രണ്ട്​ ഇൻറർചെയ്​ഞ്ചുകൾ തുറന്ന്​ അശ്​ഗാൽ

ദോഹ: സബാഹ്​ അൽ അഹമ്മദ്​ കോറിഡോറിനെ ബന്ധിപ്പിക്കുന്ന സൽവ റോഡിലെ ഫലേഹ് ബിൻ നാസർ ഇൻറർചെയ്​ഞ്ചും ഹലൂൽ സ്ട്രീറ്റിലെ ഹലൂൽ ഇൻറർചെയ്​ഞ്ചും ​സഞ്ചാര യോഗ്യമായതായി അഷ്​ഗാൽ അറിയിച്ചു.

ട്വിറ്ററിലൂടെ ചിത്രവും റൂട്ട്​ മാപ്പും പങ്കുവെച്ചാണ്​ അശ്​ഗാൽ രാജ്യത്തെ നിർമാണ പ്രവർത്തനങ്ങളിലെ മറ്റൊരു നേട്ടം പങ്കുവെച്ചത്​. പുതിയ ഇൻറർചെയ്​ഞ്ച്​ പാതകൾ തുറക്കുന്നതോടെ ബു ഹാമൂർ, അൽ മമൗറ, ഐൻ ഖാലിദ്, അൽ വാബ്, അൽ അസീസിയ എന്നിവിടങ്ങളിലേക്കുള്ള ഗതാഗതം കൂടുതൽ എളുപ്പമാവുമെന്ന്​ അശ്​ഗാൽ അറിയിച്ചു.

ഹലൂൽ ഇൻർചെയ്​ഞ്ച്, ഹാലൂൾ സ്ട്രീറ്റിനെ സബാഹ് അൽ അഹ്മദ് കോറിഡോറിലെ എല്ലാ റോഡുകളുമായും, സൽവ റോഡിലെ ഫലെഹ് ബിൻ നാസർ ഇൻറർചെയ്​ഞ്ചുമായും ബന്ധിപ്പിക്കുന്നു.

ലോകകപ്പിന്​ മുന്നോടിയായി നടക്കുന്ന നിർമാണ പ്രവർത്തനങ്ങളിൽ നിർണായകം കൂടിയാണ്​ ഈ പുതിയ പാതകളുടെ പൂർത്തീകരണം.