ഭക്ഷ്യയോഗ്യമല്ലാത്ത ഒലിവ്​ പിടികൂടി

ദോഹ: മുനിസിപ്പാലിറ്റി മന്ത്രാലയം ഉദ്യോഗസ്ഥരുടെ പരിശോധനയിൽ, ​ലൈസൻസില്ലാതെ ​സംഭരണശാലയിൽ സൂക്ഷിച്ച ഒലിവ്​ ശേഖരം പിടികൂടി. ഭക്ഷ്യയോഗ്യമല്ലാത്ത ഇവ നശിപ്പിച്ചു.

അൽ റയ്യാൻ മുനിസിപ്പാലിറ്റിക്കു കീഴിലെ മുഐതർ മേഖലയിൽ നിന്നാണ്​ 200 കിലോയുടെ 30 ബാരലുകളും എട്ട്​ കിലോയുടെ 105 ബാരലുകളുമായി സൂക്ഷിച്ച ഒലിവ്​ പിടികൂടിയത്​. 6840 കിലോയോളം തൂക്കമുണ്ട്.

പരിശോധനയില്‍, ഒലിവില്‍ പൂപ്പല്‍ അടങ്ങിയതായും മനുഷ്യ ഉപഭോഗത്തിന് അനുയോജ്യമല്ലെന്ന് കണ്ടെത്തിയതായും മന്ത്രാലയം വ്യക്തമാക്കി. ഇക്കാര്യത്തില്‍ ബന്ധപ്പെട്ടവര്‍ക്കെതിരെ ആവശ്യമായ നിയമനടപടികള്‍ സ്വീകരിച്ചിട്ടുണ്ട്.