ബിർല സ്​കൂളിൽ ഗാന്ധിജയന്തി ആഘോഷം

ദോഹ: സഹനസമരങ്ങളിലൂടെ രാജ്യത്തെ സ്വാതന്ത്ര്യത്തിലേക്ക്​ നയിച്ച ഗാന്ധിജിയുടെ 150ാം ജൻമദിനം ബിർല പബ്ലിക്​ സ്​കൂളിൽ വിവിധ പരിപാടികളോടെ ആഘോഷിച്ചു. ഗാന്ധിയുടെ സംഭാവനകൾ ഉൾക്കൊള്ളിച്ചുള്ള പ്രസംഗം, ജീവിതത്തെ അടിസ്ഥാനമാക്കിയുള്ള സ്​കിറ്റ്​, രഘുപതി രാഘവ എന്ന ഗാനത്തിൽ നൃത്തം, ക്വിസ്, പെയിൻറിങ്​ മത്സരങ്ങൾ തുടങ്ങിയവ നടന്നു. ഇന്ത്യക്ക്​ സ്വാതന്ത്ര്യം നേടിത്തരാൻ വേണ്ടി ഗാന്ധിജി സഹിച്ച ത്യാഗങ്ങൾ കുട്ടികളിലേക്ക്​ പകർന്നുനൽകിയ​​ുള്ള പ്രഭാഷണമാണ്​ വൈസ്​പ്രിൻസിപ്പൽ ജോർജ്​ എഡിസൺ നടത്തിയത്​. റിച്ചാർഡ്​ ആറ്റൻബറോയുടെ ‘ഗാന്ധി’ സിനിമയുടെ പ്രദർശനവും നടന്നു. മിഡിൽ സെക്ഷൻ എച്ച്​.എം ദിവ്യ മേരി വിൻസ​​െൻറ്​, സെക്കൻഡറി കോർഡിനേറ്റർ തോമസ്​ ജോൺ തുടങ്ങിയവർ സംബന്ധിച്ചു. അഞ്ചാം ഗ്രേഡ്​ വിദ്യാർഥി അഭിനവ്​ നന്ദി പറഞ്ഞു.