അൽ ഖീസ-റൗദത്ത്​ ഹമാമ മലിനജല പദ്ധതി പൂർത്തിയാക്കി അശ്​ഗാൽ

ദോ​ഹ: അ​ൽ ഖീ​സ മു​ത​ൽ റൗ​ദ​ത്ത്​ അ​ൽ ഹ​മാ​മ വ​രെ​യു​ള്ള മേ​ഖ​ല​ക​ളെ ബ​ന്ധി​പ്പി​ക്കു​ന്ന 11 കി​ലോ​മീ​റ്റ​ർ ദൈ​ർ​ഘ്യ​മു​ള്ള മ​ലി​ന​ജ​ല പൈ​പ്പ്​​ലൈ​ൻ ശൃം​ഖ​ല​യു​ടെ നി​ർ​മാ​ണം പൂ​ർ​ത്തി​യാ​യ​താ​യി പൊ​തു​മ​രാ​മ​ത്ത്​ ​വി​ഭാ​ഗ​മാ​യി അ​ശ്​​ഗാ​ൽ അ​റി​യി​ച്ചു. വാ​ദി അ​ൽ ബ​നാ​ത്, അ​ൽ ഇ​ബ്ബ, ലു​സൈ​ൽ മേ​ഖ​ല​ക​ളി​ലെ മ​ലി​ന​ജ​ല സം​സ്ക​ര​ണ പ്ലാ​ന്‍റി​ലെ​ത്തി​ക്കു​ന്ന ​പൈ​പ്പ്​​ലൈ​ൻ ശൃം​ഖ​ല​ക​ളു​മാ​യി ബ​ന്ധി​പ്പി​ക്കു​ന്ന​തു​ കൂ​ടി​യാ​ണ്​ ത​റ​നി​ര​പ്പി​ൽ നി​ന്ന് 30 മീ​റ്റ​ർ വ​രെ ആ​ഴ​ത്തി​ൽ സ്ഥാ​പി​ച്ച മ​ലി​ന​ജ​ല പൈ​പ്പ്​ ലൈ​നു​ക​ൾ. ദോ​ഹ​യു​ടെ വ​ട​ക്ക​ൻ പ്ര​ദേ​ശ​ങ്ങ​ളി​ലെ മ​ലി​ന​ജ​ല അ​ടി​സ്ഥാ​ന സൗ​ക​ര്യ വി​ക​സ​ന പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​ണ് പു​തു​താ​യി നി​ർ​മി​ച്ച ഈ ​പൈ​പ്പ്​​ലൈ​ൻ നെ​റ്റ്​​വ​ർ​ക്കു​ക​ൾ. വി​വി​ധോ​ദ്ദേ​ശ്യ​ങ്ങ​ളോ​ടെ​യാ​ണ്​ ഇ​വ​യു​ടെ നി​ർ​മാ​ണം പൂ​ർ​ത്തി​യാ​ക്കി​യ​ത്. സെ​ക്​​റീ​ത്​ സ്​​ട്രീ​റ്റി​ൽ നി​ന്നും സ്​​ട്രീ​റ്റ്​ 999 വ​ഴി മെ​റി​ജീ​ൽ സ്​​ട്രീ​റ്റി​ലേ​ക്കു​ള്ള മ​ലി​ന​ജ​ല പൈ​പ്പു​ക​ൾ സ്ഥാ​പി​ക്കു​ക, മ​ലി​ന​ജ​ല ഒ​ഴു​ക്ക്​ സു​ഖ​മ​മാ​ക്കു​ക, പ​ര​മ്പ​രാ​ഗ​ത സെ​പ്​​റ്റി​ക്​ ടാ​ങ്കു​ക​ൾ​ക്കു പ​ക​രം കൂ​ടു​ത​ൽ ന​വീ​ന​മാ​യി വി​ക​സി​പ്പി​ച്ച മ​ലി​ന​ജ​ല പൈ​പ്പു​ക​ൾ ബ​ന്ധി​പ്പി​ക്കു​ക എ​ന്നീ പ​ദ്ധ​തി​ക​ളു​ടെ ഇ​തോ​ടൊ​പ്പം പൂ​ർ​ത്തി​യാ​ക്കി​യി​ട്ടു​ണ്ട്.

മേ​ഖ​ല​യി​ലെ താ​മ​സ​ക്കാ​ർ​ക്ക്​ കൂ​ടു​ത​ൽ ഉ​പ​കാ​ര​പ്പെ​ടു​ന്ന രീ​തി​യി​ലും ജീ​വി​ത സൗ​ക​ര്യ മെ​ച്ച​പ്പെ​ടു​ത്താ​നും, ന​ഗ​ര​വി​ക​സ​ന പ്ര​വ​ർ​ത്ത​ന​ങ്ങ​ൾ കൂ​ടു​ത​ൽ കാ​ര്യ​ക്ഷ​മ​മാ​ക്കാ​നും ഇ​തു​വ​ഴി ക​ഴി​ഞ്ഞ​താ​യി അ​ശ്​​ഗാ​ൽ റോ​ഡ്സ്​ പ്രൊ​ജ​ക്ട്സ്​ വി​ഭാ​ഗം മാ​നേ​ജ​ർ എ​ൻ​ജി. അ​ബ്​​ദു​ല്ല അ​ൽ നു​ഐ​മി പ​റ​ഞ്ഞു.

