ആഘോഷക്കൊടിയേറ്റം

ദോഹ: കോ​വി​ഡി​ന്‍റെ ദു​രി​ത​കാ​ല​ത്തി​ൽ​നി​ന്ന് ഖ​ത്ത​റി​ലെ ഇ​ന്ത്യ​ൻ സ​മൂ​ഹ​ത്തി​ന്‍റെ ഉ​ത്സ​വ​കാ​ല​ത്തി​ലേ​ക്ക്​ കൊ​ടി​യേ​റ്റ​മാ​യി.

ഇ​ന്ത്യ​ൻ എം​ബ​സി അ​പെ​ക്സ്​ ബോ​ഡി​യാ​യ ഇ​ന്ത്യ​ൻ ക​ൾ​ച​റ​ൽ സെ​ന്‍റ​ർ നേ​തൃ​ത്വ​ത്തി​ൽ സം​ഘ​ടി​പ്പി​ക്കു​ന്ന മൂ​ന്നു ദി​വ​സ​ത്തെ 'പ​സേ​ജ്​ ടു ​ഇ​ന്ത്യ' ക​മ്യൂ​ണി​റ്റി ഫെ​സ്റ്റി​ന്​ മ്യൂ​സി​യം ഓ​ഫ്​ ഇ​സ്​​ലാ​മി​ക്​ ആ​ർ​ട്​​സ്​ (മി​യ) പാ​ർ​ക്കി​ൽ തു​ട​ക്കം കു​റി​ച്ചു.

ഖ​ത്ത​റി​ലെ ഇ​ന്ത്യ​ൻ​ പ്ര​വാ​സി​ക​ളു​ടെ​യും സ്വ​ദേ​ശി​ക​ൾ ഉ​ൾ​പ്പെ​ടെ അ​തി​ഥി​ക​ളു​ടെ​യും സാ​ന്നി​ധ്യ​ത്തി​ൽ സ​മ്പ​ന്ന​മാ​യ വേ​ദി​യി​ൽ ഇ​ന്ത്യ​ൻ വി​ദേ​ശ​കാ​ര്യ സെ​ക്ര​ട്ട​റി ഹ​ർ​ഷ്​ വ​ർ​ധ​ൻ ശൃം​ഗ്ല ഉ​ദ്​​ഘാ​ട​നം ചെ​യ്തു. അം​ബാ​സ​ഡ​ർ ഡോ. ​ദീ​പ​ക്​ മി​ത്ത​ൽ, ഖ​ത്ത​ർ ആ​ഭ്യ​ന്ത​ര മ​​ന്ത്രാ​ല​യ​ത്തി​ലെ​യും സാം​സ്കാ​രി​ക മ​ന്ത്രാ​ല​യ​ത്തി​ലെ​യും വി​വി​ധ ഉ​ദ്യോ​ഗ​സ്ഥ​ർ എ​ന്നി​വ​ർ ഉ​ൾ​പ്പെ​ടെ പ്ര​മു​ഖ​ർ ച​ട​ങ്ങി​ൽ സം​ബ​ന്ധി​ച്ചു. ഇ​ന്ത്യ​ൻ വി​ദേ​ശ​കാ​ര്യ സ​ഹ​മ​ന്ത്രി വി. ​മു​ര​ളീ​ധ​ര​ന്‍റെ വി​ഡി​യോ സ​ന്ദേ​ശം സ​ദ​സ്സി​നു ന​ൽ​കി. ഫെ​സ്റ്റ്​ വേ​ദി​യി​ലെ താ​ജ്​​മ​ഹ​ൽ മാ​തൃ​ക​യും ഹ​ർ​ഷ്​ വ​ർ​ധ​ൻ ശൃം​ഗ്ല ഉ​ദ്​​ഘാ​ട​നം ചെ​യ്തു.

മി​യാ പാ​ർ​ക്കി​ലെ വി​ശാ​ല​മാ​യ മൈ​താ​ന​ത്ത്​ ആ​യി​ര​ക്ക​ണ​ക്കി​ന്​ പേ​രാ​ണ്​ സാം​സ്കാ​രി​ക ആ​ഘോ​ഷ​ങ്ങ​ളി​ൽ ഭാ​ഗ​മാ​വാ​നെ​ത്തി​യ​ത്. വെ​ള്ളി, ശ​നി ദി​വ​സ​ങ്ങ​ളി​ൽ തു​ട​രു​ന്ന പ​രി​പാ​ടി​യി​ൽ വി​വി​ധ ഇ​ന്ത്യ​ൻ സം​സ്ഥാ​ന​ങ്ങ​ളി​ലെ ക​ലാ​രൂ​പ​ങ്ങ​ളെ ഉ​ൾ​​ക്കൊ​ള്ളി​ച്ചു​ള്ള നൃ​ത്ത, ക​ലാ​പ​രി​പാ​ടി​ക​ളും അ​ര​ങ്ങേ​റു​ന്നു​ണ്ട്.

ആ​ഘോ​ഷ​ങ്ങ​ളു​ടെ ഭാ​ഗ​മാ​യി ഭ​ക്ഷ്യ​മേ​ള​ക്കും തു​ട​ക്ക​മാ​യി. വി​വി​ധ രു​ചി​വൈ​വി​ധ്യ​ങ്ങ​ളു​മാ​യി പ​ത്തോ​ളം സ്റ്റാ​ളു​ക​ളാ​ണ്​ ത​യാ​റാ​ക്കി​യ​ത്.

ഇ​തി​നു​പു​റ​മെ, ക​ര​കൗ​ശ​ല വ​സ്തു​ക്ക​ളു​ടെ പ്ര​ദ​ർ​ശ​ന​വും വി​ൽ​പ​ന​യു​മെ​ല്ലാം ഫെ​സ്റ്റി​ന്‍റെ ഭാ​ഗ​മാ​യി സ​ജ്ജീ​ക​രി​ച്ചി​ട്ടു​ണ്ട്. ര​ണ്ടാം ദി​ന​മാ​യ വെ​ള്ളി​യാ​ഴ്ച നാ​ലി​ന് ഖ​ത്ത​ർ ആ​ഭ്യ​ന്ത​ര മ​ന്ത്രാ​ല​യ​ത്തി​ന്‍റെ ഡോ​ഗ്​ സ്​​ക്വാ​ഡ്​ ഒ​രു​ക്കു​ന്ന ഷോ​യോ​ടെ പ​രി​പാ​ടി​ക​ൾ​ക്ക്​ തു​ട​ക്ക​മാ​വും. സാം​സ്കാ​രി​ക പ​രി​പാ​ടി​ക​ൾ, മെ​ഗാ തി​രു​വാ​തി​ര​ക​ളി എ​ന്നി​വ അ​ര​ങ്ങേ​റും.