നിരത്തുകൾക്ക്​ മൊഞ്ചുകൂട്ടാൻ അശ്​ഗാൽ ​പദ്ധതികൾ

ദോഹ: പൊതുമരാമത്ത്​ വകുപ്പി​െൻറ 'സെൻട്രൽ ഡെവലപ്​മെൻറ്​ ആൻഡ്​​ ബ്യൂട്ടിഫിക്കേഷൻ പദ്ധതി' പ്രവൃത്തിയുടെ ഭാഗമായി നിരത്തുകൾക്ക്​ കൂടുതൽ സൗന്ദര്യം വരുന്നു. ദോഹ നഗരം വികസിപ്പിക്കുന്നതിനും സൗന്ദര്യവത്​കരിക്കുന്നതിനും നിരവധി അനുബന്ധ പദ്ധതികളുമുണ്ട്​. ദോഹ വികസന, സൗന്ദര്യവത്​കരണ പദ്ധതിയുടെ രണ്ട്, മൂന്ന് പാക്കേജുകളിലായി 58 കിലോമീറ്റർ കാൽനടപ്പാതയും സൈക്കിൾ പാതയും 41,000 ചതുരശ്രമീറ്റർ വിസ്​തൃതിയിൽ ഹരിതാഭ മേഖലയുമാണ് വരുന്നത്. ​െപാതുമരാമത്ത് അതോറിറ്റി അശ്ഗാൽ ആണ് ഇക്കാര്യം പുറത്തുവിട്ടത്.

കൂടാതെ, 24 കിലോമീറ്റർ ദൈർഘ്യത്തിൽ റോഡ് വികസനവും 4650 മരങ്ങൾ നട്ടുപിടിപ്പിക്കുകയും ചെയ്യും. ഏഴ് പ്രധാന നിരത്തുകളുൾപ്പെടെ ദോഹ നഗരത്തിലെ ആറു മേഖലകളിലാണ് രണ്ട്, മൂന്ന് പാക്കേജ് വികസന പദ്ധതി നടപ്പാക്കുന്നത്.കോർണിഷ് സ്​ട്രീറ്റിനും എ റിങ് റോഡിനും ഇടയിലുള്ള പ്രദേശമാണ് വികസനത്തിനായി തെരഞ്ഞെടുത്തിരിക്കുന്നത്. ഏഴ് പ്രധാന സ്​ട്രീറ്റുകൾ, അടിസ്ഥാന സൗകര്യ വികസന പദ്ധതികൾ, പ്ലാസ നിർമാണം, കാൽനട-സൈക്കിൾ പാത തുടങ്ങിയവയാണ് പദ്ധതിയിലുൾപ്പെടുന്നത്.

884 സ്​ട്രീറ്റ്​ലൈറ്റ് തൂണുകളുടെ നിർമാണം, 18.6 കിലോമീറ്റർ സർഫേസ്​ വാട്ടർ അഴുക്കുചാൽ ശൃംഖല, 16 കിലോമീറ്റർ ഫൗൾ അഴുക്കുചാൽ ശൃംഖല, 21.5 കിലോമീറ്റർ ഇലക്ട്രിസിറ്റി ശൃംഖല എന്നിവയും ഇതിലുൾപ്പെടുമെന്ന് അശ്ഗാൽ വൃത്തങ്ങൾ അറിയിച്ചു. രാജ്യത്തെ പ്രധാന നിരത്തുകളും കേന്ദ്രങ്ങളും കലാസൃഷ്​ടികൾ സ്ഥാപിച്ച്​ സൗന്ദര്യവത്​കരിക്കുന്ന 'ദോഹ സെൻട്രൽ ഡെവലപ്​മെൻറ്​ ആൻഡ്​​ ബ്യൂട്ടിഫിക്കേഷൻ പദ്ധതി' പ്രവൃത്തിയുടെ ഭാഗമായാണിത്​. 'ദോഹയെ നിങ്ങളുടെ കൈകൾകൊണ്ട്​ സൗന്ദര്യവത്​കരിക്കുന്നു' എന്ന പേരിലാണ്​ ഈ പദ്ധതി. രാജ്യത്തി​െൻറ സംസ്​കാരവും പൈതൃകവും ഒറ്റനോട്ടത്തിൽതന്നെ മനസ്സിലാക്കാൻ ഉതകുന്ന തരത്തിലായിരിക്കും നിരത്തുകൾ സൗന്ദര്യവത്​കരിക്കുന്നത്​​.

