ഏഷ്യൻ വോളിബാൾ കോൺഫെഡറേഷൻ: അലി ഗാനിം അൽ കുവാരി വൈസ്​ പ്രസിഡൻറ്​

ദോഹ: ഏഷ്യൻ വോളിബാൾ കോൺഫെഡറേഷൻ (എ.വി.സി) വൈസ്​ പ്രസിഡൻറായി ഖത്തർ വോളിബാൾ അസോസിയേഷൻ പ്രസിഡൻറ് അലി ഗാനിം അൽ കുവാരിയെ തെരഞ്ഞെടുത്തു.പശ്ചിമേഷ്യൻ വോളിബാൾ ഫെഡറേഷൻ പ്രസിഡൻറായി അൽ കുവാരിയെ ഐകകണ്​ഠ്യേന തെരഞ്ഞെടുക്കപ്പെട്ടതിന് പിന്നാലെയാണ് എ.വി.സി വൈസ്​ പ്രസിഡൻറായും തെരഞ്ഞെടുക്കപ്പെട്ടിരിക്കുന്നത്.

രാജ്യാന്തര വോളിബാൾ ഫെഡറേഷൻ എക്സിക്യൂട്ടിവ് ഓഫിസ്​ അംഗത്വവും അലി കുവാരിക്ക് ലഭിച്ചിട്ടുണ്ട്.വിഡിയോ കോൺഫറൻസ്​ വഴി നടന്ന യോഗത്തിൽ സോണൽ എക്സിക്യൂട്ടിവ് വൈസ്​ പ്രസിഡൻറുമാരും എ.വി.സി അഡ്മിനിസ്​​േട്രഷൻ ബോർഡ് അംഗങ്ങളും പങ്കെടുത്തു.ഖത്തരി വോളിബാൾ അസോസിയേഷനിൽ പശ്ചിമേഷ്യൻ ഫെഡറേഷനിലുള്ള വിശ്വാസമാണ് ഐകകണ്​ഠ്യേന തെരഞ്ഞെടുക്കപ്പട്ടതിലൂടെ പ്രതിഫലിക്കുന്നതെന്ന് അലി ഗാനിം അൽ കുവാരി പറഞ്ഞു.