​ത്തേ​ക്ക് 70 ശ​ത​മാ​നം വാ​യ്പ ല​ഭി​ക്കും.

നി​ക്ഷേ​പ, വാ​ണി​ജ്യ ല​ക്ഷ്യ​ങ്ങ​ള്‍ക്കാ​യി നി​ര്‍മാ​ണ​ത്തി​ലി​രി​ക്കു​ന്ന വ​സ്തു​ക്ക​ള്‍ ഈ​ടു​ന​ല്‍കു​ന്ന​താ​ണ് മൂ​ന്നാ​മ​ത്തെ വി​ഭാ​ഗം. വ​സ്തു​വ​ക​ക​ളി​ല്‍നി​ന്നു​ള്ള പൂ​ര്‍ണ​മാ​യോ ഭാ​ഗി​ക​മാ​യോ ല​ഭി​ക്കു​ന്ന വ​രു​മാ​ന​ത്തെ ആ​ശ്ര​യി​ച്ചാ​ണ് തി​രി​ച്ച​ട​വ്. ഈ ​വി​ഭാ​ഗ​ത്തി​ല്‍ രാ​ജ്യ​ത്തെ പ്ര​വാ​സി താ​മ​സ​ക്കാ​രും താ​മ​സ​ക്കാ​ര്‍ അ​ല്ലാ​ത്ത​വ​രു​മാ​യ​വ​ര്‍ക്ക് പ​ര​മാ​വ​ധി വാ​യ്പ 50 ശ​ത​മാ​ന​വും തി​രി​ച്ച​ട​വ് കാ​ലാ​വ​ധി 15 വ​ര്‍ഷ​വു​മാ​യി​രി​ക്കും.

ശ​മ്പ​ള​മു​ള്ള ഉ​പ​ഭോ​ക്താ​ക്ക​ള്‍ക്ക് വ​സ്തു ഈ​ടി​ന്മേ​ല്‍ ധ​ന​സ​ഹാ​യം ന​ല്‍കു​ന്ന​ത് സം​ബ​ന്ധി​ച്ചു​ള്ള വ്യ​വ​സ്ഥ​ക​ളി​ലും മാ​റ്റം വ​രു​ത്തി​യി​ട്ടു​ണ്ട്. പ്ര​വാ​സി​ക​ൾ​ക്ക് ക​ട​ബാ​ധ്യ​ത​യു​ടെ അ​നു​പാ​തം മൊ​ത്തം ശ​മ്പ​ള​ത്തി​ന്റെ 50 ശ​ത​മാ​ന​ത്തി​ല്‍ കൂ​ടാ​ന്‍ പാ​ടി​ല്ലെ​ന്ന​താ​ണ് പു​തി​യ വ്യ​വ​സ്ഥ. സ്വ​ദേ​ശി​ക​ൾ​ക്ക് ഇ​ത് 75 ശ​ത​മാ​ന​മാ​ണ് നി​ർ​ദേ​ശി​ച്ച​ത്.

ഖ​ത്ത​റി​ൽ പ്ര​വ​ർ​ത്തി​ക്കു​ന്ന സ്വ​ദേ​ശി ബാ​ങ്കു​ക​ള്‍ക്കും അ​വ​യു​ടെ അ​നു​ബ​ന്ധ സ്ഥാ​പ​ന​ങ്ങ​ൾ​ക്കും ബാ​ധ​ക​മാ​വു​ന്ന​താ​ണ് പു​തി​യ ഭേ​ദ​ഗ​തി. വി​ദേ​ശ രാ​ജ്യ​ങ്ങ​ളി​ലെ ബ്രാ​ഞ്ചു​ക​ള്‍ ആ​തി​ഥേ​യ രാ​ജ്യ​ത്തി​ന്റെ വ്യ​വ​സ്ഥ​ക​ളാ​ണ് പാ​ലി​ക്കേ​ണ്ട​ത്.