ശാന്തിനികേതന്‍ ഇന്ത്യന്‍ സ്കൂളില്‍ രക്തദാന ക്യാമ്പ്
text_fields
ശാന്തിനികേതന്‍ ഇന്ത്യന്‍ സ്കൂളില്‍ സംഘടിപ്പിച്ച രക്തദാന
ക്യാമ്പിൽനിന്ന്
ദോഹ: ഖത്തർ ദേശീയദിനാഘോഷങ്ങളുടെ ഭാഗമായി ശാന്തിനികേതന്‍ ഇന്ത്യന്‍ സ്കൂളില്‍ ജീവനക്കാര്‍ക്കും രക്ഷിതാക്കള്‍ക്കും വേണ്ടി രക്തദാനക്യാമ്പ് സംഘടിപ്പിച്ചു.
ഖത്തര്‍ ദേശീയദിന പ്രമേയത്തിലെ ഉദാരത, പ്രതിബദ്ധത, ദേശീയ ഐക്യം എന്നീ മൂല്യങ്ങള്‍ ഉള്‍ക്കൊണ്ടുകൊണ്ട് നടന്ന പരിപാടിക്ക് മികച്ച പ്രതികരണമാണ് ലഭിച്ചത്. മെഡിക്കല്‍ സംഘത്തെ മാനേജ്‌മെന്‍റ് കമ്മറ്റി പ്രസിഡന്‍റ് റഷീദ് അഹമ്മദ്, പ്രിന്‍സിപ്പല്‍ റഫീഖ് റഹീം, വൈസ് പ്രിന്‍സിപ്പല്‍ സുജിത് കുമാര്‍, സീനിയര്‍ ഓപറേഷൻസ് മാനേജര്‍ അബ്ദുല്‍ഹമീദ് എന്നിവര്‍ ചേര്‍ന്ന് സ്വീകരിച്ചു.
രക്തദാനത്തിന്‍റെ പ്രാധാന്യത്തെക്കുറിച്ച് വിദ്യാർഥികള്‍ അവതരിപ്പിച്ച ബോധവത്കരണ പരിപാടി ശ്രദ്ധേയമായി. രക്തദാന ക്യാമ്പിന് മെഡിക്കല്‍ സംഘം നേതൃത്വം നൽകി.