ഏഷ്യൻ വോളി: ആസ്​ട്രേലിയയെ വീഴ്​ത്തി ഖത്തർ

ദോഹ: ജപ്പാനിലെ ചിബയിൽ നടക്കുന്ന ഏഷ്യൻ വോളിബാൾ ചാമ്പ്യൻഷിപ് രണ്ടാം റൗണ്ടിൽ ഖത്തറിന്​ തകർപ്പൻ ജയം.

കരുത്തരായ ആസ്​ട്രേലിയയെ നേരിട്ടുള്ള മൂന്ന്​ സെറ്റിന്​ വീഴ്​ത്തിയ ഖത്തറിന്​ അടുത്ത ജയത്തോടെ സെമിയിൽ ഇടം ഉറപ്പിക്കാം. ത്രില്ലർ അങ്കത്തിൽ 25-20, 25-20, 25-21 സ്​കോറിനായിരുന്നു ഖത്തറി​െൻറ വിജയം. ​

രണ്ടാം റൗണ്ടായ പൂൾ 'ഇ'യിൽ ചൈനക്കെതിരെയാണ്​ വെള്ളിയാഴ്​ചത്തെ മത്സരം.

എട്ടു ടീമുകൾ മത്സരിക്കുന്ന രണ്ടാം റൗണ്ടിൽനിന്നും നാലുപേർ സെമിയിൽ ഇടം നേടും. നേരത്തേ ഗ്രൂപ് റൗണ്ടിൽ ജപ്പാനുപിന്നിൽ രണ്ടാം സ്​ഥാനത്തായിരുന്നു ഖത്തർ.

ജപ്പാനോട്​ തോറ്റപ്പോൾ, ബഹ്​റൈൻ, ഇന്ത്യ ടീമുകൾക്കെതിരായ വിജയം രണ്ടാം റൗണ്ടിലേക്ക്​ വഴിതുറന്നു.