ഏഷ്യൻ കപ്പ് ഒരുക്കം; ലുസൈൽ ബൊളെവാഡ് റോഡ് അടച്ചിടും

ദോഹ: ഏഷ്യൻ കപ്പ്​ ഫുട്ബാളിൽ ആരാധകരുടെ ആഘോഷ വേദിയാകാൻ ഒരുങ്ങുകയാണ് ലുസൈൽ ബൊളെവാഡ്.

തയാറെടുപ്പുകളുടെ ഭാഗമായി ഡിസംബർ 31 മുതൽ ബൊളെവാഡിലെ പ്രധാന റോഡ് അടച്ചിടുമെന്ന് ലു​സൈൽ സിറ്റി അധികൃതർ അറിയിച്ചു. ഫെബ്രുവരി 17 വരെ ബൊളെവാഡിലെ പ്രധാന റോഡിലേക്ക് ഗതാഗത അനുമതി നൽകില്ല. ​

ജനുവരി 12 മുതൽ ഫെബ്രുവരി 10 വരെയാണ് ഏഷ്യൻ കപ്പിന് ഖത്തർ വേദിയാകുന്നത്.

കഴിഞ്ഞ ലോകകപ്പ് ഫുട്ബാൾ സമയത്തും ആരാധകരുടെ പ്രധാന ആഘോഷ വേദിയായിരുന്നു ലുസൈൽ ബൊളെവാഡ്.