ബെൻറ്​ലി അവാർഡ്​: ഫൈനൽ ലിസ്​റ്റിൽ തുമാമ സ്​റ്റേഡിയവും

ദോഹ: പന്തുരുളും മു​േമ്പ താരമാവുകയാണ്​ ഖത്തർ ലോകകപ്പി​െൻറ വേദികളിൽ ഒന്നായ അൽ തുമാമ സ്​റ്റേഡിയം. ഉദ്​ഘാടന മത്സരത്തിനായി കാത്തിരിക്കുന്ന വേദി നിർമാണ വൈദഗ്​ധ്യത്തി​െൻറ അംഗീകാരമായി ലോ​കപ്രശസ്​തമായ ബെൻറ്​ലി സിസ്​റ്റംസ് ഡിജിറ്റൽ അവാർഡിനുള്ള ചുരുക്കപ്പട്ടികയിൽ​ ഇടം പിടിച്ചു. അമേരിക്ക ആസ്ഥാനമായുള്ള ഇൻഫ്രാസ്​ട്രക്​ചർ എൻജിനീയറിങ്​ സോഫ്​റ്റ​്​വെയർ കമ്പനിയായ ബെൻറ്​ലിയുടെ പുരസ്​കാരം രാജ്യാന്തര തലത്തിൽ ആർകിടെക്​ട്​ സമൂഹത്തിൽ ഏറെ പ്രശസ്​തവുമാണ്​.

ബിൽഡിങ്​ ആൻഡ്​​ കാമ്പസ്​ വിഭാഗത്തിലാണ്​ ലോകകപ്പി​െൻറ പ്രധാന വേദികളിലൊന്നായ തുമാമ ഇടം പിടിച്ചത്​. സ്​ട്ര​ക്​ചറൽ എൻജിനീയറിങ്​ വിഭാഗത്തിൽ ​ദോഹ റോസ്​വുഡും ഇടംപിടിച്ചിട്ടുണ്ട്​. ഗൾഫ്​ മേഖലയിൽനിന്ന്​ വിവിധ വിഭാഗങ്ങളിലേക്കായി പുരസ്​കാരത്തിന്​ നാമനിർദേശം ലഭിച്ചതും ഇവ രണ്ടുമാണ്​.

ഖത്തർ ആർകിടെക്​ട്​ ഗ്രൂപ്പായ അറബ്​ എൻജിനീയറിങ്​ ബ്യൂറോയാണ്​ രണ്ടും രൂപകൽപന ചെയ്​തത്​. ലോകത്തി​െൻറ വിവിധ ഭാഗങ്ങളിൽനിന്ന്​ 300ഓളം എൻട്രികളാണ്​ പുരസ്​കാരത്തിനയി ലഭിച്ചത്​.

ഇവയിൽനിന്ന്​ 16 അംഗ ജൂറിയാണ്​ വിവിധ വിഭാഗങ്ങളിലായി 57 ഫൈനലിസ്​റ്റുകളെ തെരഞ്ഞെടുത്തത്​. 45 രാജ്യങ്ങളിലെ 230ഓളം എൻജിനീയറിങ്​ സ്ഥാപനങ്ങൾ മത്സരത്തിൽ പങ്കാളികളായതായി ബെൻറ്​ലി സിസ്​റ്റംസ്​ അറിയിച്ചു.

19 വിഭാഗങ്ങളിലായാണ്​ പുരസ്​കാരം നൽകുന്നത്​. ഓരോ വിഭാഗങ്ങളിലേക്കും മൂന്നു പേർ ചുരുക്കപ്പട്ടികയിൽ ഇടം പിടിക്കും. ബിൽഡിങ്​ ആൻഡ്​​ കാമ്പസ്​ വിഭാഗത്തിൽ തുമാമ​ സ്​റ്റേഡിയത്തിനൊപ്പം മെക്​സികോ സിറ്റിയിലെയും റഷ്യയിലെ സെൻറ്​ പീറ്റേഴ്​സ്​ ബർഗിലെയും രണ്ടു​ നിർമാണങ്ങളാണ്​ ഫൈനൽ ലിസ്​റ്റിലുള്ളത്​. പരമ്പരാഗത അറബ്​ തലപ്പാവായ 'ഗഹ്​ഫിയ' മാതൃകയിൽ ഇബ്രാഹിം ജെയ്​ദയാണ്​ തുമാമ സ്​റ്റേഡിയം രൂപകൽപന ചെയ്​തത്​.

ഇതിനകം 2018ലെ ആർകിടെക്​ചറൽ റിവ്യൂ ഫ്യൂച്ചർ പ്രൊജക്​ട്​ സ്​പോർട്​സ്​ സ്​റ്റേഡിയം പുരസ്​കാരം സ്വന്തമാക്കിയിട്ടുണ്ട്​.