ബൈലാറ്ററൽ ക്രിക്കറ്റ്​ സീരീസ്​: ഖത്തർ ഫൈറ്റേഴ്​സ്​ ജേതാക്കൾ

ദോഹ: ബിസാർഡ്സ് മീഡിയ ബൈലാറ്ററൽ സീരീസിൽ ഖത്തർ ഫൈറ്റേഴ്​സ്​ ജേതാക്കളായി. ആദ്യ ഫൈനൽ സമനിലയിൽ അവസാനിച്ചതിനാലാണ്​ രണ്ടാമതും ഫൈനൽ നടത്തിയത്​. 81 റൺസിനാണ്​ ഖത്തർ ഫൈറ്റേഴ്സ്, സ്​റ്റാർ വാരിയേഴ്​സിനെ തോൽപിച്ചത്. ആദ്യം ബാറ്റ് ചെയ്ത ഖത്തർ ഫൈറ്റേഴ്സ് 16 ഓവറിൽ ആറു വിക്കറ്റ് നഷ്​ടത്തിൽ 221 റൺസ്​ നേടി ( റാഹിൽ 131, റസാഖ് 25, നാദിൽ 25). സ്​റ്റാർ വാരിയേഴ്​സിന്​ 141 റൺസ് മാത്രമേ നേടാൻ സാധിച്ചുള്ളൂ.

അഞ്ച്​ മാച്ചുകളടങ്ങുന്ന പരമ്പര തുല്യത വരുകയും ഫൈനൽ ടൈ ആവുകയും ചെയ്തതോടെ വന്ന റീ ഫൈനലാണ്​ ​ ശനിയാഴ്​ച നടന്നത്. സെഞ്ച്വറി നേടിയ റാഹിൽ സി.കെയാണ്​ മാൻ ഓഫ് ദ മാച്ച്. ഖത്തർ ഫൈറ്റേഴ്സിനു വേണ്ടി ക്യാപ്റ്റൻ ജാഫർ പുതിയൊട്ടിൽ ട്രോഫി എറ്റുവാങ്ങി. സ്​റ്റാർ വാരിയേഴ്സിൻെറ നൗഷാദ് പപൻ മാൻ ഓഫ് ദി സീരീസായി തിരഞ്ഞെടുക്കപ്പെട്ടു. വിജയികൾക്ക് ഇന്ത്യൻ കൾചറൽ സെൻററിൻെറ കായികവിഭാഗം തലവൻ അഡ്വ. ജാഫർ ഖാൻ ട്രോഫികൾ കൈമാറി.