ഹു​ബാ​റ പ​ക്ഷി​ക​ൾ​ക്ക് ക​രു​ത​ൽ

ദോ​ഹ: ഖ​ത്ത​രി​ക​ൾ ഉ​ൾ​പ്പെ​ടെ അ​റ​ബി​ക​ളു​ടെ​ ജീ​വി​ത​ത്തി​ൽ ഏ​റെ പ്രി​യ​പ്പെ​ട്ട​വ​യാ​ണ് ഹു​ബാ​റ ബ​സ്​​റ്റ​ഡ്​ എ​ന്ന പ​ക്ഷി. കാ​ഴ്ച​യി​ൽ മ​ല​യാ​ളി​ക​ൾ​ക്ക്​ പ​രി​ചി​ത​മാ​യ കൊ​ക്കി​നെ​യോ കോ​ഴി​യെ​യോ പോ​ലെ തോ​ന്നി​ക്കും.

എ​ന്നാ​ൽ, ​വ​ട​ക്ക​ൻ ആ​ഫ്രി​ക്ക​യും മ​ധ്യ​പൂ​ർ​വേ​ഷ്യ​യി​ലും കാ​ണ​പ്പെ​ടു​ന്ന ഹു​ബാ​റ അ​റ​ബി​ക​ളു​ടെ അ​ഭി​മാ​ന​മാ​യ ഫാ​ൽ​ക്ക​ൺ പ​ക്ഷി​ക​ളു​ടെ പ്ര​ധാ​ന ഇ​ര എ​ന്ന നി​ല​യി​ലാ​ണ്​ പ​രി​ചി​തം. പൊ​ന്നും വി​ല​യു​ള്ള ഫാ​ൽ​ക​ൺ പ​ക്ഷി​ക​ളു​മാ​യി മ​രു​ഭൂ​മി​യി​ൽ വേ​ട്ട​ക്കി​റ​ങ്ങു​​മ്പോ​ൾ മി​ന്ന​ൽ വേ​ഗ​ത്തി​ൽ ഇ​വ പ​റ​ന്ന്​ റാ​ഞ്ചി​യെ​ടു​ക്കു​ന്ന​ത്​ ഹു​ബാ​റ​ക​ളെ​യാ​ണ്.

വം​ശ​നാ​ശ ഭീ​ഷ​ണി നേ​രി​ടു​ന്ന വി​ഭാ​ഗ​ങ്ങ​ളി​ൽ പെ​ടു​ന്ന ഹു​ബാ​റ​ക​ളു​ടെ പാ​ര​മ്പ​ര്യം നി​ല​നി​ർ​ത്താ​നും അ​വ​യു​ടെ പ്ര​ജ​ന​നം ഉ​റ​പ്പാ​ക്കാ​നും വ​ലി​യ പ​ദ്ധ​തി​ക​ളാ​ണ്​ ഖ​ത്ത​ർ ഉ​ൾ​പ്പെ​ടെ വി​വി​ധ രാ​ജ്യ​ങ്ങ​ളും സ്ഥാ​പ​ന​ങ്ങ​ളും ന​ട​പ്പാ​ക്കു​ന്ന​ത്.

ഹു​ബാ​റ​ക​ളു​ടെ വം​ശ​നാ​ശം ഫാ​ൽ​ക്ക​ൺ പ​ക്ഷി​ക​ളു​ടെ​യും വം​ശ​നാ​ശ​ത്തി​ലേ​ക്ക്​ ന​യി​ക്കു​മെ​ന്നാ​ണ്​ ഇ​ന്റ​ർ​നാ​ഷ​ന​ൽ ഫ​ണ്ട്​ ഫോ​ർ ഹു​ബാ​റ ക​ൺ​സ​ർ​വേ​ഷ​ൻ വി​ല​യി​രു​ത്ത​ൽ. ഇ​തി​നാ​യി ഓ​രോ വ​ർ​ഷ​വും വി​വി​ധ രാ​ജ്യ​ങ്ങ​ളി​ലാ​യി ഹു​ബാ​റ​ക​ളു​ടെ പ​രി​ച​ര​ണ​ത്തി​നും വ​ള​ർ​ത്ത​ലി​നും വി​വി​ധ പ​ദ്ധ​തി​ക​ളും ന​ട​പ്പാ​ക്കു​ന്നു​ണ്ട്.