ഖത്തരികളായ കലാകാരന്മാരു​െടയും പ്രവാസികളായ കലാകാരന്മാരു​െടയും സൃഷ്​ടികൾ നിരത്തുകളിൽ സ്ഥാപിക്കും.പ്രധാനനിരത്തുകളിൽ ശിൽപങ്ങളും വരും. ഖത്തരി സംസ്​കാരം, പൈതൃകം തുടങ്ങിയവയുമായി ബന്ധമുള്ളവയായിരിക്കും എല്ലാം.വിവിധ ഹോട്ടലുകളുടെ പാർക്കുകളും പദ്ധതിയുടെ കീഴിൽവരും. ഇവിടങ്ങൾ കൂടുതൽ സൗന്ദര്യവത്​കരിച്ച്​ ശിൽപങ്ങൾ സ്ഥാപിക്കും. ഹോട്ടൽ പാർക്കുകൾ നഗരത്തിലെ പ്രത്യേക ലാൻഡ്​​ മാർക്കുകളായി രൂപാന്തരപ്പെടുത്തും. പ്രത്യേക ആശയങ്ങളിൽ ഊന്നിയുള്ള നവീകരണ പ്രവൃത്തികളാണ്​ ഇവിടങ്ങളിൽ നടക്കുക.

പുതിയ പദ്ധതിയിൽ അബ്​ദുല്ല ബിൻ ഥാനി സ്​ട്രീറ്റ്​ ഗേറ്റും ഉൾപ്പെടുന്നുണ്ട്​. പ്രത്യേക ആർച്ച്​ ഇവിടെ സ്ഥാപിച്ച്​ മനോഹരമാക്കും. കോർണിഷ്​ സ്​ട്രീറ്റിലേക്കുള്ള അൽമീന സ്​ട്രീറ്റ്​ ഇൻറർസെക്​ഷൻ ഏറെ ജനത്തിരിക്കുള്ളതാണ്​. ഏറെ കാൽനടക്കാരും ഇവിടങ്ങളിൽ ഉണ്ട്​. ഈ ഇൻറർസെക്​ഷനിൽ രണ്ടു വലിയ കലാചുവരുകൾ ഉയരും. ഇതിൽ ​പ്രത്യേക കലാസൃഷ്​ടികൾ ഉണ്ടാകും.

അൽഖുബൈബ്​ മോസ്​ക്​ പ്ലാസയിലും പുതുപദ്ധതിയുമായി ബന്ധപ്പെട്ട്​ സൗന്ദര്യവത്​കരണ പ്രവൃത്തികൾ നടത്തും. നിരവധി സഞ്ചാരികൾ എത്തുന്നയിടമാണിത്​. ഇവിടെ കൊത്തുപണികളും ശിൽപങ്ങളും സ്ഥാപിക്കും. വിവിധ ആശയങ്ങളിലൂന്നിയുള്ള ശിൽപങ്ങളിലൂടെ സഞ്ചാരികൾക്ക്​ രാജ്യത്തെപ്പറ്റിയും മറ്റുമുള്ള വിവരങ്ങൾ അറിയാൻ സാധിക്കും.

ഖത്തർ ചരിത്രത്തിൽ തുല്യതയില്ലാത്ത സംഭവമായ​ അൽവജ്​ബ പോരാട്ടത്തെ സ്​മരിക്കുന്ന കലാസൃഷ്​ടികളും നിരത്തിൽവരും. ധൈര്യശാലികളായ ഖത്തരികൾ ഓ​ട്ടോമൻ സാമ്രാജ്യത്തിനെതി​െര നടത്തിയ ചെറുത്തുനിൽപ്​ പോരാട്ടമാണ്​ അൽവജ്​ബ. 1893ലാണ്​ ഇതു​ നടന്നത്​. ഈ സംഭവത്തിൻെറ വീരസ്​മരണകൾ തുടിക്കുന്ന തരത്തിൽ ഗ്രാൻഡ്​ ഹമദ്​ സ്​​്ട്രീറ്റിനെ സൗന്ദര്യവത്​കരിക്കും. ഇവിടെ ഒട്ടകങ്ങളുടെ ശിൽപങ്ങൾ സ്ഥാപിക്കും. പോരാട്ടത്തിനിറങ്ങുന്ന പടയാളികളെയും വഹിച്ചുള്ള ഒട്ടകങ്ങളായിരിക്കും ഇവ.

ഖത്തർ ചരിത്രത്തിലെ ആ പോരാട്ടത്തി​െൻറ ഗാഥ എല്ലാകാലത്തും ഇവിടെ എത്തുന്ന ആളുകൾക്ക്​ ഗ്രഹിക്കാൻ കഴിയുന്ന തരത്തിലായിരിക്കും നവീകരണ പ്രവൃത്തികൾ.സെൻട്രൽ ദോഹയിലും ഖത്തരിപ്രവാസി കലാകാരന്മാരുടെ കലാസൃഷ്​ടികളും ശിൽപങ്ങളും സ്ഥാപിച്ച്​ മനോഹരമാക്കും. ദോഹ സെൻട്രലിൽ കൂടുതൽ കാൽനടപ്പാതകളും നടപ്പാലങ്ങളും പുതുപദ്ധതിയിൽ പണിയും.2022 ലോകകപ്പിന്​ മുന്നോടിയായാണ്​ പ്രവൃത്തികൾ പൂർത്തീകരിക്കാൻ ലക്ഷ്യമിടുന്നത്​.