ഏ​ഷ്യ​ൻ ക​പ്പ്: യാ​ത്രാ പാ​ക്കേ​ജു​ക​ൾ പ്ര​ഖ്യാ​പി​ച്ച് ഖ​ത്ത​ർ എ​യ​ർ​വേ​സ്

ദോ​ഹ: ഏ​ഷ്യ​ൻ ക​പ്പ് ഫു​ട്ബാ​ളി​നും ഏ​ഷ്യ​ൻ യൂ​ത്ത് ഫു​ട്ബാ​ളി​നും ഖ​ത്ത​ർ വേ​ദി​യാ​കാ​ൻ ഒ​രു​ങ്ങ​വെ ​ദേ​ശീ​യ എ​യ​ർ​ലൈ​ൻ ക​മ്പ​നി​യാ​യ ഖ​ത്ത​ർ എ​യ​ർ​വേ​സും ഏ​ഷ്യ​ൻ ഫു​ട്ബാ​ൾ കോ​ൺ​ഫെ​ഡ​റേ​ഷ​നും (എ.​എ​ഫ്.​സി) കൈ​കോ​ർ​ക്കു​ന്നു. ഏ​ഷ്യ​ൻ ഫു​ട്‌​ബാ​ൾ മ​ത്സ​ര​ങ്ങ​ളി​ലെ ആ​രാ​ധ​ക അ​നു​ഭ​വം മെ​ച്ച​പ്പെ​ടു​ത്തു​ന്ന​തു​മാ​യി ബ​ന്ധ​പ്പെ​ട്ട ആ​റു​വ​ർ​ഷ​ത്തെ പ​ങ്കാ​ളി​ത്ത ക​രാ​റി​ൽ ഇ​രു​വി​ഭാ​ഗ​വും ഒ​പ്പു​വെ​ച്ചു.

ജ​നു​വ​രി 12ന് ​ഖ​ത്ത​റി​ൽ ആ​രം​ഭി​ക്കു​ന്ന എ.​എ​ഫ്.​സി ഏ​ഷ്യ​ൻ ക​പ്പ് 2023 മു​ത​ൽ 2029 വ​രെ പ്രാ​ബ​ല്യ​മു​ള്ള ക​രാ​റി​ലാ​ണ് ഇ​രു​ക​ക്ഷി​ക​ളും ഒ​പ്പു​വെ​ച്ച​ത്. എ.​എ​ഫ്.​സി ഏ​ഷ്യ​ൻ ക​പ്പ് സൗ​ദി അ​റേ​ബ്യ, എ.​എ​ഫ്.​സി വി​മ​ൻ​സ് ഏ​ഷ്യ​ൻ ക​പ്പ് 2026, എ.​എ​ഫ്.​സി അ​ണ്ട​ർ 23 ഏ​ഷ്യ​ൻ ക​പ്പ് ഖ​ത്ത​ർ 2024, എ.​എ​ഫ്.​സി ഫു​ട്‌​സാ​ൽ ഏ​ഷ്യ​ൻ ക​പ്പ് 2024, 2026, 2028 തു​ട​ങ്ങി​യ​വ​യെ​ല്ലാം പു​തി​യ ക​രാ​റി​ൽ ഉ​ൾ​പ്പെ​ടും. കൂ​ടാ​തെ ഈ ​കാ​ല​യ​ള​വി​ലെ എ​ല്ലാ എ.​എ​ഫ്.​സി യൂ​ത്ത് നാ​ഷ​ന​ൽ ടീം ​മ​ത്സ​ര​ങ്ങ​ളും ഭാ​ഗ​മാ​കും.

