ഏ​ഷ്യ​ൻ ക​പ്പ് ഫു​ട്ബാ​ൾ; നാ​ളെ​യ​റി​യാം, വ​ൻ​ക​ര​യു​ടെ പോ​ർ​ചി​ത്രം

ദോ​ഹ: വ​ൻ​ക​ര​യു​ടെ ഫു​ട്ബാ​ൾ വി​രു​ന്നി​ൽ ആ​രെ​ല്ലാം മു​ഖാ​മു​ഖം പോ​ര​ടി​ക്കു​മെ​ന്ന​റി​യാ​നു​ള്ള കാ​ത്തി​രി​പ്പി​ന് ഇ​നി മ​ണി​ക്കൂ​റു​ക​ളു​ടെ ആ​യു​സ്സ്. ലോ​ക​ക​പ്പ് ഫു​ട്ബാ​ൾ ആ​ര​വ​ങ്ങ​ളൊ​ഴി​ഞ്ഞ ഖ​ത്ത​റി​ന്റെ മ​ണ്ണ് വി​രു​ന്നൊ​രു​ക്കു​ന്ന ഏ​ഷ്യ​ൻ ക​പ്പ് ഫു​ട്ബാ​ളി​ന്റെ ഗ്രൂ​പ് റൗ​ണ്ട് ന​റു​ക്കെ​ടു​പ്പി​ന് ​വ്യാ​ഴാ​ഴ്ച ദോ​ഹ വേ​ദി​യാ​വും. ഖ​ത്ത​ർ സ​മ​യം ഉ​ച്ച ര​ണ്ട് മു​ത​ൽ ക​താ​റ​യി​ലെ ഒ​പേ​ര ഹൗ​സി​ലാ​ണ് ന​റു​ക്കെ​ടു​പ്പ്. ​ഏ​ഷ്യ​ൻ ക​പ്പി​ന് യോ​ഗ്യ​ത നേ​ടി​യ 24 ടീ​മു​ക​ളെ​യും ഏ​പ്രി​ൽ ആ​ദ്യ​വാ​ര​ത്തി​ലെ ഫി​ഫ റാ​ങ്കി​ന്റെ അ​ടി​സ്ഥാ​ന​ത്തി​ൽ നാ​ല് പോ​ട്ടു​ക​ളി​ലാ​യി തി​രി​ച്ചാ​വും ന​റു​ക്കെ​ടു​പ്പ്.

ആ​തി​ഥേ​യ​രാ​യ ഇ​ന്ത്യ​യും ഇ​ത്ത​വ​ണ ക​ളി​ക്ക​ള​ത്തി​ലു​ണ്ടെ​ന്ന​താ​ണ് ഖ​ത്ത​റി​ലെ ​പ്ര​വാ​സി ആ​രാ​ധ​ക​ർ​ക്ക് ആ​വേ​ശ​മാ​കു​ന്ന​ത്. ന​വം​ബ​ർ-​ഡി​സം​ബ​ർ മാ​സ​ങ്ങ​ളി​ൽ ന​ട​ന്ന ലോ​ക​ക​പ്പ് ഫു​ട്ബാ​ളി​ൽ വ​ള​ന്റി​യ​ർ​മാ​രും സം​ഘാ​ട​ക​രും കാ​ണി​ക​ളു​മാ​യി ഗാ​ല​റി​യി​ലും പു​റ​ത്തും നി​റ​ഞ്ഞ ഇ​ന്ത്യ​ക്കാ​ർ​ക്ക്, ഏ​ഷ്യാ​ക​പ്പി​ലൂ​ടെ ക​ള​ത്തി​ലും സാ​ന്നി​ധ്യ​മാ​വാ​ൻ ക​ഴി​യു​ന്ന​താ​ണ് വ​ൻ​ക​ര​യു​ടെ ടൂ​ർ​ണ​മെ​ന്റി​ന്റെ പ്ര​ത്യേ​ക​ത.

2024 ജ​നു​വ​രി 12നാ​ണ് ഏ​ഷ്യ​ൻ ക​പ്പി​ന് ഖ​ത്ത​ർ വേ​ദി​യാ​വു​ന്ന​ത്. ഫെ​ബ്രു​വ​രി 10നാ​ണ് ഫൈ​ന​ൽ. വ്യാ​ഴാ​ഴ്ച ന​ട​ക്കു​ന്ന ന​റു​ക്കെ​ടു​പ്പി​ൽ ആ​തി​ഥേ​യ​രും നി​ല​വി​ലെ ജേ​താ​ക്ക​ളു​മാ​യ ഖ​ത്ത​ർ പോ​ട്ട് ഒ​ന്നി​ലു​ണ്ടാ​കും. ഇ​വ​ർ​ക്കൊ​പ്പം, ഏ​ഷ്യ​ൻ റാ​ങ്കി​ങ്ങി​ൽ മു​ൻ​നി​ര​യി​ലു​ള്ള അ​ഞ്ചു​പേ​ർ കൂ​ടി ഇ​ടം​നേ​ടും. നാ​ലു​ത​വ​ണ ജേ​താ​ക്ക​ളാ​യ ജ​പ്പാ​ൻ, മൂ​ന്നു ത​വ​ണ ജേ​താ​ക്ക​ളാ​യ ഇ​റാ​ൻ, ര​ണ്ടു​ത​വ​ണ ജേ​താ​ക്ക​ളാ​യ കൊ​റി​യ, 2015 ജേ​താ​ക്ക​ളാ​യ ആ​സ്ട്രേ​ലി​യ എ​ന്നി​വ​ർ​ക്കൊ​പ്പം ക​ഴി​ഞ്ഞ ലോ​ക​ക​പ്പി​ലെ അ​ട്ടി​മ​റി​സം​ഘ​വും മൂ​ന്നു ത​വ​ണ ഏ​ഷ്യ​ൻ ജേ​താ​ക്ക​ളു​മാ​യ സൗ​ദി​യും ഈ ​സം​ഘ​ത്തി​ലു​ണ്ട്. ഒ​രു പോ​ട്ടി​ലാ​യ​തി​നാ​ൽ, ഈ ​ടീ​മു​ക​ൾ ഗ്രൂ​പ് റൗ​ണ്ടി​ൽ പ​ര​സ്പ​രം ഏ​റ്റു​മു​ട്ട​ൽ ഉ​ണ്ടാ​വി​ല്ല. ഫി​ഫ റാ​ങ്കി​ങ്ങി​ൽ 101ാം സ്ഥാ​ന​ത്തു​ള്ള ഇ​ന്ത്യ പോ​ട്ട് നാ​ലി​ലാ​ണു​ള്ള​ത്. ന​റു​ക്കെ​ടു​പ്പ് ച​ട​ങ്ങി​ന് സാ​ക്ഷി​യാ​കാ​ൻ ​ഏ​ഷ്യ​ൻ ഫു​ട്ബാ​ളി​ലെ സൂ​പ്പ​ർ താ​ര​ങ്ങ​ളും യോ​ഗ്യ​ത നേ​ടി​യ 24 ടീ​മു​ക​ളു​ടെ​യും പ​രി​ശീ​ല​ക​രു​മെ​ല്ലാം ദോ​ഹ​യി​ലെ​ത്തി.