കാറിൽ കൂടുതൽ പേർ, വൻപിഴ ചുമത്തി​യെന്നത്​ വ്യാജപ്രചാരണം

ദോഹ: രാജ്യത്ത് കാറിൽ കൂടുതൽ പേർ യാത്ര ചെയ്തതിന് കനത്ത പിഴ ഈടാക്കിയെന്ന് സാമൂഹിക മാധ്യമങ്ങളിലൂടെ പ്രചരിക്കുന ്ന വാർത്ത വാസ്​തവ വിരുദ്ധമാണെന്ന് ഗതാഗത ജനറൽ ഡയറക്ടറേറ്റ് അറിയിച്ചു. കോവിഡ്–19 പശ്ചാത്തലത്തിൽ അനുവദിച്ചതിലും കൂടുതൽ ആളുകൾ കാറിൽ യാത്ര ചെയ്തതിന് 10000 റിയാൽ പിഴ ചുമത്തിയെന്ന രീതിയിൽ സാമൂഹിക മാധ്യമങ്ങളിലൂടെ പ്രചരിക്കുന്നുണ്ട്​. ഇത്​ അടിസ്​ഥാന രഹിതമാണ്​. വാർത്തകളും വിവരങ്ങളും ഔദ്യോഗിക േസ്രാതസ്സുകളിൽ നിന്ന് മാത്രമേ സ്വീകരിക്കാവൂ എന്നും വകുപ്പ് പൊതുജനങ്ങളോടാവശ്യപ്പെട്ടു.