അമീറിന്‍റെ യു.എസ്​ സന്ദർശനത്തെ അഭിനന്ദിച്ച്​ മന്ത്രിസഭ

ദോഹ: അമീർ ശൈഖ്​ തമീം ബിൻ ഹമദ്​ ആൽഥാനിയുടെ അമേരിക്കൻ സന്ദർശ​നത്തെ അഭിനന്ദിച്ച്​ ഖത്തർ മന്ത്രിസഭായോഗം. പ്രധാനമന്ത്രി ശൈഖ്​ ഖാലിദ്​ ബിൻ ഖലീഫ ബിൻ അബ്​ദുൽ അസീസ്​ ആൽഥാനിയുടെ അധ്യക്ഷതയിൽ ബുധനാഴ്ച ചേർന്ന പ്രതിവാര യോഗത്തിൽ അമീറിന്‍റെ അമേരിക്കൻ സന്ദർനവും പ്രസിഡന്‍റ്​ ജോ ​ബൈഡനുമായുള്ള കൂടിക്കാഴ്ചയും ഏറെ ഫലപ്രദമായിരുന്നുവെന്ന്​ വിലയിരുത്തി. ഇരുരാജ്യങ്ങളും തമ്മിലെ തന്ത്രപരമായ സൗഹൃദവും ഉഭയകക്ഷി ബന്ധവും മെച്ചപ്പെടുത്തുന്നതിലും വ്യാപാര-വ്യവസായ വികസനം ഊർജിതമാക്കുന്നതിലും മേഖലയിലെയും രാജ്യാന്തരതലത്തിലെയും സമാധാന ശ്രമങ്ങൾ ശക്​തിപ്പെടുത്തുന്നതിലും കൂടിക്കാഴ്ച ഏറെ പ്രധാനമായെന്ന്​ മന്ത്രിസഭായോഗം വിലയിരുത്തി. അമേരിക്കയുടെ നാറ്റോ ഇതര സഖ്യരാജ്യങ്ങളുടെ പദവി നൽകാനുള്ള പ്രസിഡന്‍റിന്‍റെ നിർദേശം ഖത്തർ -​അമേരിക്ക ബന്ധത്തിന്‍റെ പ്രാധാന്യമാണ്​ ബോധ്യപ്പെടുത്തുന്നതെന്നും വ്യക്​തമാക്കി. രാജ്യത്തെ കോവിഡ്​ മഹാമാരിയുടെ സ്ഥിഗതികൾ ആരോഗ്യ മന്ത്രി ഡോ. അൽ കുവാരി വിശദീകരി