ഖ​ത്ത​ർ എ​യ​ർ​വേ​സി​ന്റെ സ്‌​പോ​ൺ​സ​ർ​ഷി​പ്പി​ൽ എ.​എ​ഫ്.​സി ചാ​മ്പ്യ​ൻ​സ് ലീ​ഗ് 2023-2024 നോ​ക്കൗ​ട്ട് റൗ​ണ്ടി​ലെ മു​ഴു​വ​ൻ മ​ത്സ​ര​ങ്ങ​ളും ഉ​ൾ​പ്പെ​ടും. കൂ​ടാ​തെ 2024-2025 മു​ത​ൽ ആ​രം​ഭി​ക്കു​ന്ന എ.​എ​ഫ്.​സി​യു​ടെ മൂ​ന്നു പു​തി​യ മു​ൻ​നി​ര മ​ത്സ​ര​ങ്ങ​ളാ​യ എ.​എ​ഫ്.​സി ചാ​മ്പ്യ​ൻ​സ് ലീ​ഗ് എ​ലൈ​റ്റ്, എ.​എ​ഫ്.​സി വി​മ​ൻ​സ് ചാ​മ്പ്യ​ൻ​സ് ലീ​ഗ്, എ.​എ​ഫ്.​സി ചാ​മ്പ്യ​ൻ​സ് ലീ​ഗ് 2 എ​ന്നി​വ​യും ക​രാ​റി​ൽ ഉ​ൾ​പ്പെ​ടു​ത്തി​യി​ട്ടു​ണ്ട്. ജ​നു​വ​രി​യി​ൽ ആ​രം​ഭി​ക്കു​ന്ന ഏ​ഷ്യ​ൻ ക​പ്പി​നാ​യി ഖ​ത്ത​റി​ലെ​ത്താ​ൻ ആ​ഗ്ര​ഹി​ക്കു​ന്ന ആ​ഗോ​ള ഫു​ട്‌​ബാ​ൾ പ്രേ​മി​ക​ൾ​ക്കാ​യി യാ​ത്രാ പാ​ക്കേ​ജു​ക​ളും ഖ​ത്ത​ർ എ​യ​ർ​വേ​സ് അ​വ​ത​രി​പ്പി​ച്ചു. റി​ട്ടേ​ൺ ഫ്ലൈ​റ്റ് ടി​ക്ക​റ്റു​ക​ൾ, ഹോ​ട്ട​ലു​ക​ൾ, മ​ത്സ​ര ടി​ക്ക​റ്റു​ക​ൾ എ​ന്നി​വ​യു​ൾ​പ്പെ​ടു​ന്ന​താ​ണ് പാ​ക്കേ​ജു​ക​ൾ. ആ​രാ​ധ​ക​രെ എ​ന്ന​ത്തെ​ക്കാ​ളും കൂ​ടു​ത​ൽ ആ​വേ​ശ​ത്തി​ലാ​ക്കു​ന്ന​തി​നും അ​ടു​പ്പി​ക്കു​ന്ന​തി​നും ഭൂ​ഖ​ണ്ഡ​ത്തി​ലു​ട​നീ​ള​മു​ള്ള ആ​രാ​ധ​ക​ർ​ക്ക് മി​ക​ച്ച അ​നു​ഭ​വം ന​ൽ​കു​ക​യും ല​ക്ഷ്യം​വെ​ച്ചാ​ണ് പു​തി​യ പ്ര​ഖ്യാ​പ​നം.

പ്രി​വി​ലേ​ജ് ക്ല​ബ് അം​ഗ​ങ്ങ​ൾ​ക്ക് യാ​ത്രാ പാ​ക്കേ​ജു​ക​ളി​ൽ ഏ​വി​യോ​സ്, ക്യു-​പോ​യ​ന്റ്‌​സ് എ​ന്നി​വ ശേ​ഖ​രി​ക്കാ​നാ​കും. കാ​ഷും ഏ​വി​യോ​സും ഉ​പ​യോ​ഗി​ച്ച് ബു​ക്ക് ചെ​യ്യാ​നും ക​ഴി​യും. http://www.qatarairways.com/asiancup എ​ന്ന ലി​ങ്കി​ലാ​ണ് പാ​ക്കേ​ജു​ക​ൾ​ക്കാ​യി സ​ന്ദ​ർ​ശി​ക്കേ​ണ്ട​ത്. ഞ​ങ്ങ​ളു​ടെ ശ​ക്ത​മാ​യ സ്‌​പോ​ർ​ട്‌​സ് സ്‌​പോ​ൺ​സ​ർ​ഷി​പ് പോ​ർ​ട്ട്‌​ഫോ​ളി​യോ​യി​ലേ​ക്ക് എ.​എ​ഫ്.​സി​യെ സ്വാ​ഗ​തം ചെ​യ്യു​ന്ന​തി​ൽ ഖ​ത്ത​ർ എ​യ​ർ​വേ​സ് ആ​വേ​ശ​ഭ​രി​ത​രാ​ണെ​ന്ന് ഗ്രൂ​പ് സി.​ഇ.​ഒ എ​ൻ​ജി. ബ​ദ​ർ മു​ഹ​മ്മ​ദ് അ​ൽ മീ​ർ പ​റ​ഞ്ഞു. ഖ​ത്ത​ർ എ​യ​ർ​വേ​സി​നെ എ.​എ​ഫ്.​സി​യു​ടെ പു​തി​യ പ​ങ്കാ​ളി​യാ​യി സ്വാ​ഗ​തം ചെ​യ്യു​ന്നെ​ന്ന് എ.​എ​ഫ്.​സി ജ​ന​റ​ൽ സെ​ക്ര​ട്ട​റി ഡാ​റ്റ​ക് സെ​റി വി​ൻ​ഡ്‌​സ​ർ ജോ​ൺ പ​റ​ഞ്ഞു.