പ്രഥമ ബോട്ട് പ്രദർശനത്തിന് അഡ്നെക് ഒരുങ്ങുന്നു
text_fieldsഅബൂദബി: പ്രഥമ അബൂദബി അന്താരാഷ്ട്ര ബോട്ട് ഷോയുടെ (അദിബ്സ്) സജ്ജീകരണ വിവരങ്ങൾ അബൂദബി നാഷനൽ എക്സിബഷൻസ് കമ്പനി (അഡ്നെക്) വെളിപ്പെടുത്തി. ഒക്ടോബർ 17 മുതൽ 20 വരെ അബൂദബി നാഷനൽ എക്സിബിഷൻ സെൻററിലാണ് ഷോ. വിനോദ സമുദ്രസഞ്ചാര^ആഡംബര ബോട്ട് വ്യവസായ രംഗത്തെ ദേശീയ^അന്തർദേശീയ കമ്പനികൾക്ക് അവരുടെ നവീന ഉൽപന്നങ്ങൾ പരിചയപ്പെടുത്താനും പ്രദർശിപ്പിക്കാനുമുള്ള ലോകോത്തര വേദിയായിരിക്കും ഷോ. അബൂദബി സർക്കാർ, അബൂദബി സാംസ്കാരിക^വിനോദസഞ്ചാര വകുപ്പ്, അബൂദബി പോർട്ട്സ് എന്നിവയുടെ സഹകരണത്തോടെയാണ് നാലു ദിവസത്തെ പരിപാടി സംഘടിപ്പിക്കുന്നത്.
കമ്പനികളിൽ വലിയ പ്രതികരണമാണ് ഷോയ്ക്ക് ലഭിച്ചുകൊണ്ടിരിക്കുന്നത്. ഇതുവരെ നൂറിലധികം കമ്പനികൾ അവരുടെ പങ്കാളിത്തം ഉറപ്പാക്കിയിട്ടുണ്ട്. അൽ സുവൈദി മറൈൻ, ആർട്ട് മറൈൻ, അസിമത് യാച്ചസ്, ബായ്ലൈനർ, അബൂദബി ഷിപ് ബിൽഡിങ്, അൽ മറാകിബ് ബോട്ട്സ് തുടങ്ങിയ പ്രമുഖ കമ്പനികൾ പെങ്കടുക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.