ഖ​ത്ത​റി​ന്റെ ഇ​ട​പെ​ട​ലു​ക​ളെ പ്ര​ശം​സി​ച്ച് ബ്ര​സീ​ൽ

ദോ​ഹ: അ​ന്താ​രാ​ഷ്​​ട്ര ത​ല​ത്തി​ലും മേ​ഖ​ല​യി​ലും ഖ​ത്ത​റി​ന്റെ ന​യ​ത​ന്ത്ര ഇ​ട​പെ​ട​ലു​ക​ളെ പ്ര​ശം​സി​ച്ച് ബ്ര​സീ​ൽ പ്ര​സി​ഡ​ന്റ് ലു​ല ഡി​സി​ൽ​വ. ഔ​ദ്യോ​ഗി​ക സ​ന്ദ​ർ​ശ​ന​ത്തി​ന് ഖ​ത്ത​റി​​ലെ​ത്തി​യ​താ​യി​രു​ന്നു ബ്ര​സീ​ൽ പ്ര​സി​ഡ​ന്റ്. മ​ധ്യ​സ്ഥ ദൗ​ത്യ​ങ്ങ​ളി​ലെ​യും സ​മാ​ധാ​ന ശ്ര​മ​ങ്ങ​ളി​ലെ​യും ഖ​ത്ത​റി​ന്റെ പ​ങ്കാ​ളി​ത്ത​ത്തെ അ​ദ്ദേ​ഹം പ്ര​ശം​സി​ച്ചു. ബ്ര​സീ​ലി​ലെ വി​വി​ധ മേ​ഖ​ല​ക​ളി​ലെ നി​ക്ഷേ​പ​ത്തി​ന് അ​ദ്ദേ​ഹം ഖ​ത്ത​റി​ലെ നി​ക്ഷേ​പ​ക​രെ സ്വാ​ഗ​തം ചെ​യ്തു. ഇ​രു രാ​ജ്യ​ങ്ങ​ളി​ലെ​യും വ്യാ​പാ​ര പ്ര​മു​ഖ​ർ പ​​ങ്കെ​ടു​ത്ത ബി​സി​ന​സ് ഫോ​റ​ത്തി​ൽ സം​സാ​രി​ക്കു​ക​യാ​യി​രു​ന്നു ലു​ല ഡി​സി​ൽ​വ.

വ്യാ​ഴാ​ഴ്ച അ​മി​രി ദി​വാ​നി​ൽ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി​യു​മാ​യി ബ്ര​സീ​ൽ പ്ര​സി​ഡ​ന്റ് കൂ​ടി​ക്കാ​ഴ്ച ന​ട​ത്തി. ഇ​രു രാ​ജ്യ​ങ്ങ​ളും ത​മ്മി​ൽ ഊ​ർ​ജ, നി​ക്ഷേ​പ, സാ​മ്പ​ത്തി​ക മേ​ഖ​ല​ക​ളി​ലെ സ​ഹ​ക​ര​ണം സം​ബ​ന്ധി​ച്ച് ച​ർ​ച്ച ചെ​യ്തു. ഗ​സ്സ​യി​ലെ സ്ഥി​തി​ഗ​തി​ക​ൾ വി​ശ​ക​ല​നം ചെ​യ്ത അ​മീ​റും ബ്ര​സീ​ൽ പ്ര​സി​ഡ​ന്റും സ​മ്പൂ​ർ​ണ വെ​ടി​നി​ർ​ത്ത​ലി​ന് ആ​വ​ശ്യ​മു​ന്ന​യി​ച്ചു. സാ​ധാ​ര​ണ​ക്കാ​രു​ടെ സം​ര​ക്ഷ​ണ​വും മാ​നു​ഷി​ക സ​ഹാ​യ​വും ഉ​റ​പ്പാ​ക്ക​ണ​മെ​ന്നും ദ്വി​രാ​ഷ്ട്ര രൂ​പീ​ക​ര​ണ​ത്തി​ലൂ​ടെ സ്വ​ത​ന്ത്ര ഫ​ല​സ്തീ​ൻ യാ​ഥാ​ർ​ഥ്യ​മാ​ക്കി അ​റ​ബ് മേ​ഖ​ല​യി​ൽ സ​മാ​ധാ​നം ഉ​റ​പ്പ​ക്ക​ണ​മെ​ന്നും ആ​വ​ശ്യ​പ്പെ​ട്ടു. വി​വി​ധ മ​ന്ത്രി​മാ​ർ, ഉ​ന്ന​ത ഉ​ദ്യോ​ഗ​സ്ഥ​ർ എ​ന്നി​വ​രും കൂ​ടി​ക്കാ​ഴ്ച​യി​ൽ പ​​ങ്കെ​ടു​ത്തു.