ചെ​ങ്ക​ട​ൽ പ്ര​തി​സ​ന്ധി നീ​ങ്ങാ​ൻ വെ​ടി​നി​ർ​ത്ത​ൽ ആ​വ​ശ്യം -ഊ​ർ​ജ സ​ഹ​മ​ന്ത്രി

ദോ​ഹ: ഗ​സ്സ​ക്കെ​തി​രെ ഇ​സ്രാ​യേ​ൽ അ​ധി​നി​​വേ​ശ സേ​ന​യു​ടെ ആ​ക്ര​മ​ണ​ങ്ങ​ൾ അ​വ​സാ​നി​പ്പി​ച്ച് വെ​ടി​നി​ർ​ത്ത​ൽ പ്ര​ഖ്യാ​പി​ച്ചാ​ൽ ചെ​ങ്ക​ട​ലി​ലെ പ്ര​തി​സ​ന്ധി​ക്ക് പ​രി​ഹാ​ര​മാ​കു​മെ​ന്ന് ഖ​ത്ത​ർ ഊ​ർ​ജ സ​ഹ​മ​ന്ത്രി​യും ഖ​ത്ത​ർ എ​ന​ർ​ജി സി.​ഇ.​ഒ​യു​മാ​യ സ​അ​ദ് ഷ​രി​ദ അ​ൽ ക​അ​ബി. ഗ​സ്സ​യി​ലെ ഇ​സ്രാ​യേ​ൽ ആ​ക്ര​മ​ണ​കാ​ര​ണം മേ​ഖ​ല​യി​ൽ​നി​ന്ന് പെ​ട്രോ​ളും വാ​ത​ക​ങ്ങ​ളും വ​ഹി​ച്ചു​ള്ള ക​പ്പ​ലു​ക​ളു​ടെ ഗ​താ​ഗ​തം പ്ര​തി​സ​ന്ധി​യി​ലാ​യ വേ​ള​യി​ലാ​ണ് അ​ദ്ദേ​ഹം ഇ​ക്കാ​ര്യം വ്യ​ക്ത​മാ​ക്കി​യ​ത്. ഗ​സ്സ​യി​ലെ ഇ​സ്രാ​യേ​ൽ അ​ധി​നി​വേ​ശ​മാ​ണ് ചെ​ങ്ക​ട​ൽ വ​ഴി​യു​ള്ള എ​ണ്ണ, വാ​ത​ക ക​യ​റ്റു​മ​തി​യി​ൽ അ​സ്ഥി​ര​ത സൃ​ഷ്ടി​ച്ച​ത്.

വെ​ടി​നി​ർ​ത്ത​ൽ ഉ​ട​ൻ ഉ​ണ്ടാ​കു​മെ​ന്ന് പ്ര​തീ​ക്ഷി​ക്കു​ന്ന​താ​യും ഇ​ത് ലോ​ക​ത്തെ മു​ഴു​വ​ൻ സാ​മ്പ​ത്തി​ക പ്ര​തി​സ​ന്ധി​ക​ളും അ​വ​സാ​നി​പ്പി​ക്കു​മെ​ന്നും പെ​ട്രോ​കെ​മി​ക്ക​ൽ കോം​പ്ല​ക്സി​ന്‍റെ ത​റ​ക്ക​ല്ലി​ട​ൽ ച​ട​ങ്ങി​ൽ പ​​ങ്കെ​ടു​ത്തു​കൊ​ണ്ട് അ​ദ്ദേ​ഹം പ​റ​ഞ്ഞു.

ഗ​സ്സ​യി​ലെ ഇ​സ്രാ​യേ​ൽ ആ​ക്ര​മ​ണ​ങ്ങ​ൾ​ക്ക് മ​റു​പ​ടി​യെ​ന്നോ​ണം ചെ​ങ്ക​ട​ൽ വ​ഴി നീ​ങ്ങു​ന്ന ഇ​സ്രാ​യേ​ൽ ബ​ന്ധ​മു​ള്ള ക​പ്പ​ലു​ക​ൾ​ക്കെ​തി​രെ ഹൂ​തി​ക​ൾ ആ​ക്ര​മ​ണം ആ​രം​ഭി​ച്ച​താ​ണ് ലോ​ക​മെ​ങ്ങും എ​ണ്ണ, വാ​ത​ക പ്ര​തി​സ​ന്ധി​ക്ക് വ​ഴി​വെ​ച്ച​ത്. ഇ​തോ​ടെ, ഖ​ത്ത​ർ എ​ന​ർ​ജി ഉ​ൾ​പ്പെ​ടെ വി​വി​ധ ക​യ​റ്റു​മ​തി രാ​ജ്യ​ങ്ങ​ൾ ചെ​ങ്ക​ട​ൽ വ​ഴി​യു​ള്ള പാ​ത​ക്കു പ​ക​രം ആ​ഫ്രി​ക്ക​ൻ വ​ൻ​ക​ര ചു​റ്റി യാ​ത്ര തി​​ര​ഞ്ഞെ​ടു​ത്ത​ത് ആ​ഗോ​ള വി​പ​ണി​യി​ൽ​ത​ന്നെ വി​ല​വ​ർ​ധ​ന​ക്ക് കാ​ര​ണ​മാ​യി.