ഫു​വൈ​റി​ത് ബീ​ച്ചി​ൽ ക​ട​ലാ​മ​ക്കു​ഞ്ഞു​ങ്ങ​ളെ തു​റ​ന്നു​വി​ട്ടു

ദോ​ഹ: സ​മു​ദ്ര ജൈ​വ​വൈ​വി​ധ്യം സം​ര​ക്ഷി​ക്കു​ന്ന​തി​നു​ള്ള ശ്ര​മ​ങ്ങ​ളു​ടെ ഭാ​ഗ​മാ​യി ഹൗ​ക്ക്സ്​​ബി​ൽ വി​ഭാ​ഗ​ത്തി​ൽ​പെ​ടു​ന്ന ക​ട​ലാ​മ​ക്കു​ഞ്ഞു​ങ്ങ​ളെ ക​ട​ലി​ലേ​ക്ക് തു​റ​ന്നു​വി​ട്ട് പ​രി​സ്ഥി​തി കാ​ലാ​വ​സ്ഥ വ്യ​തി​യാ​ന മ​ന്ത്രാ​ല​യം. ഫു​വൈ​റി​ത് ബീ​ച്ചി​ൽ സം​ഘ​ടി​പ്പി​ച്ച പ​രി​പാ​ടി​യി​ൽ ദ​ക്ഷി​ണാ​ഫ്രി​ക്ക​ൻ അം​ബാ​സ​ഡ​ർ എ​ച്ച്.​ഇ. ഗു​ലാം ഹു​സൈ​ൻ അ​സ്മാ​ലും ഖ​ത്ത​ർ മ്യൂ​സി​യ​ത്തി​ൽ നി​ന്നു​ള്ള 110 സ​ന്ദ​ർ​ശ​ക​രും പ​ങ്കെ​ടു​ത്തു.

വം​ശ​നാ​ശ ഭീ​ഷ​ണി നേ​രി​ടു​ന്ന ക​ട​ലാ​മ​ക​ൾ​ക്ക്​ പ്ര​ജ​ന​ന​ത്തി​നാ​യി സൗ​ക​ര്യ​മൊ​രു​ക്കു​ന്ന ഖ​ത്ത​ർ പ​രി​സ്ഥി​തി മ​ന്ത്രാ​ല​യ​ത്തി​ന്‍റെ പ്ര​വ​ർ​ത്ത​ന​ങ്ങ​ൾ മാ​തൃ​കാ​പ​ര​മാ​ണ്. ഹൗ​ക്ക്സ്​​ബി​ൽ എ​ന്ന വി​ഭാ​ഗ​ത്തി​ൽ​പെ​ടു​ന്ന ക​ട​ലാ​മ​ക​ൾ​ക്കാ​ണ്​ മ​ന്ത്രാ​ല​യ​ത്തി​ന്റെ നേ​തൃ​ത്വ​ത്തി​ൽ രാ​ജ്യ​ത്തെ പ്ര​ധാ​ന​പ്പെ​ട്ട ക​ട​ലാ​മ കേ​ന്ദ്ര​മാ​യ ഫു​വൈ​റി​ത്​ ബീ​ച്ചി​ൽ സൗ​ക​ര്യ​മൊ​രു​ക്കു​ന്ന​ത്. മു​ട്ട​യി​ടാ​ൻ പ്ര​ത്യേ​ക കൂ​ടു​ക​ൾ സ​ജ്ജീ​ക​രി​ച്ചും ഇ​വ​യു​ടെ സു​ര​ക്ഷ​ക്ക്​ വേ​ണ്ട ക്ര​മീ​ക​ര​ണ​ങ്ങ​ൾ ന​ട​ത്തി​യു​മാ​ണ്​ പ​രി​സ്ഥി​തി ക​ലാ​വ​സ്ഥ വ്യ​തി​യാ​ന മ​ന്ത്രാ​ല​യം ​പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന​ത്.

തു​ട​ർ​ന്ന് വ​ള​ർ​ച്ച​യെ​ത്തി​യ​വ​യെ ക​ട​ലി​ലേ​ക്ക് തു​റ​ന്നു​വി​ടും. ക​ട​ലാ​മ​ക്കു​ഞ്ഞു​ങ്ങ​ൾ വി​രി​ഞ്ഞി​റ​ങ്ങു​ന്ന​തും അ​വ​യെ ക​ട​ലി​ലേ​ക്ക് തു​റ​ന്നു​വി​ടു​ന്ന​തു​മാ​യ സ​മ​യ​മാ​ണി​ത്.

ഹൗ​ക്ക്സ്​​ബി​ൽ ക​ട​ലാ​മ​ക​ളെ​പ്പോ​ലു​ള്ള വം​ശ​നാ​ശ​ഭീ​ഷ​ണി നേ​രി​ടു​ന്ന ജീ​വി​ക​ളെ സം​ര​ക്ഷി​ക്കു​ന്ന​തി​നു​ള്ള ല​ക്ഷ്യ​ങ്ങ​ളും പ്രാ​ധാ​ന്യ​വും മ​ന്ത്രാ​ല​യ​ത്തി​ന്റെ പ​രി​സ്ഥി​തി സം​ഘം വി​ശ​ദീ​ക​രി​ച്ചു. ഖ​ത്ത​റി​ന്റെ വ​ട​ക്ക​ൻ തീ​ര​ങ്ങ​ളി​ൽ ഈ ​അ​പൂ​ർ​വ ഇ​ന​ത്തി​ൽ​പ്പെ​ട്ട ക​ട​ലാ​മ​ക്കു​ഞ്ഞു​ങ്ങ​ൾ​ക്കാ​യി ഒ​രു​ക്കു​ന്ന സു​ര​ക്ഷി​ത​മാ​യ കൂ​ടു​കൂ​ട്ട​ൽ, പ്ര​ജ​ന​ന സാ​ഹ​ച​ര്യ​ങ്ങ​ൾ തു​ട​ങ്ങി​യ പ്ര​വ​ർ​ത്ത​ന​ങ്ങ​ളും സം​ഘം വി​ശ​ദീ​ക​രി​ച്ചു. തു​ട​ർ​ന്ന് സ​ന്ദ​ർ​ശ​ക​ർ ന​ട​ത്തി​യ ബീ​ച്ച് ശു​ചീ​ക​ര​ണ​ത്തി​നു ശേ​ഷം ക​ട​ലാ​മ​ക്കു​ഞ്ഞു​ങ്ങ​ളെ തു​റ​ന്നു​വി​ട്ടു.