ഖ​ത്ത​റി​ൽ പ​രി​സ്ഥി​തി, കാ​ലാ​വ​സ്ഥ വ്യ​തി​യാ​ന മ​ന്ത്രാ​ല​യം നേ​തൃ​ത്വ​ത്തി​ൽ ഹു​ബാ​റ സം​ര​ക്ഷ​ണ​ത്തി​ലേ​ർ​പ്പെ​ടു​ന്ന സ്വ​കാ​ര്യ പ്രോ​ജ​ക്​​ടു​ക​ൾ​ക്ക്​ മി​ക​ച്ച പ​ദ്ധ​തി​ക​ളാ​ണ്​ ആ​സൂ​ത്ര​ണം ചെ​യ്ത്​ ന​ട​പ്പാ​ക്കു​ന്ന​ത്. ഇ​തു സം​ബ​ന്ധി​ച്ച്​ പ​രി​സ്ഥി​തി മ​ന്ത്രാ​ല​യം ക​ഴി​ഞ്ഞ ദി​വ​സം ‘എ​ക്​​സ്​’ പ്ലാ​റ്റ്​​ഫോം വ​ഴി റൗ​ദ​ത്​ അ​ൽ ഫ​റാ​സ്​ സെ​ന്‍റ​റി​ലെ ഹു​ബാ​റ ബ്രീ​ഡി​ങ്ങി​ലെ വി​ശേ​ഷ​ങ്ങ​ൾ പ​ങ്കു​വെ​ച്ചു.

പ​ക്ഷി​യു​ടെ ഉ​ൽ​പാ​ദ​ന​വും പ​രി​പാ​ല​ന​വും വ​ർ​ധി​പ്പി​ച്ച​താ​യും വി​വി​ധ പ്രോ​ജ​ക്​​ടു​ക​ൾ ന​ട​പ്പാ​ക്കു​ന്ന​താ​യും അ​ധി​കൃ​ത​ർ അ​റി​യി​ച്ചു. ഹു​ബാ​റ വ​ള​ർ​ത്ത​ൽ മേ​ഖ​ല​യി​ൽ സാ​​ങ്കേ​തി​ക സൗ​ക​ര്യം, മാ​ർ​ഗ​നി​ർ​ദേ​ശ​ങ്ങ​ൾ, പ​രി​ശീ​ല​നം, വി​വി​ധ പ​ഠ​ന പ്ര​വ​ർ​ത്ത​ന​ങ്ങ​ൾ എ​ന്നി​വ​യും, ബ്രീ​ഡി​ങ്​ ​രീ​തി​ക​ളി​ലെ പ​രി​ശീ​ല​ന​വു​മെ​ല്ലാം സെ​ന്റ​ർ വാ​ഗ്​​ദാ​നം ചെ​യ്യു​ന്നു.

സ്വ​കാ​ര്യ വ്യ​ക്തി​ക​ൾ​ക്കും സ്ഥാ​പ​ന​ങ്ങ​ൾ​ക്കും ഹു​ബാ​റ വ​ള​ർ​ത്തി​ന്​ പി​ന്തു​ണ ന​ൽ​കു​ക​യാ​ണ്​ റൗ​ദ​ത്​ അ​ൽ ഫ​റാ​സ്​ സെ​ന്റ​ർ വ​ഴി ല​ക്ഷ്യ​മി​ടു​ന്ന​ത്.

ഹു​ബാ​റ ഉ​ൽ​പാ​ദ​ന​ത്തി​നും വ​ള​ർ​ത്ത​ലി​നും താ​ൽ​പ​ര്യ​മു​ള്ള പൗ​ര​ന്മാ​ർ​ക്ക്​ പ്രോ​ത്സാ​ഹ​നം ന​ൽ​കു​ന്ന വി​വി​ധ പാ​ക്കേ​ജു​ക​ളും മ​ന്ത്രാ​ല​യം ന​ൽ​കു​ന്നു​ണ്ട്. ഈ ​മേ​ഖ​ല​യി​ലെ വി​ദ​ഗ്ധ​രു​ടെ മേ​ൽ​നോ​ട്ട​ത്തി​ൽ തീ​റ്റ, ചി​കി​ത്സ, പ്ര​തി​രോ​ധ സാ​മ​ഗ്രി​ക​ൾ, ബ്രീ​ഡി​ന്​ ആ​വ​ശ്യ​മാ​യ പ​ക്ഷി​ക​ൾ എ​ന്നി​വ ഉ​റ​പ്പാ​ക്കും. റൗ​ദ​ത്​ അ​ൽ​ഫ​റാ​സി​ലെ സെ​ന്റ​ർ സ​ന്ദ​ർ​ശി​ക്കാ​നും വി​വി​ധ വ​ശ​ങ്ങ​ൾ മ​ന​സ്സി​ലാ​ക്കാ​നും സൗ​ക​ര്യ​മൊ​രു​ക്കു​മെ​ന്നും അ​റി​യി​ച്ചു.