ഏഷ്യൻ വോളിബാൾ: ചൈനയോട്​ തോൽവി; സെമി കാണാതെ ഖത്തർ പുറത്ത്​

ദോഹ: ഏഷ്യൻ വോളിയിൽ ഖത്തറി​െൻറ സെമി പ്രതീക്ഷകൾ ചൈന അട്ടിമറിച്ചു. രണ്ടാം റൗണ്ടിൽ തങ്ങളുടെ രണ്ടാം അങ്കത്തിൽ വ്യക്​തമായ മേധാവിത്വം സ്​ഥാപിച്ച ശേഷം അഞ്ചു സെറ്റ്​ മത്സരത്തിലായിരുന്നു തോൽവി. സ്​കോർ: 26-28, 25-21, 28-26, 19-25, 10-15.

ആദ്യ സെറ്റിൽ തോറ്റെങ്കിലും തുടർന്നുള്ള രണ്ട്​​ സെറ്റിൽ മിന്നുന്ന ജയവുമായി തിരികെയെത്തിയ ഖത്തറിന്​ നാലാം സെറ്റ്​ ജയിച്ച്​ സെമിയിലെത്താൻ മോഹിച്ചെങ്കിലും ആക്രമിച്ചു കളിച്ച ചൈന മത്സരം പിടിച്ചു.

അവസാന സെറ്റിൽ 10-15ന്​ അവർ കളി തീർപ്പാക്കി. പൂൾ 'ഇ'യിൽ നിന്ന്​ ജപ്പാനും ചൈനയും, 'എഫ്​'ൽ നിന്ന്​ ഇറാനും ചൈനീസ്​ തായ്​പേയിയും സെമിയിൽ ഇടം പിടിച്ചു.