6.5 കി.​മീ മൈ​ട്രോ ട​ണ​ലും, 4.5 കി. ​മീ നീ​ള​ത്തി​ൽ ആ​​ഴം​കു​റ​ഞ്ഞ മ​ലി​ന​ജ​ല പൈ​പ്പ്​ ലൈ​നു​ക​ളും, 154 ച​തു​ര​ശ്ര മീ​റ്റ​ർ നീ​ള​ത്തി​ലെ ഇ​ന്‍റ​ർ​ലോ​ക്ക്​ ചെ​യ്ത മേ​ഖ​ല​ക​ളും ഉ​ൾ​​പ്പെ​ടെ​യാ​ണ്​ പ്ര​വൃ​ത്തി പൂ​ർ​ത്തി​യാ​ക്കി​യ​ത്. അ​ഞ്ച്​ മു​ത​ൽ 30 മീ​റ്റ​ർ വ​രെ ആ​ഴ​ത്തി​ലാ​ണ്​ പ​ല​യി​ട​ങ്ങ​ളി​ലും പൈ​പ്പ്​ ലൈ​നു​ക​ൾ സ്ഥാ​പി​ച്ച​ത്.

മേ​ഖ​ല​യി​ലെ മ​ലി​ന ജ​ല ഒ​ഴു​ക്ക്​ സം​ബ​ന്ധി​ച്ച പ്ര​ശ്ന​ങ്ങ​ൾ​ക്ക്​ ശാ​ശ്വ​ത പ​രി​ഹാ​ര​മാ​വു​ന്ന വി​ധ​ത്തി​ലാ​ണ്​ പ​ദ്ധ​തി പൂ​ർ​ത്തി​യാ​വു​ന്ന​ത്. ആ​ഴ​ത്തി​ലെ പൈ​പ്പ്​ ലൈ​നു​ക​ളും, മൈ​ക്രോ ട​ണ​ലു​ക​ളും വ​ഴി വേ​ഗ​ത്തി​ൽ പാ​ഴ്​​ജ​ലം സം​സ്ക​ര​ണ പ്ലാ​ന്‍റി​ലെ​ത്തി​ക്കാ​ൻ ക​ഴി​യും -എ​ൻ​ജി​നീ​യ​ർ അ​ൽ നു​ഐ​മി പ​റ​ഞ്ഞു.

നി​ർ​മാ​ണ ഘ​ട്ട​ത്തി​ലെ വെ​ല്ലു​വി​ളി​ക​ൾ മ​റി​ക​ട​ക്കാ​ൻ പ​ഠ​ന​ങ്ങ​ൾ ന​ട​ത്തി​യാ​ണ്​ പ​ദ്ധ​തി ആ​രം​ഭി​ച്ച​ത്. ആ​ഴ​ത്തി​ൽ പൈ​പ്പ്​​ലൈ​നു​ക​ൾ സ്ഥാ​പി​ക്കു​മ്പോ​ഴു​ള്ള ഭൂ​ഗ​ർ​ഭ ജ​ല​ത്തെ കൂ​റ്റ​ൻ പ​മ്പ്​​സെ​റ്റു​ക​ൾ ഉ​പ​യോ​ഗി​ച്ച്​ നീ​ക്കം ചെ​യ്തു. 30 മീ​റ്റ​ർ വ​രെ ആ​ഴ​ത്തി​ൽ മാ​ൻ​ഹോ​ളു​ക​ൾ നി​ർ​മി​ക്കു​മ്പോ​ൾ വേ​ണ്ട സു​ര​ക്ഷ മു​ൻ​ക​രു​ത​ലു​ക​ൾ സ്വീ​ക​രി​ക്കു​ക​യും, യ​ന്ത്ര സം​വി​ധാ​ന​ങ്ങ​ൾ പ​ര​മാ​വ​ധി ഉ​പ​യോ​ഗ​പ്പെ​ടു​ത്തു​ക​യും ചെ​യ്താ​യി​രു​ന്നു പ​ദ്ധ​തി പൂ​ർ​ത്തി​യാ​ക്കി​യ​തെ​ന്ന്​ എ​ൻ​ജി​നീ​യ​ർ അ​ൽ നു​​ഐ​മി വി​ശ​ദീ​ക​രി​ച്ചു.