മികവോടെ ബിർള

ദോഹ: സി.ബി.എസ്.ഇ പത്താംതരത്തിൽ 511 വിദ്യാർഥികൾ പരീക്ഷയെഴുതിയ ബിർള പബ്ലിക് സ്കൂളിന് മിന്നുംജയം. 99 ശതമാനം മാർക്കുമായി ഉപരിപഠനത്തിന് അർഹനായ നിഹാൽ ആഷിഖ് ഒന്നാമനായി. ഖത്തറിലെ ഇന്ത്യൻ സ്കൂളുകളിൽ ഏറ്റവും ഉയർന്ന മാർക്കും തൃശൂർ നാട്ടിക സ്വദേശിയായ നിഹാലിനാണ്.

മഹിക റാവു (98.80 ശതമാനം) രണ്ടാം സ്ഥാനത്തും. ആർദ്ര സുനിൽ, ഫറഹ നസീർ, ആരിഷ് അരവിന്ദ്, നിധി ലക്ഷ്മി റോയ് (98.60 ശതമാനം) എന്നിവർ മൂന്നാം സ്ഥാനക്കാരുമായി. 229 വിദ്യാർഥികൾ 90ന് ശതമാനത്തിന് മുകളിൽ മാർക്ക് നേടി. 470 പേർ 75 ശതമാനം മാർക്കിന് മുകളിലും സ്വന്തമാക്കി.